أحبك كثر تعذيب الليالي السالفات الجرد
وكبرالكون وأشكال التعري في صحاريها
حبيبي وأنت قصه مانمل أحداثها وألسرد
ولو طالت بنا أتعابها ما أظن نطويها
/
\
/
تكـذب وتحلف
تكذب وتحلف ومن باب إنك الواضح
وتتوقع إنك بعد هذا بتقنعني
وش ذنبي إن كان حظك دايم طايح
كل شي فيني عن مواصلك يمنعني
بانت حقيقة غلاك ولاني مسامح
ووخر عيونك شوي...ولاتطالعني
فهمتك من أول أنك منت لي صالح
وحتى وأنا أجرحك قلت الجرح ينفعني
/
\
/
صباحك الخير
صباحك الخير و أنت الخير و أصباحه
وأنت الوجود بحياتي يا معذبني
ياضي قلبي و يانوره و مصباحه
يا اللي بصوته يمتعني و يطربني
ماقول إلا صباحك طابت أرياحه
يا اللي بعطرك تعذبني و تتعبني
/
\
/
ماخذها دلال وتغلي
ماني مقصر وان تخاذلت قلي
والله لا احطك بعيوني واغطيك
من ذاق مر الحب لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك
/
\
/
أبحث لين تلقاني
للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك مهو لأجلي ومنشاني
لأجل الغلا اللي من أغلا النوم حارمني
ياخوي الفين صدقاني وخلاني
ولافيه واحد من الالفين فاهمني
اعامل اقصى خوي عدّة من اخواني
وانا ادري بعد يومين صادمني
/
\
/
دخيلك حل عن دربي
وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه
العضو الأكثر نشاطاً هذا اليوم 
العرض الشجري
