|
الشمري وعفاله اختيار صدى صرخه للشاعر لافى ذباح الشمري
الشمري وعفاله اختيار صدى صرخه للشاعر لافى ذباح الشمري
--------------------------------------------------------------------------------
ادري إنك طيّب الجدّين ونعـوم الحمولـه
إنت أهلك اللي وطوا متن السما جود وبساله
إن بغا عمّك بغا خالك صناديـد ٍ فحولـه
بس أبي حضرت جنابك هو ستر عمه وخاله
لا تقول افعل وأخلى.. عدّلى واحـد يقولـه
والله إني لنحنـى لـك لا ولا فيهـا جمالـه
مير يا ذرب اليمين مهايطك ماهـو بطولـه
البطوله لاشربت الطيـب لاحـد الثمالـه
البطوله لاحفظت الوجه عن شـي ٍ يطولـه
البطوله لاانتخى عانيك ثـم ريّحـت بالـه
أما انا خلن باعلمك الحكي عرضه وطولـه
والله إني من رجال الصيت ورجال الشكالـه
الرجال اللي عنوا ثم عوّدوا باللـي عنولـه
مالحقهم راعـي الطـولات ياكـود بخيالـه
شمري والشمري مايلحقـه حكـي ٍ تقولـه
لعنبوك الشمري لااغلاك عدّك مـن عيالـه
والله فلا ينطوي دربك وهو ينشـاف زولـه
وإن كرهك الشمري والله ماهي لك سهالـه
لويميل الكون وتميـل المراجـل والرجولـه
والله إن الشمـري مامـال منـه إلا عقالـه
لافي ذباااااااح
وصدى والصرخه
|
العضو الأكثر نشاطاً هذا اليوم 
العرض الشجري
