بانت لك عيوني ندى ..

مساء وصباح بعطر الورد

مقتطفات شعريه للعذب والرااقي \\ عبدالله البكر

لرقي ذاائقتكم ,,

مدخل ||

إجتمعت من الشتات وقلت : يا (( لفظ الحبيب ))
إنتمي للـي تحبـه .. لييـن ياصلـك الممـات

ما نسيتك !

لو أحس إني نسيتك ..

مانسيتك !

لو أموت من القهر ألفين مره ..

مانسيتك ..

لو نسيت الناس والدنيا ونفسي ..

مانسيتك ..

.......

ينام الصوت في حضن المكان .. وهاجسي يفطن
وتطفى شمعة ٍ كانت تسولف لي .. عن أوراقي

وأحس إن المساء .. وصّى النجوم بسجتي يطفن
لأجل أبقى أنا .. والذاكره .. والجرح .. وأعماقي

.......

يسألني العالـم عـن إنسـان غايـب

وعجزت من حزني عليـه .. آتكلـم !

إن كان باقـي لـي دعـاء وطلايـب

فالله .. يعيد شفاهـي اللـي تِبسّـم

.....

وأنا تعبـت أسحـب الأحـزان .. وآجـره

وأحفر بأثر جرتي .. قبـر يغـدي قبـري

إما تكـون الحبيـب اللـي قـرب مـرّه

ولا عسـى الله يقدرنـي علـى صبـري

وأنـا أحبـك .. ولا بـآعـاود الـكـرّه

حتى ولـو كبريائـك .. صـار يستجـري

مإخترتـك تـذوق حلـو بكـاي أو مـرّه

إخترتك .. تحس بأحلى شي فـي عمـري

فـلا تكابـر .. وأنـا ماعـاد بأتشـره !

وإنت وضميرك .. وفكر قبـل لا تسـري

......

كابر على من يرخص الناس لأجلك

حتى ولو أخطيت بالحـق .. كابـر

ما يصبر الا واحد ٍ منتبـه لـك !

وأنا معاك لسكرة الموت .. صابر

.......

مخرج

( شمس ) .. ضمي يديّ .. أبغى دفى يديك !

زاد .. بـرد الغيـاب اللـي بـصـدري ..

نهايه ::

على ذكـراه كانـت ليلـة البـارح .. وهالليلـة
ولا أدري لو بعد طول غيابه ويـش يجرابـي !؟

وط صوتك حبيبـي .. السمـاء تسمعـك !

ليه تفضـح زعلنـا البارحـة لـالمطـر .

ماتخاف إن لمحك تصيح .. جـاء يتبعـك

وتغرق هالمدينـة .. مـن سبايـب قهـر

صب كـل الحكـي بإذنـي ترانـي معـك

وإن سكرت .. إعرف إن عيني تحسبك خمر

ولا تقول الهبـوب اللـي مسـح مدمعـك

والله أن أربط يديـه .. بيديـن الشجـر ..

ما يمسّح دموعك .. غيـر مـن يمنعـك

ومن يبي يمنعك غيري .. مدامك سحر .. !

خلني بيـن قلبـك وبيـن نحـف أضلعـك

يمكن إن شافني قلبـك .. يـدور عـذر .

لقلوبكم

الموضوع الأصلي: بانت لك عيوني ندى .. || الكاتب: على النيه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات