|
كنت القصيد ، اول مصافحه لقلوبكم .
السلااام . عليكم ورحمة الله .
:
:
اول النبض .
يكتمل هنا .
الاهداء لـ قلوب الطنايا . والاعضاء
:
:
بين الشتا واهمـوم فرقـاك حنيـت
.....ياعاشـق الفرقـا وشبيـت جمـره
صديت عني واختفيـت وتماديـت
.....وخليت بين البعد والوصـل شعـره
حيرتني منك . ليـا جيـت قفيـت
.....قلبك يدرسنـي طواريـق هجـره
لا تعتذر لي عن فراقك ليا ابطيـت
.....يامـا قبلـت العـذر مـره ومـره
ياما رخصت العمر لاجلك وضحيت
.....وصارت لك ايامي جحيمٍ وحسـره
كنت اعتذرلك بالخطا دون ماخطيت
.....ولافاد بك ياكاسب الذنـب عـذره
يعني يغرك يوم انـا فيـك وليـت
.....واسكنتك اعيوني ولا قلـت عثـره
ماعـاد ينفعنـي بحـاول وياليـت
.....مليـت منهـا واتعبتنـي بكـثـره
لو كنت تغلينـي وقفـت وتحديـت
.....في وجه هالعالم وقاومـت غـدره
ملعـون ياحـبٍ يجيـب التناهيـت
.....يودع حياتي حسر باسبـاب نظـره
لو تعتذر لي ماقبلتـك ليـا جيـت
.....قلبن تعـب ماعـاد بيتـك بصـدره
كنت القصيد اللي بالاوراق خطيـت
.....واليوم لك ماعـاد ينـزف بحبـره
:
:
وسلالالالالامتكم ،،
|
العضو الأكثر نشاطاً هذا اليوم 
العرض المتطور
