[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="none,6,orange" type=2 line=0 align=center use=sp num="0,black"]
وش اللي حدى خلي على الهجر يامرزوق=وهو حالفن يبقى على العهد والميثاق
كتمت الهوى عن نايد الناس في صندوق=وانا عارفن كتمه خطيرن على الخفاق
عطيته هوى قلبي مع اللين والمنطوق=وحطيت له روحي بثلج الشتاء مشراق
وجازان مشطورن ترك خافقي مشلوق=والاجواد ماتجدع هل الجود بالمغراق
حلف لي فلايمشي دروب الخطاء والبوق=واثاريه مثل اللي مع الجحر له منطاق
رحل عن جبل شمر ولا راف بالمخلوق=الا ويل من حده نصيبه على بواق
الا ليت ماشفته تمخطر بوسط السوق=ولا دجت في حروة لطيف الحشى منساق
ولاشفت من حط البلايز عليها الطوق=تشادي عنود الريم لاخافت التفاق
جفولن تخاف اللي نقل بندقه مطفوق=بواريدهم ناره لوسط الحشى سراق
جمع بالحشى نار القهر مع لهيب الشوق=وذكرى هنوفن عندها الريق والترياق
انا وش بلاء حظي بدرب امهات دقوق=مدام العسل منهن مع الموت ماينذاق
واذا كنت ماهمك محاكم ودفع حقوق=وشحيت بعيون النداوي على المطباق
لمح صيدته من دون برقع ودون سبوق=عيونه تشادي بالدجى لمعة البراق
صفقها برمحن طعنته تقطع المعلوق=عيونه مثل عينن لها خافقي مشتاق
دخيلك ترى صوتك شفى خافقن محروق=لان الجفى ناره على الجوف ماتنطاق
غدى الثوب من ضغط الردايف تقل مشقوق=واذا الردف شال الثوب يظهر بياض الساق
ردوفه تهاوش ثوبها ليش صار فتوق=وثوبه يقول انتي سبايب قميصن ضاق
الا يابعد عمري هكالزول والزملوق=طلبتك ترى صمتك يزيد الفراق فراااااااااق [/poem]
العضو الأكثر نشاطاً هذا اليوم 
العرض الشجري
