السؤال سئلته لثنتين من خواتي وحده قالت ارسلك تجيبين ماء تروحين وتبطين واخرتها تجيبن بكاسه ولا ونص بعد >>> يا الله اشيله
والثانيه تقول انقهر منك ابي امشط شعرك وتصيحين >>> الوحيده اللي شعرها قصير با البيت عشان كذا ودهن يمشطن شعري
كنت اخر العنقود والوحيده اللي ابطت امي ما جابت بعدي كنت مدلعه بشكل مو طبيعي لين جو الثلاثي المرح هههههههه
اما امي سئلتها قالت كنتي عنيده اي ثوب للعيد اجيبه لخواتك يسكتن وانتي تبين على مزاجك وتصرخين لين نجيبه >>> شلون لو على ايامي فله وباربي وش كنت اسوي
4- من الأقرب لك أبوك أم أمك في طفولتك ..؟
امي لاني لما كنت اخر اعنقود ابطت ماجابت بعدي الا بعد اربع سنوات ولما كانت تروح
للمدرسه تاخذني معها لانها تدرس اميه ودايمن تضبطني وتلبسني وتكشخني
ونروح سوى وكنت اجلس با الصف مع الحريم الكبار واحيانا اطلع با الساحه استكشف المدرسه
ناسيه وينها المدرسه الحين هههههههههه ابسئل امي
5- موقف ما زال في ذهنك ..؟ ( سعيد أو حزين )
موقف حزين كنت احب اقوم الصبح واسقي النخله اللي ببيتنا
طبعا قبل لا ادرس وجتني احد الايام اختي الكبيره وكنت اسقي الشجر الصبح
اتوقع كان يوم خميس او جمعه لانها تدرس وشفتها تبكي انا ماسئلتها وش السبب
لاني منصدمه ان اختي الكبيره تبكي >>> كنت اتخيل الكبير مايبكي
قالت لي بصوت يقطع القلب والله جدتي ماتت وراحت دخلت داخل وعلى طول تركت الماء ودخلت با البيت
لقيت اهلي كلهم با المجلس دخلت وهم ساكتين اناظر فيهم ابي احد يسولف يقول شي مافيه
استغربت الموقف اول مره يصير معي ومع اهلي واخواني المشاكسين ساكتين
جلست معهم امي وابوي جالسين بجنب بعض
واشوف الدموع على امي وابوي وجهه متوتر وكان عندهم كرتون منديل
مدري وش اسوي انا ماكنت فاهمه حقيقة الموت يمكن مشاعري عادي رحت وخذيت منديل
ورجعت مكاني واحط المنديل على عيوني قامت امي وابوي يناظرون فيني ويضحكون من موقفي الطفولي يمكن خففت شوي من حزنهم ههههههه
الله يرحمها يارب
6- أعز صديق لك ..؟ ومن أي دولة ..؟
اختي الاكبر مني بسنه انا وياها يسموننا التوأم دايم مع بعض
7- أصدقاء الطفولة هل مازلت متواصل معهم ..؟
كان فيه بس اخفتهم الظروف > زواج
8- كنت تحب تلعب مع البنات أم الأولاد .. أكثر ؟
تبون الصراحه مع الاثنين دايمن العب مع العيال والبنات سوى
وما كنت افرق هذا بنت وهذا ولد عادي عندي الوضع لدرجه اني اقوم واضرب الولد اللي يخطي
لا عصبت والله العظيم اركض صوب الولد من بعيد هو يشوفني مثلا جايه طياره له يقوم ينحاااااش ههههههههههه
العضو الأكثر نشاطاً هذا اليوم 
العرض المتطور
