بقاله زمان تعالوا اشتروا
بتكلم اليوم عن حلويات
زمان اللي كنا ناكلها ( ككاو / فش فاش / علك / بسكويت ).. زي مانتوا عارفين إن أكثر الحلويات
الموجودة الآن إما جديدة أو قديمة لكن غيروا صناعتها أو طعمها " يعني ماهي بجودة أول " .. الحلويات القديمة بجد كانت
رخيصة ، وفي نفس الوقت طعمها يجنن .. أما حلويات الآن أعوذ بالله أسعار غالية ، وطعم الله بالخير ماعدا الشركات
الكبيرة ، والمشهورة مثل جالكسي ، وطقتها .. هي اللي مهتمة كثير بمنتجاتها .. عموما أنا بحثت لكم عن صور
هالحلويات بعضها إلى الآن مازال موجود لكن جودته مو مثل أول .. وبعضها أنقطع نهائيا .. مع العلم إن بعض الحلويات
المقطوعة عندنا حصلت مواقع " أجنبية " توفرها لك مقابل أسعار معينة .. عموماً يالله نشوف صور لبعض الحلويات
القديمه
سمارتيز ككاو مغطى بطبقة صلبة حالية .. أتذكر كان يجي في علب متنوعة .. العلبة المشهورة هي اللي في الصورة
لكن كان فيه علبة على شكل " شاحنة " ما أدري إذا أحد يذكرها أو لا .. ! عموماً هـ الحلاو بطل
هذا حلاو مصاص أبو صفيره .. .. والأهل في البيت ماغير زعاق علينا يقولون "أزعجتونا "
ككاو أولكر عيدان .. عبارة عن ككاو عليه طبقة من البسكوت الخفيف .. حلو طعمه بس كان فيه نوع ثاني من هـ
البسكوت نفس الشكل بس الكيس يختلف كان لونه " بني " أحسن من هذا بكثير
هذا كان غالي وهو عبارة عن حلاو مثل " البلك " ، ويجي معه لعبة على أشكال شخصيات ديزني تعبي الحلاو في
هاللعبة ، وكل ما ضغطت الزر اللي فيها يطيح لك حلاوة
بسكوت أولكر أبو " سمسم " .. مع الشاهي هبال إلى الآن موجود هالبسكوت بس غيروا شكل الكيسة كانت أول
حمراء بالكامل ، لكن الطعم مازال نفسه
هذا طعمه روعة ، وهو عبارة عن توفي عليه ككاو ثقيل شوي لكن بطل
علكة غريندايزر قديمة مرة كانت تجي في أكياس ملونة .. أحمر / أخضر / أصفر / أزرق .. داخل الكيس فيه علك أصفر
صغير ، ومعه كوبون عبارة عن صورة لاصقة لشخصيات مسلسل غرندايزر ، طبعاً هالعلك اختفى من السوق من زمان
بسكوت من أولكر هش ، والطعم حلو
علكة تشكلتس روعة
عيدان البطاطس .. ألذ عيدان ذقته فيه منه نوعين عادي / حار .. كلها روعة ، والبطاطس مازال موجود في كثير من المحلات ، وبنفس طعمه القديم ،
هذا حلاو شفت صورته ، وتذكرته .. لكن عجزت أذكر الكيس حقه .. كل اللي أقدر أقوله إنه قديم مره ، وطعمه مو ذاك الزود
هذا حلاو أبو ساعة آه يالدنيا .. حلاو مصنوع من خيط مطاط وحوالينه قطع حلاو تشكل ساعة .. كنا نلبسه في اليد ، وكل شوي ناكل منه قطعة
حلاو طابوق .. أشهر من نار على علم .. طعمه روعة وألوانه تفتح النفس .. مازال موجود ومعروف عند الكثير من الناس
طعمه حلو مره ، وقديم جداً .. أنقطع من السوق
ككاو فلوس .. ككاو يجي على شكل دراهم .. روعة والله
علكة باباي .. عبارة عن كيس في داخلة علك شرائح لونة " أخضر " ماخذ شكل " السبانخ اللي ياكلها باباي " .. كنا ناكلها ، ونفكر أنفسنا صرنا أقوياء .. علك قديم مرة ، وأنقطع من السوق
بطاطس مرحبـــا ,, وموجود الحين في البقالات
تنويه (الدين ممنوع)
م/ن
اتمنى ان تنال اعجابكم 
العضو الأكثر نشاطاً هذا اليوم 
العرض الشجري
