عباة مخصره ونعدام الغيره

هذه قصيده للشاعر: ناصر البراق
عن فكرة تخصير العباءه والعياذ بالله وحبيت انسخها لكم لاضعها هنا واتمنى من الله تعالى ان لا نرى هذه العباءه الملعوووووونه على اي اخت من اخواتي في الاسلام
بل اتمنى وارجوا واطلب من الله جل شأنه ان نرى عباءة امهاتنا المحشوومه العفيفه امين

(((فكرة تخصير العباه)))
العبايه عولموها وانفثو فيها السمــــــــوم ____من ملاهي الرقص جابوا فكر تخصير العباة
ظيقوا صدر العباة ووسعوا طرف الكمــــوم ____ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهـــدوم ____والغبيه تحسبنها زايده زين وحــــــــــــلاة
والبراقع دلعوها لين عام الخد عـــــــــــــوم ____لازم القرضه توسع والكحل يلقى الحــــياة
طوروا شكل النقاب وصارت الدعوه علــوم ____صار شفاف(ن)يوضح خدها ويا الشـــــفاة
وآخر الصرعه لثام(ن)يفتن الرجل العــزوم ____والفتن قالوا ضلاله للقلوب المؤمنـــــــــات
وش علامك بنت حوى تستبيحين السلــــوم ____أو مع خيلك ياشقراء بعضكم جنس البنـــات
قاهرتهم هالعبايه مايـــــــبون الســـــتر دوم ____جدهم علمان يعني لاصيام ولاصــــــــــــلاة
حطوا إن البنت سلعه وغلفوها بالهمـــــــوم ____وارفعوا شعار(ن) ينادي للحقوق الضايعــات
من ظلمها والبدو لاصاحت الحرمه تقــــــوم ____قايمه تحت المعادي لجل عين الشامخـــــات
من ظلمها يوم قام المعتصم من عــز نـــــوم ____قال وين الكافر اللي يستبيح المسلمـــــــــات
ثم ذبح لجل شعرتها من العدو كثر النجــــوم ____قال هذا حق منهو يستذل الطـــــــــــاهــرات
نكسوا ذاك الشعار ولملموا باقي السهــــــوم ____يكسر الخاطر سهمكم لاضرب في مدرعــات
بيتكم لاصار مبني داخل البيت مهـــــــــــدوم ____وبيتنا صوم وصلاة وحج وأشهد والزكـــــاة
إتركيهم يابدويه وخلي اللايم يـــــــــــــــــلوم ____وسعي خصر العبايه واكرمي بالمكرمــــــات
وإن رفعتيها لراسك أصبح الراس محشــــوم ____العبايه فوق راسك حشمه وطيب وثبـــــــات
وماعليك من اللئيمه تحاول تقلدك يـــــــــــوم ____لبست البرقع ولكن حن عرق الماجـــــــدات
بحنكها ألفين دقه مدري ألف من الوســــــوم ____ أو تراه ألفين هكري يكتبون الذكريــــــــــات
ولابغت تكتب قصيده قافها هو قاف يـــــــــوم ___(يوم يابا)(يوم يابا)جاك عرق الراقصـــــــات
جت تقول إني بدويه قلت أنتي وجه بــــــــوم ____إعقبي منتي بدويه أنتي جزء من الحـــــصاة
يابدويه لايغرك بعض غربان(ن) تحــــــــــوم ____أنتي فوق الكل أنتي فوق روس النايــــــــفات
أنتي يوم الحرب دارت والمعارك (قوم)(قوم)____عانقت عزوات أخوك صوت ضرب المرهفــات
وإن حدوا من بيننا أو طولوا حد العقــــــــوم ____يابدويه طبعي أرقى فوق كل الطايــــــــــــلات
إحذري يابنت منهم طبعهم نفث السمــــــــوم ____عولمتهم لو أعرفها طلع معنى الشـــــــــــتات
ظيقوا صدر العباة ووسعوا طرف الكمـــــوم ____وبيجي يوم(ن) نشوف شقوق في وسط العبــاة

ارجو ان تعم الفائده والله ولي التوفيق
تحياتي ,, اخـتــكـم / نبرهـ حزينهـ