كان جيش مبارك الصباح متوقعين النصر وذلك لكثرة العدد والعدة، وكان الأمير عبدالعزيز الجنازه يريد تأخير المعركة إلى اليوم التالي، ونصحه رجل بأن يسرع بالهجوم وقال: مبارك اليوم ما له عز ولا سعه لأن البارحه ذكرى تاريخ ذبحته لأخويه محمد وجراح ...
وصف معركة الصريف:-
بدا جيش حايل يعرضون ، ويوم انتهوا من العرضه قام كل واحد يودع أخوه... هاجم عدد من الفرسان جيش ابن صباح ولكن واجههم البوارديه وبدوا بإطلاق النار عليهم فرجعوا، وأمر الأمير عبدالعزيز بأن تساق 40 ناقة من الصخريات (نياق ال رشيد) ويكون الجيش من خلفهم وقد قتل في بداية المعركه ابناء حمود العبيد ال رشيد (سالم ومهنا وماجد)رحمهم الله.... وكان الأمير عبدالعزيز متعصب بعصابة حمراء ومعه رافع البيرق ومن حوله عدد من أسرة آل رشيد .
ويوم بدأت المعركة وتقهقر جيش ابن صباح، فهج الكثير من الجيش وخاصةً البدو. ولم تستمر المعركة كثيراً حيث أن جيش ابن صباح انكسر بعد فرار الكثير من الجيش، فانهزم الجيش هزيمه نكراء . وغنمت شمر الكثير من الغنائم.. ولدرجة ثقة جيش ابن صباح بالنصر كان غدائهم بالقدور جاهز . وللعلم أن اابن صباح حين خروجه قال للطباخين (نبي ناصلهم وننهيهم زينو الغدا نبي نتغدا بهذا ماحنا مبطين) وهذا بسبب تيقن ابن صباح كسب المعركة لكثرة البيارق معه
وتفاجأ الطبابيخ بدخول ابن رشيد ومن معه عليهم ليتغدو غدا ابن صباح
وأبن صباح هذا هو الوحيد اللذي تبقى من الصباح وما الصباح الحاليين إلا احفاده
فر شيوخ القبايل كلهم وكلن رجع إلى ديرته، وفر الشيخ مبارك هو وامراته إلى سدير وبالتحديد إلى الزلفي، وركب بعير وتوجه نحو الكويت . ويرد مبارك هزيمته إلى البدو المرافقين له الذين انقلبوا عليه ونهبوا رجاله. ويروي مبارك بأن شيخ بريدة قد وصل في 400 فارس بعد أن انجلت المعركة، وأن ابن رشيد لاحقه، وشتت رجاله، وقتله، وفرض على بريدة 30000 ريال غرامة. ويدعي مبارك بأنه خسر حوالي 2000 من رجاله منهم حمود أخو الشيخ، وخليفة بن عبد الله الصباح ابن أخيه، بينما يقدر خسارة ابن رشيد بأربعمائة قتيل.
وهذه امرأه كويتيه في الكويت وصلها خبر الهزيمة من قرينيس واحد من عبيد الصباح ، وأصبحت كل الكويت أحزان فكان كل بيت فيه أحد ميت له . وهذه امرأة فقدت إبنها من أهل الكويت فرثته تقول:-
قلت آه من علمٍ لفانا به اقرنيس === ياليت من هو ميت دار به
علمٍ لفا به مرس القلب تمريس === والنار عجت في الضمير التهابه
واليوم له عن جفن عيني مراريس === والحنظل المذيوق زاده شرابه
نصيت بيته فلت ياقرنيس === وين الحبيب قال: ماعلمنا به
على الله اللي على ضمر العيس === واليوم ما أدري أي حب لفابه
اخفى مع البيرق الحرب السناعيس === وإن سئل به وإلى المحادير جابه
بعد الإنتهاء من المعركة وإنتصار شمر، تغنى الشعراء بهذا النصر الكبير...قال الأمير عبدالعزيز الجنازه لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين، يقول الجنازه وللعلم فالامير عبد العزيز ليس شاعر ولم يقل الشعر قط ... الا مرتين .... هذه احداهن::
يا هيه يا راكب المرسول
....................سلم على ساهر العيني
قل ابن صباح وبن سعدون
...................... وبن سعود وبأ الخيلي
كسرتهم والقضي ممهون
.................... بعيال شمر على الخيلي
اركض كما شوشة المجنون
........................ سبحان ربى مسويني
يــا هـيـه يــا راكـــبا لـمـرسـول
.....................سلم على ساهر العيني
قــل ابــن صـبـاح وبــن سـعــدون
...................... وبن سعود وباالخيلي
كـسـرتـهـم والـقـضــي مـمـهــون
................... بعيال شمر على الخيلي
اركــض كـمــا شـوشــة المـجـنـون
..................... سبحان ربى مسوينـي
والمره الاخرى التي قال شعرا فيها ...عند قبل وفاته بأيام ::
راع الجمل وده يطيح === واللي على متنه رماه
ياعيال انا مالي نطيح === مليت من تال الحياه
ويوم وصل الرسول للأمير حمود العبيد ..تألم حمود لوفاة ابناؤه لكنه فرح للنصر المتحقق فقال::
عزاه ياقلب من العام ملهود === ولا جت علوم الغزو ينساح باله
وإلى أبطوا الطرشان تلقاه منكود === مثل الغليث اللي يحسب لياليه
والله لولا حبكم يافتى الجود === لا حج بيت الله واصلى قباله
يالله ياللي للمخاليق معبود === يا الواحد اللي كل حي يسأله
تجعل سهمنا يمت الضد مقيود === بسلامة اللي وافياتٍ اخصاله
عبدالعزيز اللي على الحرب والكود === يصبر كما تصبر عرايب جماله
عطاه ربه خلةٍ مثل داوود === ولين اقلوب الترك له وإستماله
من العام غزاي على خير وسعود === ما ديرة إلا بناية ظلاله
الله يعين الخيل ويقوي القود ==== عليه لا سنه تعلى رحاله
واللي فتق فتق وهو كان مسدود === ذبح الجمل يقطع بزوره شماله
وإن ما مضى شئ ترى الحكي مردود === انشد بريدة وإنشد اللي حواله
واللي تمنا الحرب ماهوب مردود === من حربنا ما حصل إلا الرزاله
تر حربنا مثل البحر ما بها زود === الغبه اللي موجها فوق جاله
داخله مفقود وطالعه مولود === ما اهبلك ياللي خابر وتعناله
وش عندنا الربع لدعيج وحمود === وعريب دارٍ يوم تطرد اشغاله
يقول مالي اجي نجد مقصود === إلا الأمير احولُه من جباله
وابوه ما كبر فزته يافتى الجود === وابوه لو هو حالمه كيف قاله
هو ما درى أن اجبالنا الحمر والسود === عين على الطباخ في كل حاله
وابوه مانا خابر يطلب العود === ولا عندنا له قالةٍ به مقاله
غره سلاحه خمسة آلاف بارود === ومطير وسبيع ويامٍ صياله
مثل الحبوش اللي يسوقون محمود === وأهلكهم الباري بعزة جلاله
نقلهم الله لين جو حول أبو الدود === ومن دمهم هاك الطغاميس أساله
حامو عليهم بالبواريد وفرود === ومبارك(ن) نجاه ربه الحاله
ماله شبيه(ن) كود فرعوننا العود === اللي نجا والقوم تفرق قباله
وفرعوننا المذكور وإبليس العود === أطيب منه وأذرب منه في فعاله
ما هاب من ربه ولا خاف منقود === أمه لقع قلبه وشمت بخاله
شيبان أخوانه مصلين ورقود === في فرشهم ذبحوا بليلةٍ غياله
وإن كان عند أمه جنيهات وعقود === لزماً يغوله مثل غولة عياله
ونكس علة قومه بخسرا مفقود === ومن ذبح منهم وخِذ شطر ماله
((خلوه بكويته )) وراحوا على القود === وكلٍ زبن له ديرةٍ في حلاله
عـزاه ياقلـب مـن العـام ملهـود ===ولا جت علوم الغزو ينساح باله
وإلى أبطوا الطرشان تلقـاه منكـود===مثل الغليث اللي يحسب لياليه
والله لـولا حبكـم يافتـى الـجـود===لا حج بيت الله واصلـى قبالـه
يالله يالـلـي للمخالـيـقمعـبـود===يا الواحد اللي كل حـي يسالـه
تجعل سهمنا يمـت الضـد مقيـود ===بسلامة اللي وافيـاتٍ اخصالـه
عبدالعزيز اللي على الحرب والكـود ===يصبر كما تصبر عرايب جماله
عطـاه ربـه خـلـةٍ مـثـل داوود ===ولين اقلوب الترك له وإستمالـه
من العام غزاي على خيـر وسعـود ===مـا ديـرة إلا بنايـة ظلالـه
الله يعيـن الخيـل ويقـوي القـود ===عليـه لا سنـه تعلـى رحالـه
واللي فتق فتق وهـو كـان مسـدود ===ذبح الجمل يقطع بزوره شمالـه
وإن ما مضى شئ ترى الحكي مردود ===انشد بريدة وإنشد اللـي حوالـه
واللي تمنا الحرب ماهـوب مـردود===من حربنا ما حصل إلا الرزالـه
تر حربنا مثل البحـر مـا بهـا زود ===الغبه اللي موجها فـوق جالـه
داخلـه مفقـود وطالعـه مـولـود ===ما اهبلك ياللي خابـر وتعنالـه
وش عندنا الربـع لدعيـج وحمـود ===وعريب دارٍ يوم تطرد اشغالـه
يقول مالـي اجـي نجـد مقصـود ===إلا الأمير احولُـه مـن جبالـه
وابوه ما كبر فزتـه يافتـى لجـود===وابوه لو هو حالمه كيـف قالـه
هو ما درى أن اجبالنا الحمر والسود ===عين على الطباخ في كل حالـه
وابوه مانـا خابـر يطلـب العـود ===ولا عندنا له قالـةٍ بـه مقالـه
غره سلاحـه خمسـة آلاف بـارود ===ومطير وسبيـع ويـامٍ صيالـه
مثل الحبوش اللي يسوقون محمـود ===وأهلكهم الباري بعـزة جلالـه
نقلهم الله لين جو حول أبـوالـدود ===ومن دمهم هاك الطغاميس أساله
حامـو عليهـم بالبواريـد وفـرود ===ومبارك(ن) نجاه ربـه الحالـه
ماله شبيه(ن) كود فرعوننـا العـود ===اللي نجا والقـوم تفـرق قبالـه
وفرعوننا المذكور وإبليـس العـود ===أطيب منه وأذرب منه في فعاله
ما هاب من ربه ولا خـاف منقـود ===أمه لقع قلبـه وشمـت بخالـه
شيبـان أخوانـه مصليـن ورقـود ===في فرشهم ذبحوا بليلـةٍ غيالـه
وإن كان عند أمه جنيهـات وعقـود ===لزماً يغوله مثل غولـة عيالـه
ونكس علة قومـه بخسـرا مفقـود ===ومن ذبح منهم وخِذ شطر مالـه
((خلوه بكويته )) وراحوا على القود ===وكلٍ زبن له ديرةٍ فـي حلالـه
ويقول كذلك مفضي السلمي:-
يالله أنك تعـز الشيـخ وتدلـه ===دعوت العبد يامولاي وتجيبه
يوم جانى أخو مريم وربع(ن) له ===هيض مطير والعجمان وأجنابه
جاك شرهاً على حايل يبي ظله ===ما درى أنه بلاد دونها لا به
حايل ٍ حايل ٍ كل ٍ يبـي ظلـه ===مار أبو متعب بالسيف عيابه
وين فيصل وشرب الكيف بالدله ===ماثنى سابقه لرحم من جابه
وين سعـدون ومـرده عبـدالله ====يوم حامت عليه الخيل ماشابه
ويقول العزي بن عبيد راعي البره:-
يا مزنه غرا نشت من مغيبه ==== ترعد وتبرق ساقها رب الأرباب
ترمى السخط قيدت على من تصيبه ==== بأركانها تسمع كما ضرب الاطواب
همت ودمت وادلهمت غضيه ==== استثقلت باللي للأرواح جذاب
تبغى الحريب اللي دنا من حريبه ==== ابن صباح اللي تعرض للأسباب
من كل غواص وسيب يجيبه ==== وباللي يحدقون السمك زام حراب
وعريب الدار وكل من يلتجي به ==== وراع النفاق ومارج الدين ما غاب
ومجموعة العجمان واللي حضيبه ==== مع الدويش واتلاهم والاجناب
والمنتفق وبن شريم ونسيبه ==== وسكانة النقرة وسالم وغصاب
يا مزنه غرا نشـت مـن مغيبـه===ترعد وتبرق ساقها رب الأرباب
ترمى السخط قيدت على من تصيبه ===بأركانها تسمع كما ضرب الاطواب
همت ودمـت وادلهمـت غضيـه ===استثقلت باللي للأرواح جذاب
تبغى الحريب اللي دنا من حريبـه ===ابن صباح اللي تعرض للأسباب
من كل غـواص وسيـب يجيبـه ===وباللي يحدقون السمك زام حراب
وعريب الدار وكل من يلتجي بـه ===وراع النفاق ومارج الدين ما غاب
ومجموعة العجمان واللي حضيبـه ===مع الدويش واتلاهم والاجناب
والمنتفـق وبـن شريـم ونسيبـه ===وسكانة النقرة وسالم وغصاب
اتمنى ان اكون وفقت في نقل شيء من الحقيقه التي يتجاهلها ويغيبها الكثير في وقتنا الراهن...
العضو الأكثر نشاطاً هذا اليوم 
العرض المتطور
