قصة وقصيدة نمر بن عدوان وضحى

[align=center]وهذه من قصائد الشاعر العملاق نمر بن عدوان

[poem=font="MS Sans Serif,5,blue,bold,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]

سار القلم يا عقاب بالحبـر سـارا =وبزيزف القرطاس يا مهجتي سار

سارالقلم بالنويهـدات الصغـارا = يا عين وكري وحش حين ما طـار

أكتب جوابٍ مثل قطـف الثمـارا = من قيل ابن عدوان نظم له اسطار

من ضامري كنـه وقيـدت نـارا = يا نيرة النمرود تشبـه لهـا نـار

يا كن ينهش بـي غليـث السعـارا = والحال مني تقـل يبـراه نجـار

أكتب وليفـي ولـع القلـب نـارا = خلان بالدنيـا وحيـد ٍ ومحتـار

يا عقاب من فقده إعيونـي سهـارا = ياكـن فيهـا ذر شـب ٍ وزنجـار

أعول عويل الذيب ليـل ونهـارا = وأحن حن الجيد ثاو ٍ علـى الـدار

علـى حبيـب ٍ بالترايب توارى = خلانِ مشتاق ٍ وحيد ٍ ومحتار

والله لا كـذب ٍ ولا هـو قمـارا = أيضـا ولا أنـا بالتماثيـل بـذار

واخـلاف مابيـن البسيطـه أوارا = ومن طاف في طيبه وللبيت زوار

أنا إننظرتـه رامـي ٍ للجمـارا = كن القمر في موق عيني إليا انـدار

يا عقاب لو تجمع جميـع العـذارا = من اليمن لديـار نجـد لسنجـار

ومن بصرة الفيحـا إلـى قندهـارا = من غير وضحى مالك الله نختـار

أجل جل الزيـن حسـن المسـارا = راعي ثليل فـوق الارداف نثـار

العنق عنق اللـي تقـود العفـارا = قايد اخشوف الريم في دو الاقفـار

يا غصن موز ٍ تحته المـاي جـارا = في وسط بستان دنت منه الأثمـار

يا عقاب مـا والله مديـر النهـارا = مجري سفينة نوح في غب الابحار

لو جن بنات البـدو صـف ٍ تبـارا = على الحنايـا دللـن كـل خـوار

ولو جن بنات الحضر مثل المهـارا = سَطر الذهب بارقابهن تقل نـوار

ولو جن بنات صليب فوق الشهارا = يامـا حـلا بشفيـهن دق الأوبـار

ولو جن بنات الترك هن والنصارا = والهند واللي ساكن ٍ كل الأمصار

جَني ضحى العيد وسـط النهـارا = وقالوا لنا يانمر قم طـب واختـار

ما اخذ سوى مضنون عيني إخيارا = الصاحب اللي فر عقلي معه طـار

فيهـا أخصال ٍ وافيـات اكثـارا = ومثايـل ٍ فيهـا التفاكيـر تحتـار

شيمة فهود ٍ وبه زعانف إنمارا = ومن الجمال اليوسفي فيه تفكار

حسه صخيف ٍ مثل جَني الثمارا = يسبي لبيب منادمه تقل سحار

قلت آه وا ويـلاه مـر المـرارا = من مي زقوم جرعته لـه امـرار

من فقد مسلوب الحشا شين سـارا = غرو ٍ كما بدر لهـا النـور نشـار

يا ليتنـي ويـاه نثنـي المـشـارا = فوق السبايا وأشهب الملح زجـار

لكن ملك المـوت جا لـه غتـارا = فرّق وشتت واودع القلب محتـار

ريحة جسدها مثل ريـح البهـارا = وبين اشفتيها تقل حـص محّـار

لولا ضلوعي فـر قلبـي وطـارا = ياكن ينشر ثومـة القلـب نشـار

من لامني به هو ثور او هو حمارا = والثور أخير إن قيل له ديـر ينـدار

صلاة ربي عـد وحـش القفـارا = والا عدد نبـت ٍ يـروى بالاقفـار

على النبي المبعوث سر وجهـارا = سيد البشر اللي قهـر كـل جبـار[/poem]

شكراً يا بنت الهيلا على الموضوع

تحيتي لكِ[/align]