قلت مافيها الا اني اجيب دولاب التلفزيون واسحبه واحطة على الباب
وهاتك يا سحب الدولاب مع التلفزيون لين ماحطيته عند الباب ونمت
يوم صحيت اليوم قاعدة افكر لهالدرجة صارو يخوفونا هالشغالات
حسبي الله عليهم
على كثر مانسوي فيهم معروف مايثمر
سؤالي
كيف لنا ان نستغني عن الشغالات وربي وجودهم بالبيت هم
انا بصراحة في بيتي ماعندي شغاله ولا ابيها اصلا
ومنظمة وقتي وايامي ومحدده ايام لغسيل الملابس(الاثنين والخميس )والايام اللي بعدها مباشرة للكوي واحيان بنفس اليوم بس باليل واخر الاسبوع نظيف كامل للبيت وتمسيح دواليب
وبالنسبة لشغلي اليومي مطبخ وترتيب كامل البيت مع الكنس
وربي مرتاحة ونشيطة
لكن هنا ببيت اهلي لابد من الشغالة لان البيت كبير وعائلة كبيرة
الشغالات شر لابد منه
ولكن مستحيييل نستغني عنهم ويمكن الوحده بالبيت تسوي اللي تبي من فعايل لا تحمد عقباها
ولكن انا اشوف الثلاث بكونون افضل عشان ينكبون بعض ههههههه وخاصه اذا تغيرت الجنسيه
والثنتين يتفقون ويا بعض وبالبيت عندنا 3 بس مشاكلهم مع بعض وبعض المرات احاول اهديهم
لانهم يشيلون على بعض السكاكين وجنسياتهم مختلفه ولكن مايحمل السكين غير الفلبينيه والمشكله زوجها موجود وهو سندها
وبالنسبة لي انا عندي حبشيه من 24 سنه وماتفارقني والحين صارت كبيره في الخمسينات
واول ماجتني مربيه والان صارت هي اللي بعد امي
وماجاي بمكان امي احد الله لا يخليني منها بس اخلاق لا يعلى عليها ومع ذالك خفت منها بعد الاحداث اللي صااارت مع العاملات
والشيطاان ماغاب ولا مااات
وكل شي صار مرعب حتى السواويق نشيل همهم لانهم استقووا علينا وجرايمهم كثرت هم و الشغالات حال الناس
مافيه راحه لا بالبيت ولا برا والله يصلح الحال
وانا اشيل بشنطتي مسدس بس من ابو ريالين حديد هههههههههه احمي نفسي لو بالتمويه
كيف لنا ان نستغني عن الشغالات وربي وجودهم بالبيت هم
مع ترتيب وتنظيم الوقت يتم الأستغنآء عن الشغآالآت ..
من ترتيب وتنظيف وغسل ومطبخ واهتمام..
ووجودها غير ضروري الا بحالات خاصه خصوصا للعائله الكبيره ..
وبالنسبه لنآ عندنا شغاله ولها وقت طويل معنا والبيت مابه غير أنا وأمي
وقبل لا أتخرج من الكليه كان وجودها ضروري من شان أمي لانه ماتقدر ع شغل البيت
وبنفس الوقت بيتنا بيت العائله اخواني وخواتي ماشاء الله عليهم دوم ممتلي بهم البيت
وشغالتنا كأنها فرد من العآئله ويدي بيدها وتبي تسافر بعد وقت وودي اقولها خوذيني معك
ومستحيل لأفكر تدخل بيتنا شغاله حبشيه أخاف منهم بصراحه وبالذات هالوقت من كثر مانسمع عنهم
كفانا الله شرهم ..
وبالنسبه لك نجلاء حاولي ان اولادك مايقتربوا منها ولايطلبوا منها أي شي دام أنتي موجوده
لين تتتعود عليكم وتشوف معاملتكم معها ويكون شغلها خاص بالبيت من غسيل وتنظيف وهاللون يعني
ممكن هي من النوع اللي مايحب الأطفال .. والله يكون بعونك ,,,
كيف لنا ان نستغني عن الشغالات وربي وجودهم بالبيت هم
يعطيك العافية " نجلاء ..
الله يكون في عونك والله , والشغالات وسوالفهم الكثيرة منها القتل وغيره .. وبعض العوايل كذلك
الله يهديها في تعاملها مع الخدم بشكل غير إنساني , ما شاء الله انتي لستي بحاجة للشغالة بحكم
ترتيبك لوقتك ولبيتك وهذا شيئ جميل , بس الإشكالية إن البيت والعائلة كبيرة ف وجب ان تكون
هناك شغالة .. مادري وش ديانتها لكن الحذر والانتباه واجب .
العضو الأكثر نشاطاً هذا اليوم 
العرض المتطور
