تركت مطارد المقفي
تركت مطارد المقفين وانت ارحل بحفـظ الله=مدامك بعتنا بالرخـص حنـا بالغـلا بعنـاك
واذا قصدك عذاب القلب تلقى الظلم عنـد الله=لاني ماسهرت الليل بغبـون القهـر لـولاك
اخبر اللي يبـي غاليـه مايسمـع لخلـق الله=علامك طعت شور اللي بهجري يالغلا دهواك
تحسب انك بهجرانك تحرم القلـب رزق الله=وربي يرزقن غيرك ومع طول المدى ننساك
انا مااطارد العايـف ودون الهـون ذكـر الله=ولاتفرح بدمعتنا ولو عشنـا علـى ذكـراك
فراق الخلق مسنونه ويبقـى بـس وجـه الله=ولكن صعب تلقى لك حبيبـن مثلنـا يهـواك
رحل قلبي علـى نغمـة مفارقنـا بامـان الله=سلام الله على قلبك من اللي طاح في بلـواك
عشقتك عشق لو تدري بكثره قلـت مـاشالله=وعقب الجرح صار القلب ياظالم يبي فرقـاك
جرحت القلب برماحك وسامحتك وحـق الله=وحمدت اللي فتح عيني لقانون الهوى واعماك
احسبك لانظرت الدمـع بعيونـي تخـاف الله=وترحم خافقن ينزف برمحن جاه من يمنـاك
العضو الأكثر نشاطاً هذا اليوم 
العرض الشجري
