يوم حسّ إنّه تعلـّق بي..هرَب!! ودّه بــْـ قربي وأبـْعَـدْه الغرُور..

مؤلم إحساسي بـ (فـقـْده) والعتَب!!
مايداوي جرْح أو يرضي غرُور..

مــلّ قلبي من .. غـيابه والتعَب!!
بعْثر اللي قد بقـــا بي من شعُور..

لو غيابه لــــه تفاصيل وْسبَب!!
لو حصل من قلبي بْحبّه قصُور..

أوْعـِده ما أرفض لـْ قلبه طلَب!!
بسّ لآيبعد عن عيوني شهُور..

كم عذر واهي من شفاته هرَب؟؟
عــــادته بإحساسه يْلفّ وْيدُور..

ماعِـلآ صوتي بلحـْظات الغضَب!!
ولاعرفت أزعل من أسلوبه وأثُور..

كنت أعامل حضرته مثل الذهَب!!
يوم يبـْخس قدري بْقسوهْ وجُور..

هو كتب بالصدق سطرين وشطَب!!
بالكذب من صادق إحساسه سطُور..

ما أبالي لو..بـــ (أعذاره) كذَب!!
ربنا أعـْلم بما تخْـــفي الصدُور..

يوم حسّ إنّه تعلـّق بي..هرَب!!
ودّه بــْـ قربي وأبـْعَـدْه الغرُور..