وكل شي .. بهالمدينه / بإنتظارك .. الشوارع .. والأماكن ! والقلوب اللي تحبك .. والطفوله .. والمساكن .. والقصيد اللي سكبني .. بين ( إيه ) وبين ( لكن ) ! والعذر .. وأجمل أماني ..! والعيون اللي تباكن ..
وَ
يا مطارك ! شفت كيف ! اللي اقوله .. شف مطارك .. كان جالس بإنتظارك .. والكراسي .. كلها تحمل مآسي .. ودها نتفرح بشوفك .. وتروي عطشي / مع يباسي .!
والحنين ..
وروح في روحي تغني .. جاي / وين ؟ وروحي الآخرى .. تنادي ! من تبين ! والجواب اللي جمعهم .. جاي .. وعيوني مطاره .. ورقة ضلوعي / هي أرضه .. ومن ثيابي .. له مساحه ... تحمل همومه / وجراحه ! ورتّب اللي تشتهيه .. واكتب اللي تحتويه .. وانزف اشيائك بصدري .. وان / من الفرحه بكيت .!
احذر ، تقول لعيوني
( بس ليه ) ؟
-
احذر تقول لعيوني ( بس ليه ) ..
بفتح ابوابي وانادي ..
في ضلوعي .. لك بلاد ! واترك احساسي ينادي .. صاحبي .. قرة عيوني في رجوعك .. بس انا ! بس أنا ..
بس أنا أبغى بلادي ..
وتفتح ابواب بضلوعك .. واغمر اجزائي .. وانام ..
لين باكر ..
لين باكر .. لين اشوف الحلم بعيون الحقيقه .. لين أدوّر لي طريقه .. بس أصدّق .. ان هذا اللي يصير .. واقعي جداً ولا هو .. حلم بعيون الحقيقه .. -- حلم بعيون الحقيقه !
وَ
مِن جديد قول أي حاجه عشاني قول : شيلي هم صدري قول : عاني ! قول ... موتي .. لو بصوتي .. لك حياه .. اترك اللي ماتبيه داخل شعوري .. وتبسّم .! عندي بـفرحك / سعاده .. وعندي بضحكك جنون .. وكان موتي .. لك حياه ! هاك مني هالحياه جيتك اصلاً ، لجل اموووت .. لجل تفهم وش شعوري ..
-
قول : أحضنّك ..
قول ودي من اشوفك .. بأول دروب المطار .. ترتمين بحضني اللي يعشقك .. يعشق .. جنونك ! وبس يغار ... قول .. اي حاجه .. أمانه : خاطري منّك أقرب .. وأصبح لقلبك حبيبه .. وخاطري .. لو رحت ساعه بس غفيت .. ما يجي غيري بحلمك .. واصبح انسانه قريبه .. اقرب اقرب .. من قصيدك .. اقرب اقرب .. من نغم عودك وعطرك ... من ثيابك ! من ربيعك .. من أهلّك / وكل ناسك ! من مدينتك .. ودوامك .. من كل لون بحياتك .. لون مسباحك / وبوكك .. لون أزره في لباسك ..
من خيالك ..
من ظنونك ! أقرب أٌقرب من رموشك .. من عيونك .. من همسك ! قبل ترقد .. من تنهدّك .. وحنينك .. وزفرة ٍ تشبه سكاتي ... وزفرة ٍ تندّه مماتي .. وزفرة ٍ شبّت وهبّت في ضلوعي .. وصبت الغيم وتمادت ..
العضو الأكثر نشاطاً هذا اليوم 
العرض الشجري
