السلام عليكم ورحمة
الله وبركآته
بما اني من زمان ما نزلت موضوع في هالقسم
قلت خليني انزل موضوع واتمنى التفاعل ,,
”
بلاك بيري لغة العصر الآن ”
اكتشاف او جهاز مذهل ومميز حياتنا صارت اسهل معاهـ
وصار بيد اغلب الناس تقريبا ًومايخلو مكان من وجود شخص منزل راسه يرعص بكيبورد البلاك
{ سوق / مستشفى / جامعه .........
سبب طرحي لـ هالموضوع كذا سبب
اول شي :
اللي ماعندهـ بلاك بيري قروي !
عفوا ً؟ وش هالنظرهـ بالله ؟
بعطيكم موقف .
هي : الو مرحبا كيفك ؟
انا : منيحه ازيك انتي ؟
هي : بموت بنهبل وربي خلاص ماعاد بجي الجامعه
انا : افاا سلامات لا تقولين اخوك سعود صارله شي < بريئه
هي : لالا ماصار شي بس امما اجي بدون بلاك بيري
انا : ليييييه وش فيها ؟
هي : تبين الناس يقولون عني قرويه والله معصي اجي بنشب في اهلي يشترون لي غصب
انا : طيب حبيبتي امي تناديني بكرا اشوفك بالكليه < مخرج طبعا ً
لآني ماودي اعصب عليها ويطلع مني كلام بايخ
لـ هالدرجه وصل فينا التفكير مااروح الكليه عشان مامعي بلاك بيري !
وابشركم جت اليوم الثاني معها الجهاز وماصارت قرويه
والحمدلله صارت كوول
سؤالي هنا
معقوله صارت حياتنا تنقاس بـ جهاز الكتروني ؟
ثاني سبب اني اخترت هـ الموضوع
مرهـ بعد بالكليه شافتني زميله لي < لاحظوا زميله مافيه ميانه
قالت اووووووهـ بلاك بيري اشتغل المغازل
انا >
طبعاً ابتسمت ومارديت عليها يعني لو برد هـ العقليات وش بقول شلون بتفهمني اصلاً
هل نظرتكم لأي شخص بيدهـ بلاك بيري راعي مغااازل
يعني شلون توصلت بـ هالنظريه انا ماادري
متى بنرتقي بتفكيرنا ؟
متى بنستخدم التكنولوجيا زي الله وخلقه ؟
واخر شي بخاطري ولا بد اني اقوله
نسولف عن شركات الاتصالات والافضل موبايلي او اتصالات
جينا لـ طاري البلاك انه افضل على موبايلي من وجهة نظري
قالت وحدهـ اخوك يدري ان معاك بلاك بيري ؟
قلت ايوهـ هو جاب لي شريحه موبايلي عام وفعلي الخدمه
قالت تبين تسوين فري مع اخوك بلا نصب بس
> > مرضت انا على طوووول
يعني ايش مثلا ً اللي معهم بلاك بيري اهلهم مايدرون عنهم ؟
في ختام موضوعي المتلخبط لآن افكاري مو مرتبه
بس طقت كبدي وقررت مااروح الجامعه لين اشتري كفر فوشي
اممممم من وجهة نظري المتواضعه ..
وش يميزه يعني جهاز مثل الاجهزه ايبود واي فون و قبله بيجر وجوال وهكذا
الحياه تفاجأك كل يوم بشي جديد .... كل يوم بيطلع لنا جهاز شئنا ام ابينا ولازم نتعامل مع كل جهاز بحذر ..
قالو بالاول الدشوش وعلاقتها بالدشاره وقعدنا سنين على كم قناه
والان كل بيت فيه دش ..فهل هذا معناته ان الشعب منحرف اخلاقيا ..؟!
نرجع للبلاك بيري اشوفه جهاز عادي واللي مايملكه اليوم بكره بيملكه
ويصير بيد السواويق والشغالات ... ومحد احسن من الثاني
مجتمعنا الخليجي راعي رزات وكشخات ويقيم الشخص من شكله
وعلى قولتهم ( من كشخته الناس حبته )
,
خلونا نعترف ان اغلب المجتمع يعتمد عالمظهر
قليلين من يرون انه قشوور نسال الله السلامه من هذا الفكر المنحرف...
لا تحرموني من ارائكم .. 
العضو الأكثر نشاطاً هذا اليوم 
العرض الشجري
