(( بالمختصر اعمل نفسك ميت))

السلام عليكم ..

عزيزي القارئ

صبحك الله بالخير
او مساك الله بالخير

حسب الوقت المحلي لمدينه عيوناتك
اللي تراعــي



سالفة اعمل نفسك ميت

ابي اختصره عليكم ..


كنت مسير عند ابو نسب
بحدى القرى
الوكاد ماقصر الرجال قام بالواجب
ويوم تغديناا الا والله بوه واحد
من الخوال .. يوم شافن
حلف الا نتعشاء عنده .. حاولة اتعذر منه
يمار للــه .. ( براسه رضمـه) ..

الله يعطيه الصحه والعافيـــه ..


يخالي يابعد حيي .. خله مرتن ثانيه

وكان الرد ... مثل مافسرة معناه

(قالو ترا مالــك امل)


الوكاااد ..امر الله من سعــه

رحنا هكاليلـــه...

وتخبرون المجلس مليااان

دخلت وسلمت عليهم

نصهم الله حق مامن معرفه بالحيل
ونصهم ما عرفهـم

مالكم بالطويــله جلسناا

وكل مادخل واحد بالمجلس

يجي يمي واقوم اسلم عليه

الوكاااد ... هذا يسولف والثاني يضحك
وكلن على ماقيل بجــوه



شوي الا دخل هكالولد

وهو يجي يمــي .. وجهه مبتسـم

وانا اقووم يجماعة الخير ابي اسلم عليه


يمار قدامي بوهـ (طاسة ماء)

اول ما مديت يدي ابي اسلم عليه وهو يدنق راسه وياخذ الطاسه

ويديور الولد ؟؟؟ !!! ويكمل طريقــه !!!


انا والعياذ بالله من كلمة انااا ...

قمت اتلفــــــت !!

بغيت اطبق مقولة ( اعمل نفسك ميت)

لاكن بدال ماسويه

قلت هذا وشبلااهـ ...؟

لان يوم قمت اتلفت اشوف بعض اللي بالمجلس

يتبسمون


لاكن جاب الله .. رد الخـــال بوقته

قال ريح يالغالي هذا اصقهه وعلى فالوهــ


وجلسة ..وعلى طول يدي بمخباي وانا اطلع جوالي..

تسني اراعي لرسايل ..


اتمنى ان هالسالفه والموقف اعجبكم ..