من غير مااكتب بك قصايد ، ربنا حـاليك

ولك / يسعد أبو ترثة هلك .. قلي .. وش اكتب فيك ؟؟
..... مادام الشعر .. من فرحة خفوقي .. صابته سكته
:
:
طبيعي .. مثل ماقلبي .. يحرّك نبضته .. طاريك
.... مسار الشعر في حكمك .. تقلّ .. وتكثر حركته
:
:
مثل مااغليك وافرح بك .. بعد يفرح بك ويغـليك
..... لذا أرجوك تستحـمل .. عبط شعري ، وصعلكته
:
:
( فشر ) يئدر .. بشر .. يحكي علينا هيك والا هيك
... شياطين الحكي ، تسكت .. اذا حضْرت ملايكـته
:
:
انا اكره ماعلي اكتب ( غزل ) لكن عشان ارضـيك
.... أبدخل مملكة غيري .. واباخذ .. عرش مملكته
:
:
عشانك بحرق اشباه القصيد .. بصاعـقه .. واسقيك
... زلال الشعر .. في قلبك .. عسى الله يطرح بركته
:
( تفشخر ) شاعرك ( جزل المعاني ) واعتقد يكفيك
....تملّك ( ذوقك الفاخر ) .. وفـ الآخر .. تملّكـته
:
:
لأنك .. تمتلك .. فوق المزايا .. موهبة تكـتيك
... قدرت تصيد لك .. طيرٍ .. يخمّ النقل .. بشبكته
:
:
ولأنك مختلف جداً .. ولا أية شعر .. يغريك
.... زرعت الخوف في ، قلب القصـيد وفعلا اربكته
:
:
ولأنك جيت شاريني .. قبل عرفي لزوم اشريك
.....هلابك بالخفوق اللي من الوحـشه .. تداركته
:
:
أحبك كثر ماودك تعرف .. شكثر افكر فيك ..!!
.... كثر مالنوم من عيني .. على ماقيل ( جمركته )
:
:
أنا من غير مااكتب بك قصايد ، ربنا حـاليك
... معاك الشعر يستسلم قبل .. لااخوض معركته

الموضوع الأصلي: من غير مااكتب بك قصايد ، ربنا حـاليك || الكاتب: الغند || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات