ياااا عرب
يااااا عرب
يا يعرباااااهـ
اين العرب
يمه يباااااهـ
ماتوا مع عزف الطرب
الليله في رأس السنه
حتى دماهم آسنه
وسط الظلام
لكن تذكرت الكرام
وصية اخويه حسام
مره وقال اذا بكيت
انادي بأعلى صوت
يااااااامعتصم
وياصلاح الدين قم
الم الم
غزة تنادي نعتصم
بين الركام
وبين الحطام
الم الم
ارويك ياغزة بدم
وفي ترابك يدفنون
متى نكون او لا نكون
هنا نهاية امتى
خلف الحصون
هنا هنا
طفلة تنادي بالدموع
عروستي تحت الركام
والحرب قام
والناس من حولي نيام
وقريت يا ارضي السلام
اشوف من حول فرح
بعيدك يارأس السنه
وانا بكيت
لا ارض وازرع ارض
ولابيت واسكن بيت
العرض وين العرض
بالله وش سويت
عروستي
اسمع غناها تقول
با با فين بابا فين
وانا ارد اقول
بابا وماما مين
ما تو هنا من حول
وحولي العرب
يتمايلوا
رقص ومجون
ويرددوا
(هبي نيو يير تو يو )
وانا اجفف دمعتي
عروستي
عروستي
موتي مع غزة حلال
يكفيك من دمعي دلال
ويكفيني احساسك وصال
ونغني سوا
ويالله نقلبها طرب
وتحيا العروبه ياعرب
وتحيا العروبه ياعرب
وتحيا العروبه ياعرب
(( ياااا عرب ))
يالله يارب فيما صابنا عضنا=سبحانك الله علينا دارت الدوره
الجرح دامي ولاغيرك معالجنا=اما العرب للأسف اشلاء منثوره
العام صدام ضحوا به وغمضنا=واليوم غزة ورام الله مدموره
والعام كنا نداري فيه موقفنا=كنا نقول طاغيه وجزاه بوزوره
وين الشهامه../ والنخوة ليعربنا=نشجب ونستنكر العدوان في ثوره
فيصل تمنى ببيت القدس يجمعنا=فيها نصلي ومنها احتزم شوره
وقال حنا بدو والتمر عيشتنا=والكيف نلقاه في خلفات مدروره
يمين لأجعل بني صهيون تشحثنا=وانى لأخلي شباب العرب مسروره
نفذ كلامه على الأعداء وجملنا=وقال ذا نفطنا وانصك صنبوره
وخلال يومين الا الغرب تتبعنا=سوو سواة البليد بمسح سبوره
اللي على سيكله والا يطالبنا=تكفي وابشر معاك نحسن الصوره
واليوم نبحث ونتحسس شجاعتنا=حتى القمم اصبحت ياعرب محظوره
الخصم يعتد بصواريخ يضربنا=وحنا قرارتنا ياعرب مبتوره
الخصم انشأ بتل ابيب موتتنا=والفرس بالشرق فينا ينتظر دوره
الى متى والآلم والخوف طابعنا=ونردد تحيا العروبه قول مأثوره
الدين فيه امرنا وعزم شورتنا=امتنا بالدين بإذن الله منصوره
يارب جمع على تقواك فرقتنا=ونعيد مجدٍ تهاوى وانهدم سوره
مخرجــ
الدين قُوتي والشجاعة لي وطن=والموت واحد والشهادة مطلبي
شعر
اخوكم
احمد المنتشري
بوح القصيد
1/1/2009 م
كل ما اكتبه هنا من قصيد هو من نظمي ومن خيالي ومن مقولي وليس بمنقول وحقوقه محفوظة لــ ( بوح القصيد احمد المنتشري ) .
اللهم عليك باليهود ومن هاودهم وطاوعهم
احمد المنتشري
بوح القصيد
صح نبضك والله يالغالي والله لايهينك
عزالله قصيده
تستاهل برواز من ذهب
لله درك سلمت وسلم قلبك
اخي الكريم المزيون
اللهم آمين يا مجيب الدعاء
واهلا وسهلا فيك وفي حضورك العطر هنا
دمت ودام نبضك وتواصلك
العضو الأكثر نشاطاً هذا اليوم 
العرض العادي
