|
قالت بروح !! وقلت .. مروآح جدّي !!.. على الأقل جدّي عرف وين بيروح :)
:
يــا خـاطــري .. أدري بـودّك وودّي ..
ولا كل من لـه ود .. سـوّاه .. مسمـوح ..؟
تدري وش اللـي يكسـرك وأنـت جِـدّي ..؟
شوفة .. بروق تلوح .. فـي عيـن مجـروح..
عبايـرٍ .. منـهـا المـلامـس .. يـنـدّي ..
لا من تعلّت عيـن .. ( عاجـز عـن البـوح )
قالـت : أنـا للحيـن .. أبكـي / وأهـدّي ..!
وأنت إبّـرود أعصـاب .. تطلبنـي أروح ..؟
قول .. إجلسي جنبـي تحـت .. فـيّ ( ودّي )
وإطلب رضاي .. وعامل النوح / بـ( النـوح )
قلـت : البشـر تـدري بـ( حكايـات ) يـدّي
منهو شراني حب ..؟ ترخـص لـه الـروح ..
فتـل .. التفاصيـل القديـمـه .. يــؤدي ..
إلى ( ألـم ) أدهـى مـن مسامـر جـروح ..!
شوفي .. ( أثر دمعي ) علـى سفـح .. خـدّي
وشوفي ( غثى الدنيا ) على العين .. مفضوح ..!
يـا كثـر مــا تخطـيـن وآنــا أعــدّي
ولا قلتي : آسف عـ( الخطا ) قلـت : مدمـوح
تخيّـلـي نـاتـج .. تعـدّيـش ضــدّي ..!
دنيـا عتـاب .. وناسهـا غبـن مكبـوح ..!
فــلا تلومـيـنـي إذا صـــار .. ردّي :
روحي / عسا فعلـش مـن القلـب مبيـوح ..
كفّـي العبايـر .. دامـهـا مــا تـسـدّي ..
ولا تشرحين الدرس ؟.. الـدرس مشـروح..!
قالت : بروح..؟ وقلـت : مـرواح جَـدّي ..!
على الاقل جَـدّي عـرف ويـن بـيـروح ..!
ملتووووش 
|
العضو الأكثر نشاطاً هذا اليوم 
العرض الشجري
