الإخـتــطـاف

أهلن أهلن يسعد صباحك خيو
افتقدت المناقشات بقوه
قضيه موهيممه جداً جداً
عوآآفي على طرحها , ربي يسعدك ..
::
امممم من وجهة نظري انو اهم الاسباب اللي ترجع لها
قضية الاختطاف خصوصا للبنات ..
من ناحية البنات :
التبرج والسفور + عدم رقابة الاهل
الخروج في اماكن عامه لوحدها ( زي الشوبينق مثلا )
الاعتماد الكلي من الاهل على السواق
..
من ناحية اللي يخطفوا :
ضعف الوازع الديني اهم سبب
لان لو عندو ذرة دين ماسوا دا الشي
اغلب اللي يخطفوا يكونوا من العماله
ويكون غرض خطفهم لسببين :
الاول يا اما يكون بهدف الاغتصاب وهو الاغلب
والتاني يكون بسبب مادي ..
..

مناظر قُدام عيني :
1- ايام ماكونت بالجامعه لما انتظر اخواني برا
والله اشوف العجب العُجاب لدرجة انا أتفتن من اشكال البنات
كيف ادا اللي يشوفهم شاب ؟
اغلبية دي الاشكال يكونوا مع سواقين او ليموزين
تنزل من السياره والله نحرها وصدرها مكشوفه واللثمه تكون من تحت
الانف والميك آب الاوفر وريحة العطر اللي تدوخ
فــ شي طبيعي دا السواق بيتأثر ومن هنا يحصل الاختطاف , الاغتصاب .. الخ

2- فيه بنات قابلتهم تيرم واحد بالعملي بس بعدين تفرقنا الله يستر عليهم
اللي فهمتوا من كلامهم انو السواق غير عن الشاب السعودي
يكشفوا معاه , يهرجوا , يضحكوا , حتى القرسون تبع المطاعم
عادي يخلوه يصورهم بجوالاتهم ولما كلمتهم وانو هيك حرام واتقوا الله
يقولوا متعود في بلدوا يعني عادي لو شافنا مو جديد عليه
يشوف بنات كاشفين قولت لهم بس مهما كان بيضل هوا ذكر وانتي اُنثى
ولازم تغطي عنو قالوا يووه تكفين روقينا مو ناقصين ترى ..
<<< بدي الطريقه قفلوا الموضوع .. الله يصلح حالهم
فــ شي طبيعي دا الشخص بيتأثر ومن هنا يحصل الاختطاف , الاغتصاب .. الخ

ولو بنعدد القصص اللي نسمع ونشوف والله بيندي لها الجبين
لاكن ما اقول الا يــ امهات و يــ اباء ويــ اخوان
زي ماقال الرسول صلى الله عليه وسلم
(كلكُم راعً وكلكُم مسؤؤلٌ عن رعيته )


وجهة نظر خاصه فيني
واختلاف الرأي لايُفسد للود قضيه
ودي لكم