اكيد بتعرفون أن فترة غيابي القصيرة كانت بأسباب الرالي لأني كنت مع اللجنة النتظمة للفنون الشعبية
بس ما نسيت وعدي لكم وخصوصاً الاخت الفاضلة عطر الليل اللي طلبت ان اخص المنتدى بقصائد عن حائل
نزولاً عند رغبة وطلب الاخت الفاضلة عطر الليل اهديكم جميعاً قصيدتي التي بعنوان { عروس المدائن }
ارجوا من استاذي واخي سرحان وضعها في برواز
[frame="7 80"][poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
كون الله كونه .. يوم بدء الزماني = جل شانه .. إله الكون .. رب غفور
كون الأرض .. كون هالجبال الحساني= شق الانهار .. سبحانه .. ومشا البحور
وثبّت جبال حايل ..من بعيدٍ تباني= شامخه بالفضاء .. ترحيبها بالحضور
الله اللي عطاك السحر .. والله عطاني= موهبة شعر لأجل اعطيك حق الظهور
جيت خيّال .. خيلي من جزيل المعاني= لأجل عينك نجي .. ومن جاء من اجلك فخور
جيت لك شاعر .. مشتاق شوقي خذاني= في بساتين شعري .. انتقيلك زهور
ما يلام الذي جالك من البعد عاني= انتي اليوم جنة .. والجبل صار سور
من فخرك افتخر بك والفخر بك .. كفاني= يا عروس المداين من قديم العصور
شفت حِسن الطبيعة .. شفت زين المباني= يطل راس الرعيلة فوق حايل بنور
حتى طعم القصيدة فيك له طعم ثاني= وحتى ريح القصيدة فيك يصبح بخور
حاتم اللي نزل في وادي الديعجاني= أحيا فيك الحياة .. وصار حلمك حضور
أرسى فيك الكرم فعلٍ .. عيان بياني= وكل شخصٍ سكن بك ما يجيبه قصور
وأبو فيصل أميرك ما يصيبك هَـواني= يحق لك .. إي وربي .. لو يصيبك غرور
حايل استبشرت بك يوم جيته وزاني= حاله .. وفاح من وسط المدينة عطور
قالت بصوتها .. حيا الله اللي لفاني= وارث المجد في كسب المديح مخبور
السعد في قدومك يا كريم اليماني= غيمة السعد هلت واستهلت سرور
طال عمرك .. ودمت بعز في هالمكاني= ياقف المدح عندك حايرٍ ومعذور
يعجز الشعر عن وصفـك .. ويعجز لساني= انت أكبر من أوصاف الشعر والشعور
انت عندك وقف .. وصف الشجاعة .. جباني= وعند بابك عقر .. شخص الكرامة .. جزور
كان بالناس بدرٍ لاح نوره وباني= فأنت شمسٍ عليها هالكواكب تدور
جعل من نزّل آياته وسبع المثاني= يلبسك تاج فخر وعز طول الدهور
هاجس الشعر فيكم يابو فيصل دعاني = انثر اجمل قصايد خاطري في سطور [/poem] [/frame]
العضو الأكثر نشاطاً هذا اليوم 
العرض الشجري
