{ ليل .. وسوالف .. وتعاليل .. سيرة شاعر .. }

السلام عليكم ورحمة الله وبركاته


متعب فهد خضير تركي.. من العبيات من مطير

مدرس مقيم في حفر الباطن

شاعر كبيرمن اكثر الاسماء الشعريه قرباً الى ذائقتنا اختفى عن الساحه حيث انه ترك مساحه لايستطيع احد ان يسده سوا

الشاعر المبدع/ متعب التركي

شخص حاضر بقلب كل متابع ومحب للشعر لانه كان يمثل حاله شعريه خاصه ومدرسه

اغلقت ابوابها فقد التزم برفقة الشاعر فهد دوحان وهجر الشعر ولكنه لن يغادر عقول جمهوره اللذين حاولو بشتى الطرق ان لايترك الشعر


السيف

[poem=font=",6,red,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
هذاك عبدالله ليـا طـوّح السيـف=وقام يتلامع بيـن اصابـع سمـوّه
برقٍ لمع من عالية نجـد للسيـف=كـلٍ يخيلـه ويتبـاشـر بـنـوّه
ولى عهد المملكه سمـح ومخيـف=سمحٍ على شعبـه مخيـف لعـدوّه
يشوف من عاداه له شى ماشيـف=ونشوف بـه حنّـا حنـان الابـوّه
مثل الجبل ماشال هم العواصيـف=مثل البحـر حتـى هـدوءه يتـوّه
نسل الزعيم اللى نصل سيفه رهيف=اللى قبس من مشعل الشرع ضوّه
عبدالعزيز اللى على امتـه ريـف=مامات لين احيا شعـور الاخـوّه
لولاه ماصرنـا ربـوع ومواليـف=ولولاه حاضر هالجزيـره مشـوّه
من غير عبدالله يغيـث الملاهيـف=يلقون فيه ضعوف الاسـلام قـوّه
أدناه فى عرف النشامى مشاريـف=ويطـاول نجـوم الثريـا بـجـوّه
نايف على روس الشواهيق ومشيف=عنـده لشعبـه والعروبـه حمـوّه
ياسيدى تسلم لنـا ظـل ومريـف=بينك وبين الشعـب عهـدٍ وخـوه
اى والله أعشق سيدى مابها زيـف=ومـن لايحبـه مابقلبـه مــروّه
والله لو إن الله خلق روح للسيـف=مايركـد الا بيـن اصابـع سمـوّه
[/poem]

الموضوع الأصلي: من روائع الشاعر متعب القوافي || الكاتب: سلطان الخمسان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ذات يوم أفتقد الشاعر/ فهد السياري زميله وأخيه الشاعر/ متعب التركي
بسبب التزامه وهجره للشعر والنشر فقام (فهد) بالأتصال على (متعب)
ليسأل عنه وعن أحواله مما جعل قريحة الشعر تتفجر لدى الشاعر:
متعب التركي ليرد فهد السياري عليه
إليكم هذه الجواهر.

( صوت ) متعب التركي

ما كنت متصوّر حضور الـذي غـاب
............... واثـر الطريـق المـر لازال سالـك

لين اتصل فيني (فهد) عرب الانسـاب
............... رجلٍ ليامن طـاب لـك طـاب فالـك

قالوا على الهاتف وليته علـى البـاب
............... بعـض العـرب ودّك تشوفـه قْبالـك

تجيـه وتـروح بْحفـاوه وترحـاب
............... لـو مـا تميـل لّمعرفتـه استمالـك

كم لي سنه مقفل على الشعر الابـواب
............... واليوم غصب اجتاحني مـن خلالـك

البارحـة صوتـك حزيـنٍ ومْرتـاب
............... وانا خشيت اقسـى عليـك بْسؤالـك

طروا عليك اللـي مـن ايـام غيّـاب
............... واشتقـت يمكنّـك لشوفـة عْيـالـك

وإلاّ ان ضنّك في بعض هالعرب خاب
............... وانهـد لـك حلـمٍ يعيـش بْخيالـك

واظن سالف ذكرياتـك هـي اسبـاب
............... شـرودك الدايـم وضيقـات بـالـك

لنا على الماضـي مشاريـه وعتـاب
............... حزيـن لكـن نعشقـه رغـم ذلــك

وبيت القصيد اللـي يقولـون جـذّاب
............... مبطي وانا اشوفـه حزيـن مْتهالـك

(يابو محمد) عارض السالفـه شـاب
............... حمّلت نفسـك شـي فـوق احتمالـك

لوّحـت للمركـب وناديـت الاحبـاب
............... وقلبك غدى مرسى لمن عـاف جالـك

جنّب ولو مالك عن الـدرب مجنـاب
............... تعـوّض اللـي راح باللـي بقـالـك

وإلاّ انت عندي (يا فهد) غير الاصحاب
............... شعري لحاله وانـت عنـدي لْحالـك

هـذي مشاعـر ود تقديـر وأعجـاب
............... خذها تـرى مـا عنـدي إلاّ حلالـك

لو ما انت غالي ما حضر هاجسٍ غاب
............... ولاشـرّع ابـواب القصيـد اتصالـك

قلته وانا قلبي عـن الـوّد قـد تـاب
............... في خاطـري كلمـة ولا قلتهـا لـك

توّجـه لْــربٍ غـفـورٍ ووهــاب
............... هو وحـده العالـم بْحالـي وحالـك


شعر / متعب بن فهد التركي


( صدى ) فهد السياري

وانا بعد ما كنت اقـول أنـك مْثـاب
............... والناس مـا قهويتهـم مـن دْلالـك

ابطوا على بابك ملاهيـف واغـراب
............... وعشيّتهـم والليـل والوقـت حالـك

يامن حسبني دون الادنى والاجنـاب
............... الله يمتّـع بـك ويحسـب جـلالـك

طوّقتني بالطيب واسمـك والاعجـاب
............... واحرجنـي الباقـي لعـل البقـالـك

وانا بطبعي للوفا ما البـس اسـلاب
............... لو دون حوض العز حوض المهالـك

لو مالي بْشـرواك بالظـن مطـلاب
............... لاشك اعرف المـاء تجيبـه حْبالـك

يا روضٍ اجدب حيل واطول بالاجداب
............... لو ما انت غالي قلت مالـي ومالـك

يوم الشعور اخضوضرت فيه الاعشاب
............... واحيا هشيم الجـرح زيـن الممالـك

لا تتركـه يكفيـه غيبـه وغـيّـاب
............... اطلـق سراحـه لا تكـون مْتمالـك

نادم به اللي مثل شرواي مـا طـاب
............... خذ اجره وشعـره وهـي كلهـا لـك

الشعـر كـان مْرافـقٍ لـك ونجّـاب
............... ياما قعدت مْـن الحنيـن وْعـدا لـك

والشعر كان مْقـربٍ منـك ومْهـاب
............... يا شيخ مـا يفتـى وبالـدار مالـك

يوم اذكرك تعرض من الغيد الاشبـاب
............... ايامـك اللـي قـد مضـن وْليالـك

تلعب بالالفاظ وتلاعـب بالاعصـاب
............... والمفـردات تْطاوعـك فـي مجالـك

أحس بالغربه عن الشعـر وانصـاب
............... واقول يا عذب الشعـر وش جرالـك؟

رضيت به حتى تهاوى وهـو شـاب
............... ونثر الشعر صار العوض في جْزالـك

حتى زمانك غارسٍ في الشعـر نـاب
............... وكلٍ يقول اركد وش اللـي غدالـك؟

واليوم انا راجيك يوم الشعـر هـاب
............... لا تخـذل الـلـي دوّرك والتجـالـك

لوما تعدّه مـن بنـي عـم واقـراب
............... عدّه على شاني من اقصى خوالـك!!

شعر / فهد بن محمد السياري

</i>

[poem=font=",6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قالوا حبيبك يسمع الشعر قلـت إيـه=يقـراه بعيونـي قـبـل تسمعـونـه
لولاه حتـى طـاري الشعـر مابيـه=ميراكتبه من شـان خاطـر عيونـه
هو روح شعري وامنياتـه وماضيـه=جذع الشجر وش كان لولا اغصونـه
اكتب لغيـره والقصايـد تجـي فيـه=كـن القصايـد حالـفـه ماتخـونـه
هذاك لامنـه زعـل قمـت اهاديـه=حتى وهو مخطـي تعـذرت دونـه
يمكن لوانـه يلمـس الجـرح بيديـه=يستغرب ان اللـي لمسهـا طعونـه
ابطى وهو غايـب وزلـت حراويـه=وأنـا مـن العـام اتحـرى مزونـه
هومادرى اني فـي غيابـه محاتيـه=ليته نشّدعـن حالـي اللـي يجونـه
وقلبي اللـي تـوه افلـت عراويـه=كيف انسرق وضلوع صدري حصونه
عجـزت ارده كـن مانـي براعيـه=يوم انتثر شوقه وهاضـت اشجونـه
يبسن عروقـه لكـن اللـي يعزيـه=ان اكثـر العالـم تــردد لحـونـه
خافـوا مـن الله لاتجيبـون طاريـه=لاصـرت انـا موجـود لاتذكرونـه
لـو كـل غالـي جابـه الله لغاليـه=ماشفت لك مخلـوق تبكـي عيونه
[/poem]

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

مرت سنه وشهور وشويـة ايـام=على غياب اللي حلاهـا شمالـي


كم قلت في نفسي قبل عيني تنـام=يارب جبها عند ما أصحى قبالـي


تعبت ادور بيـن حزنـي والالام=عن صبري اللي بقى منـه تالـي


يابنت خليت السوالـف للاقـلام=يكفيك لا عـز الكـلام انفعالـي


من صارت الدنيا حسابات وارقام=وانا عجزت استوعب اللي جرالي


ضحيت بالواقع على شان الاحلام=وضحيت بالغالي على شان غالي


حتى الغرام اللى كسر قلبي العام=ماني بحاله كـان ماهـو بحالـي


ما بنحسب عمر البنادم بالاعـوام=بعض السنين نعيش فيهـا ليالـي


وجه التشابه بين وجهك والايـام=القلب خالـي والليالـي خوالـي

[/poem]

اترككم لتبحرو مع متعب القوافي واتمنى المشاركه لمن يعشق شعر هذا الاسطوره الشعريه وجمع قصايده هناء للمتعه