بـ العكس ..!
ما أظن البرستيج له أي علاقه حالياً بـ مشاكل البطاله في مجتمعنا الخليجي ..
أو حتى العربي ..!!!
***
شخصياً ..
ما عندي أي مشكله إني أتوظف أي وظيفه مهما كانت ..!
بـ غض النظر عن الدخل المادي لها ..!
و عندي سبب بسيط يمكن يكون تافه حتى ..
اللي هو كآبة الفراغ ..!
فـ أحاول أقضي وقتي بـ أي شي و أي وظيفه تشغلني ..
و مو من صالحي أتنقى وظيفه تناسب برستيجي ..!
لـ أن نفسيتي راح تكون بـ الحضيض ^^"
***
أسباب البطاله حالياً تتجاوز البرستيج بـ مراحل ..!
يمكن كنا راح نقول كذا قبل خمس / عشر سنوات سابقه ..
لكن ألحين تغيرت كل المقاييس ..!
عندك أزمة الإقتصاد العالميه حالياً ..!
الشركات و المنشآت تخفض أعداد هائله من الموظفين ..
فـ ما بالك بـ من لا يملكون وظيفه أصلاً !!!!
قبل كم أسبوع فقط سمعت عن شركة سيارات أمريكية ..
أقالت أكثر من 40 ألف موظف في يوم واحد ..!!!!
يعني مو عشان برستيج أو شي ..!!!
***
أدري بـ تقولين إحنا نتكلم عن مجتمعنا العربي ..
لكن أنا أقول لك المفارقه بيننا و بين أمريكا ..
أمريكا قبل كم سنه كان معدل البطاله عندهم يقارب 10% ..
أما إحنا العرب فـ إنه أحياناً يتجاوز 30% ..!!!!
و مع الأزمة الإقتصادية زادت النسبة كثيراً ..
يعني و هم عندهم وظائف بـ الهبل زادت نسبة البطاله عندهم ..
و إحنا اللي أساساً وظائفنا على قدنا ..
تضاعفت نسبة البطالة عندنا ..!
فـ تلقائي راح تقل الوظائف هذا إذا ما إنعدمت ..!!!
***
أنا أعرف أشخاص دوروا وظائف بـ كل مكان ..
دوائر حكومية و خاصه ..
تخيلي حتى وظيفه عامل بلدية ..!
مكان الهنود اللي يكنسون بـ الشارع ,, ما لقوا !!!!
و رفضوا توظيفهم ..!
يعني هـ الوقت ما أظن البرستيج اللي يمنع التوظيف ..
أو حتى سبب من أسباب البطاله ..!
***
أعتذر عن الإطاله بـ ردي ..
لكن الموضوع يحتمل أكثر من تحليل ..
خصوصاً مع إختلاف الظروف الحالية في مجتمعنا العربي و العالمي ..
لكن أرجع و أعتذر ^^"
***
موضوع أكثر من رائع ..
أعجبني جداً ..
فـ لك كل الشكر يا غاليه ..
و الحمد لله على سلامتك منورة ..
من طول الغيبات جاب الغنايم ^^
العضو الأكثر نشاطاً هذا اليوم 
العرض المتطور
