صبوا هـ القهوة وزيدوها هيل

بسم الله الرحمن الرحيم السلام عليكم ورحمة الله وبركاته مساء /صباح الكيف,,,مساء / صباح القهوة,,, وريحة الهيل قبل لاتقرون القصيدة احب أقهويكم القهوة العربية الاصيلة خلنا نكيف عليها وعلى ريحتها مامليتوا من الموكا والكوفي لايت والكابتشينو تفضلوا فنجال قهوة مع تمرة ليس من العبث أن أضاف العرب الهيل إلى القهوة، إذْ بالإضافة إلى إكسابها طعماً ونكهة أفضل عند مزجها بمطحون حبوب الهيل، فإن الدراسات تُشير إلى أن إحدى خصائص الزيوت الطيارة ذات الرائحة العبقة في بذوره، له ميزة إبطال مفعول الكافيين على الجسم. نبدأبحمس القهوة وبعدين ندقها بالنجر,,دقا سنع ولاتنسوون الزعفران الزييييييين والحين القهوة جاهزة تفضلوا ..... هذا فنجال قهوة مع حبة رطب للي يحب الرطب يازينهااااااا على الحطب اللي ماجربها فاته نص عمره والحين جا دور التمور اختاروا النوع اللي يعجبكم يا بجـاد شـب النـار و ادن الدلالـي و احمس لنا يا بجاد ما يقعّـد الـراس و دقة بنجـرن يـا ظريـف العيالـي يجذب لنا ربعن على أكـوار جـلاس و زلـه ليا منـه رقـد كـل سـالـي و خلـه يفـوح وقنـن الهيـل بقيـاس و صبـه و مـده يـا كريـم السبالـي يبعد همومـي يـوم أشفّـه بالأنفـاس فنجـال يغـدى مـا تصـور إببالـي روابع ناخذ بهـا أخمـاس و أسـداس وبعد ماشربنا وكيفنا على القهوة خلونا نحكي شوي عن سنين أول على ذكرى الزمان اللي مضالي هل دمع العين تذكرت السنين الأوله والدمع همالي يلج بداخلي ذكرى ربوعي والزمان الزين وفكري من هموم القلب وصدوف الزمن خالي يورى في عيوني مجلس الشايب وبيت الطين مداهيل الرجال اللي بهم بالطيب منزالي مجالسهم مجالس للشجاعة والكرم والدين تنومس راعي الطوله وتغبن كل بطالي زمان راح مايمكن يعود ودق فيه البين انا مالي سوى الذكرى ولو هي كدرت بالي