صُورهُــم تـَ تقاطــر شِعــراً .. تفاعلكم مطلبنا ...!

[ALIGN=CENTER][TABLETEXT="width:90%;background-color:white;"][CELL="filter:;"][ALIGN=center]



الشاعر :
محمد الوسمي


عمري رسالة قبل ما ألقى لها ساعي
غدرني الوقت بظروفه وقطعها
****************
خانتني الريح مدري الخاين شراعي
من غير الآمال ضاعت قبل اجمعها
*************
أنا واحلم متى تتعدل اوضاعي
وإذا صحيت آخذ أحلامي وأشيعها
***************
أضحك مع الناس واخفي عنهم اوجاعي
وإن شافني واحد اضحك قال بيعها
*****************
من بعد ما راحت أغلى نبض فأضلاعي
وأنا المواجع تصارعني وأصارعها
****************
كنت أنتظرها وأنا في نومتي واعي
أخاف لا أحلم بها واصحى وأضيعها
************
كانت معي تشطب الظلمى من شعاعي
والفجر يوقف على الباب ويشجعها
*************
كانت تجي مثل صوت الناي للراعي
من كثر شوقي أدورها وأنا معها
**************
كنت اشتكيها لحزن الليل والداعي
وأوصي البعد لا جاته يرجعها
****************
من كثر ما أحس معها قمة إبداعي
مااحس روعة قصيدي قبل اسمعها
**************
أقول: لا ماتت أيامي من الناعي
وتقول: الأيام تنعيها مواجعها
*********************
وأقول: وجروحك اللي مالها داعي
وتقول: خل الجروح الله يقلعها
****************
زرعتها حب... يأخذني لمرباعي
ونبتت لغيري وآنا العمر زارعها
***************
خلتني أعيش بين الحزن وضياعي
مستقبلي ضيعته الله يضيعها
****************
ما اذكر بكيت البكا ماهو من أطباعي
الين ما مرت الذكرى بشارعها
*********************
ولا كنت احسب السنين بتلوي ذراعي
الا بعد حطت " الدبلة " فأصبعها
************************
يالحزن رح يمها دام انته الساعي
واخذ معك كلمتين لزوم تسمعها
****************
إن كان ندمت بعد ماعرفت أوضاعي
فهمها إن الندم ماعاد ينفعها
***************
وإن كأنها في شهر قدرت على وداعي
أنا أربع سنين مدري كيف أودعها
***************




الشاعر / ضيدان المريخي
[/ALIGN][/CELL][/TABLETEXT][/ALIGN]