شاعر مميز .. و شاعر فريد .. قل أن تشهد أرض الجزيرة مثله...
نبذة عن حياة الشاعر
هو :
طلال بن عبدالعزيز بن سعود بن عبدالعزيز الرشيد الجعفري العبدي الشمري
من مواليد 1962م
بدأ كتابة ألشعر في نهاية السبعينات تحت أســم مستعار (( الملتــــاع )) رحمة اللـــه
انشا مجلة فواصل في عام 1993م
مابي أطوّل عليكم، لأني مهما تكلمت عن طلالــ الرشيد فلن أوفيه حقه، بل سأترك شعره يتكلم
نيابة عنه.
و لم يمنع الموهبة الشعرية من التفجر ابداعا على شفاه هذا الاسطورة && اللقــــب&&
يا صغيّر ما يكبرني لقب=وما يصغرني إذا انكرني صغير
ما خذينا الصيت من جمع لذهب=ولا نسابة شيخ او قربة امير
كاسبينه من هل السيف الحدب=الجنايز كان ما جاك النذير
صيتهم نجم ٍ على رأسه لهب=سمعوا الصقهان به واجهر ضرير
بالوفا تاريخ أبيض ينتصب=لا حكوا بالحق حيين الضمير
ضيغمين للسناعيس انتسب=لابةٍ طلنا بها عرش كبير
عند حدك يا كثير الهرج iتب=لا تمر النار وثيابك حرير
كان لك عز بذلي فتعقب=والله ألا تبطي وحبلك قصير
احسبنك من صناديد العرب=واثر ساترتك عباتك يا غرير
ما حسب للسوس زراع القصب=والقراده ما درى عنها البعير
ولو حسبنا للحسايف والتعب=ما بذرنا يا العصافير الشعير
عن هللك ابراي لله واحتسب=الرجال اللي مجارهم عسير
من قريش المصطفى وابولهب=والدغالب ما غشت عذب الغدير
للرجال من الرجاجيل العتب=والزكاة تحل في حال الفقير
لعنبو وقتٍ غدينابه حطب=تحرقه نار يثورها اجير
ما ألومك والزمن سوى العجب=هو بقى غير الكرامه بالجفير
ما أذل وراسي يشم المهب=لو بقى من شمر طفلٍ غرير
ما اهاب ولا يزلزلني غضب=الشجاعه ورث العاقل غزير
يا صغير ما يكبّر باللقلب=غير من هو كان من دونه صغير
وقال : *(( يا بعد حيي ))*
اليوم يا بنت من زيي = الشمس واردت على ضيي
جيت انتخي بالوجيه البيض = يا عزوتي يا بعد حيي
الجادل اللي حلاها غير = ضيعت في شمسها فيي
بعيونها سلسبيل رماح = و الموت بالسود متهيي
موت و انا اموت انا بالموت = كثيرها غرّق شويي
لا قلت تكفين قالت جاك = و ان جيتها فجأة تعيي
و لا قلت مالي و مال الغيد = قالت وهم بينهم زيي ؟
و ان قلت انا تبت مالي كار = مقفي زمانين عن غيي
قالت و هي تلتفت للناس = طلال موته على يدي
كتب أحد الشعراء هذه القصيدة بعد عودته من المغرب، فقال
ياللي تنشد عن علوم الـذي طـاف =كل البحـور وكـل دولـه وديـره
خذ من علومي علم اوصافه اوصاف =جزل سميـن يشتعـل لـه سعيـده
الزيـن عقـب المغربيـات ينعـاف =غيد لهـن بالزيـن ذكـره و سيـره
فرد عليه طلال الرشيد - رحمه الله - بهذه القصيدة:
يابن الحلال ان طعتني خل الاسراف =واترك جمال الغيد لاهـل البصيـره
الزين موبس في الملامح والاوصاف =الزين روح وعفـه وطيـب سيـره
مانيب من يهـوى سريـا وانصـاف =انـا هـواي وبـس بنـت الجزيـره
بنت الخليج اللي تمـاري بالاعـراف =وحنا نمـاري باسمهـا كـل ديـره
مالي غـرام بقـول وخـا وبالـزاف = اذبحتني عنـد الطرحـه المستديـره
احب قولة ياهـلا وعـل وماخـلاف =من بنت ثوبي بنت الارض النضيـره
اللي تحلاها الظبي حلـو الاطـراف =جمـال فـي عفـه ورقـه وغيـره
واللي بها سحر مهو سحـر عـراف =ياعـل عيـن ماتراهـا ضـريـره
عطف وحنان وذوق في لين الاعطاف=والى كشفـت لثامهـا شفـت أميـره
صعب على اللي بالردي شاف ماعاف=وحلوه علىاللـي سنـه الله ضميـره
شمس الى من اشرقت والدجا طـاف =غابت نجومك غصب لو هي كثيـره
السيف مايزهى سوى كـف سيـاف =والخيـل دون حصانهـا مستخيـره
بس أنت دورلك على قـدك لحـاف = وان طعتنـي دور بدلنـا عشـيـره
رسالة .. إلى صديق الطفولة
صديق الطفولة وش جرى لك مع الأيام=هي أنصفت دنياك والا أنت بك مثلي
فقدنا ملامحنا مثل ساير الأنام=عبث بنا جور الزمن والزمن يبلي
وقفنا جميع وبيننا حاجز الأعوام =صعيب ٍ وصولي لك.. ويا صعب لك وصلي
وأنا اشوف في وجهك طريق غشاه عتام =وذاك النخل واشوف دارك ودار أهلي
وسدره.. هي أكرم من أهل بيتها اللوام=وفي وجهك أصحابي.. عصى مدرسي.. وفصلي
وعود ٍ كبير ودايم ٍ فالظلال ينام=في ذكرياتي له بعد ملمح وجلي
وسور كتبنا فيه ذكرى عبث وأوهام =ولي في عيونك صورة زانها جهلي
بثوب تبلّل بالمطر والتراب وشام =وأنا حب أسير الْعَب وهي حافيه رجلي
أنا وانت طفل وطفل دايم رضى وخصام=بكانا سهل والضحكة أمرٍ بعد سهلي
دعاني بوجهك ناده ٍ ينده الأحلام=معه رمح مدري هو علي غاضب.. أو لجلي
أنا كيف أباصل والأمل خلف مو قدام =كثير الأسى والسِّهد يا من فعل فعلي
العضو الأكثر نشاطاً هذا اليوم 
العرض الشجري
