"أنساني الله يحفظك واترك احزاني معي"

أتذكر اللي صارلنا وأندم على بعض ألامور
لاشك ماهو بيدي .. أرجع مثل أول معك
أصعب مساحات الألم جرح يجي وسط الشعور
وأتعب مواقف دنيتي"ابكي وما القاك تجفف مدمعتي"
ماكـــــان لي باللي حصل لظروفنا خبره ودور
ماقصدي أجرح وأبتعد وأهجر بقسوه وأوجعك
موقف وكان بأخره صفحه تغطيها السطور
قصه وفجأه أنتهت... قبل ألتقي بك وأسمعك
عجزت أوضح صورة في داخلي تهوى الظهور
عجزت أحدد موقفي منك..وأحدد موقفك
حاولت أرجع صورة طاحت من أيام وشهور
وأحساس جارف داخلي ينهاني أرجع وأرفعك
كل المشاعر داخلي صارت بلا حبك قبور
وأجمل عواطف دنيتي كانت بعيني مرجعك
لوكـــــــان حبك وردة..كان أحترق عطر الزهور
وإلا تحول صورة في كل لحظه ..تصفعك
"ماكنت أظن إحساسنا ممكن مع الضيقه يبور"
ولا حسبتك ترتجي شوقي وأعاند وأمنعك
ليل يطول ومايجي له بعد طول الليل نور
حــــــــب يموت ويشتكي ويرد فجأه ...يتبعك
ماعاد بيدي أنفعل.. وأزعل ..أعاندهم..وأثور
ماعد فيني أشتكي وأسمع كلامك وأقنعك
أعترف اني غلطت..؟؟كلي معك قسوه وجور
واعترف ان غلطتي هي بسلامت نيتي
دامي نثرتك فالهواء..لايمكن أرجع وأجمعك
حاولت أنسى وأنسحب هذا هو العالم يدور
"أنساني الله يحفظك واترك احزاني معي"