مقهى شعراء بعد حيي

لاح بسمانا بارقٍ صرت اخيله
واستبشرت ارضي تبي ماطر الغيم

وهب الشمال ولا لنا فيه حيله
وزاح السحاب وراح وكان الأمل ديم

نايف سلمى

آنا اجاري نايفٍ من دون حيلة
اللي معه حتى الخساير مغانيم،

هذا سحاب الصيف ياويل ويله
يخدع ضمى النايف ويزود العنى ضيم

ياتي تغلّي دون روْيت خليلة
هذا يجي خادع من دون تقديم

راود وسط قلبه أماني جميلة
واثري المطر أحيان ما هو من الغيم!

ريم الشمري

البارق اللي عصير كنت استخيله
عقب العشاء ترادم الغيم بالغيم

وطاح المطر ثم بان بالارض سيله
وحقق مناي الله وصار المطر ديم

ياريم لا والله مافيك حيله
للحرف في نبضك فنون وتصميم

نايف سلمى


حنا بعد نايف وكبوة أصيلة
يا حظّ حرفي فيك جارة المعازيم

يا مرحبا عالوعد في كل ليلة
إسكب قوافي الشعر واليل في غيم

ماعاد للقمرة منازل جميلة
الحزن غطى النجم والضو تظليم

عزاه يا شعرًا بحزني أجي له
يبدع بصيغ الحرف والبوح تأليم

لافاح جمر الليل صرت استخيله
ولا دق فيني الويل غنيت ترنيم


ريم الشمري