يامنتهى الشرهه تجيك...!!!

يامنتهي الشرهة تجيك المشاريه
النفس لا جرحت يبين زعلها ..


الشعر زعلته وجت لك معانيه
وان طااافتك هذي تحرى بد لها ..


لو جيت أدور لك عذر وين الاقيه
تجاهلك حتى أعذاري قتلها ..


أنا أعرفك لو ينشري الطيب تشريه
لكن حسافة ليت غيرك فعلها ..


إن كان في نفسك كلام مخفيه
الكلمة إللي تحرج النفس قلها ..


مهوب أنا إللي خمس كلمات ترضيه
الناااس يا......... تقاااس بعملها ..


بعض الأوادم ضحكة الزيف تغريه
لين إيتجرع سمهااا في عسلها ..


وإللي عن الواجب طواريه تعميه
تمر ... ميلات الخطا ما عدلها ..


وإللي عيونه تنخدع في امباريه
لو كلمته عوجاااااا عشانه قبلها ..


وإللي نسى يعرف عدوه ومغليه
نفسه تساوت علمهاا مع جهلها ..


هذاك ياكود القصيده توعيه
حتى يعرف إن المشاعر خذلها ..


من صد عني عمد والله ماأرجيه
لو حاجتي عنده حشا لاإعتزلها ..


أنا من إللي عزة النفس تغنيه
ماذل نفسي للحياة وغزلها ..


وأنا من إللي حاضره مثل مااضيه
لا كبرت القاااله تعود لا اهلها ..


كلن تحثه للمعالي هقاااويه
بس الثقيلة مالها الا جملها ..


من ترده الشرهه تجيه المشاريه
النفس لاجرحت يبين زعلها ..

الموضوع الأصلي: يامنتهى الشرهه تجيك...!!! || الكاتب: جـــود || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات