| :: كل عام وانتم بخير :: | |||||||||
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
 |
اعلان التقويم الدراسي الجديد
بقلم : جنون الشوق  |
 |
 |
| كلمة الإدارة |
|
|||||||
 « آخـــر الـــمـــشـــاركــــات » |
 الإهداءات |
 |
08-04-2007, 09:11 PM
|
#1 | |
 
|
مشروع المساويك
وش سويتي فينا يالأسهم (( غير البشر ))
اهلن اهلن نفرات اييييييييييييه الله يرحم ايام العز كنت اتعشى كل يوم بالفورسيزن والحين الله يخلف ساندوتش جبن مربى جح وتخب بعد صدق من قال الدنيا دواره كنت شاب في مقتبل العمر طموح وكل شي زين فيني بس عذروبي اني انام بنعالي لإني دايم احلم اني امشي بالشارع كنت عايش احلى عيشة موظف وراتبي زين وكلن يخطبني <<== طالعن مدرسة المهم في يوم من الأيام جاني شيبوب وقال ياطخيمان ورى ماتشتغل في الأسهم قلت كم يعطوني راتب <<== يحسبها وظيفة هالقروي قال يالهدر اقصد سوق الأسهم تبيع وتشتري قلت ماعندي دراهم قال خذ قرض من البنك وادخل وبتدعي لي وانا الي من باتسر اقمز للبنك واقول ابي قرض قال كم تبي قلت انت كريم و حنا نستاهل <<== متعودن على الطرارة قال ايه كم تبي ؟ قلت كم اكثر شي تعطوني ؟ قال كم راتبك قلت له قال بنعطيك نص مليون انا شرقت من الروعه يعني اخيرن بصير نصف مليونير ويخليني اوقع على اوراق وش كثرهن شرهتكم على الي قرى وش مكتوب فيهن قلت متى ينزل في حسابي قال 24 ساعة وتلقاه في الحساب قال انت تبيه عشان الأسهم قلت ايه وش دراك لايكون باين علي قال لا بس كل الناس طايحين في الأسهم فشكلك منهم قلت اي والله انك صادز قال تبي محفظة قلت ماشاء الله بتعطوني دراهم ومحفظة احط فيها هالدراهم لا الله يجزاك خير عندي بوك (( محفظة )) مهدتني اياه خالتي هيلة يوم نجحت من الثنوي قال اقصد محفظة للأسهم عشان تبيع وتشتري قلت مااقدر ابيع بالبوك الي معي تراه يشيل دراهم لاتحقره ومرة حاطن فيه نص كيلو فصفص يعني بتاع كلو على قولة اخواننا المصريين قال اقول هذي محفظة مربوطه بحسابك تبيع وتشري في الأسهم قلت اها كل كذا من اول ياحبك للحتسي الواجد وفتح لي محفظة وبديت اطقطق فيها ومن النص مليون صار عندي 5 ملايين صرت اسوي مثل هالتجار حلقت الشنب وطلع لي كرشة وشريت موتر وفلة بالمحمدية وقلت ياولد ليش مااضرب ضربتي وهالــ 5 تصير 50 مليون واصير اتروش بالدراهم ودخلت كل سيولتي بالسووق ويجيني جارنا اعمى ونظول <<== اجل لو مفتح وش بتكون قوة نظلته قال هلا بطخيمان وش اخبارك سمعت ان صار عندك 5 ملايين والله لو انك تبيض دراهم هو قالها بس ومن بكرة يجي الإنهيار وتطير الدراهم ويقعدون مندوبين البنك يلاحقوني ويترصدون لي واثرهم هالكلاب مخليني اوقع على انهم يطالبوني بــ 5 مليون وانهم معطيني مليونين ونص وهم ماعطوني الا 500 الف شسوي حزتها كنت متشقق وخشتي طاقه نسبة من الوناسة اوقع على اي شي وسحبو مني سيارتي وخذو فلتي وراحت الكرشة طبيعي تروح معد صرت اكل الا عدس اتقاط انا ويا حارس المسجد الباكستاني في صحن عدس فطور غدا عشاء عدس في عدس هماهم يقولون العدس طعام الفقراء وحتى راتبي صارو ياخذونه كله واكلم واحدن من ربعي يشتغل في الجريدة ابيك تحط لي اعلان ((تقطعت به السبل فمن له بعد الله سواكم )) وتصورني وانا قاعدن اعض في خبزة يابسه عشان اكسر قلوب العالم ويساعدوني دق على الجريده ناس واجد ومنهم وحدة قالت تعرف تسوق قلت ايه قالت ابيك سواق عندي ايييييييييه يازمن من سواويق يشتغلون عندي اصير سواق ومرة من المرات وديت كفيلتي وبناتها للسوق وقعدت مع ذا السواويق واشوف راجا سواقي الأول قال بابا انتى سواق قلت ايه ياراجا شفت وشلون الزمن مايرحم وكانت هالحرمه تعطيني راتب 1000 ريال ومرة من المرات تعرفت على شلة بنقالية عند السووق قالو لي ليش انتى مافيه شقول سوا سوا قلت وين شقول <<== صرت احتسي مثلهم قال انتى فيه اجار بيت اسم انتى اشان انتى سئودي مافيه مشكلة وانا فيه يدفئ فلوس قلت طيب ايش شغل ؟ قال انا فيه كمسه نفر سوي موية في شيخ تفل <<== قصده موية مقري فيها قلت طيب من الشيخ الي بتجيبون قال مافيه مشكل كلو موزود اثر معهم واحد له دقن مخلينه الشيخ حقهم ولما استاجرت البيت باسمي اشوفهم جابو براميل وعدة مدري وشي له ؟ وبدو يشتغلون واشم ريحة مخيسة في البيت قلت ايش هذا ريحة قال هدا ممكن سيخ فيه لوز تئبان وسوي التهاب وفم هوا مافيه ريهه كويس ولما يسوي تفله يطلع ريهه مافي كويس انا مشت علي هالتصريفة وادهرنا نبيع في ذا الموية المقري فيها واشوف مايجينا الا شباب اشكالهم تروع قلت مساكين اكيد فيهم عين ولا شي الله ينفع بذا الموية يازين هالشغلة دين ودنيا وبصراحة جاني رزق منها يعني تصدقون يجيني في الشهر 10 الاف ريال وبيوم من الأيام طبت علينا الهيئة ومسكت البنقالية ومسكتني قلت خير ان شاء الله قال اي خير ماتستحي على وجهك انت قلت الحين صار الي يبيع موية مقري فيها مايستحي على وجهه هذا بدل ماتقول جزاك الله خير قال الله لايجزاك خير اجل موية مقري فيها تحسبونا مانفهم حاطن مصنع عرق في هالبيت وانا الي يدور بي راسي اثري طول هالفترة ابيع عرق حسبي الله عليكم من بنقالية ويودوني لمركز الهيئة وقعدت احلف لهم اني ماكنت ادري عن الموضوع وماصدقوني وحطوني بالحجز عندهم فترة ثم جاني مدير المركز قال جاك واحد وطلعك بكفالة قلت منهو ويصير راجا سواقي الأول ياحبيلك ياراجا فيك الخير وقال بابا انتى يجي سكن سوا سوا انا واوافق واعيش معه وفي يوم من الأيام بعد العصر كنت منسدح في غرفة راجا اسمع اغنية هندية دنقار دق هي دنقار دقي هو انـتي الي مع الأيام انتي مايبيهيي واتذكر شيبوب قلت اييييييييي والله وين راح عن بالي طول هالفترة اكيد موب مساعدني الا شيبوب واروح لحارتهم واسئل عنه قالو اهل الحارة انه انحاش من الحارة خسر في الأسهم ولاحقوه الديانه قلت افا اثره مثل نمونتي وتتكسر مجاديفي وارجع لغرفة راجا واحط على راسي زيت وارقد ولما اصبحنا على يوم الجمعه رحت وصليت وبعد الصلاة طلعت الا واسمع الي يقول مسواك مسواك مرررة هاااار مسواك مسواك زديد زديد قلت خلني اشتري لي مسواك انظف هالسنون الي من فترة مانظفت طالعتن كنها زعفران ايراني من الوصخ الي فيها واقرب عند الي يبيع واشوف واناظر الا هذا شيبوب والي خلاني اتأكد ان معه موتره الددسن 86 وحاطن في الصندوق سيم ( معلاق ثياب ) عشان يجيب اذاعة ام بي سي اف ام لإنه خاقن من حينه على خديجة الوعل ايام العز كان يدق عليه على طول والأنتل ان جاب ماجاب الا اذاعة الرياض وصار يتابع يوميات ام حديجان <<== من خديجة الوعل ليوميات ام حديجان وجيت بسئله قلت صديق كم مسواك طويل قال هذا كمسه ريال وفيه اثنين ريال وفيه واهد ريال انتى يبغى كتير انا فيه نزل مافيه مسكلة قلت شيبوب ورى ماتعقل لااجي امصع سنونك هلي كنها طقم ملاعق صينية رفع راسه وقال طخيمان وش تبي مني خلني اترزق الله وبعدين لاتقول شيبوب وتفضحن يمكن يسمعك احد ذا الديانة قلت ابي ادخل شراكة معك في المساويك انت عند باب وانا عند باب عشان نحجر للزباين ونصرف بضاعتنا اسرع وبدينا مشروع المساويك صحيح بهذلتنا الدوريات ماغير ملاحق كننا من تكارنة الحرم بس يقولون لقمة العيش ماتجي بالساهل ثم قلت دام حنا الحين جمعنا مبلغ حلو وش رايك نشتغل في الخضرة ترى ربحها مضمون قال شيبوب قدام ثم دخلنا سوق عتيقة للخضار والفواكة قلت بس ناقصنا مبلغ بسيط وش رايك نجمع كراتين ونبيعهن لين نجيب قيمة البضاعة قال قدام ورحنا لأحد هالزبايل ندور كراتين الا ينقز منها 13 تكروني انا ارتعت حسبتهم قطاوة سود فيهن جني ولا شي وقعدو يبرطمون علينا بومبا كركبا اروما تندرا قلت لشيبوب الحين ذولا وش قاعدين يحتسون قال شيبوب مدري بس شكلهم معصبين شف شف ذاك وشلون خنافره متفتحه كنه جمس عبارتين عاد صار فيهم واحد يعرف عربي قال انكم تتعدون على منطقتنا فنحن نجمع الكراتين ونبيعها للناس ابتعدو احسن لكم <<== يااما بومبا كركبا ولا لغة عربية فصحى قالي شيبوب اقول ياطخيمان تراني اعرف العب بلياردو خلني احوس مريرهم هنا قلت اقول اقصر الشر منيب فاضي انجلد في ذا الشمس عاد قصرنا الشر وقلت لشيبوب خلنا نشوف شغلة ثانية قال طخيمان وش رايك نشتغل حمالي قلت بس كم يعطونا قال مايقل عن خمسة اريل قلت يالله وحنا الي نبدا ندهر ونشيل واذا عرفو اننا سعوديين عطونا اكثر الي يعطي 20 والي يعطي 50 وواحد عطاني 500 بس كرفني كرف دار السوق كله ويوم راح واشوف الا الــ 500 مزورة حسبي الله عليه واشقها لأتورط في قضية تزوير ولاش ثم جانا واحد نفسه في خشمه عشان كذا خشمه كبير تصدقون اذا بغى يصور يبي له صورتين صورة له وصورة لخشمه وكان يشري ملوخية قال انت يابو خشم <<== يقصد شيبوب عاد شيبوب خشمه كبير كنه علبة فكس قال شيبوب من زينك انت وخشمك هلي كنه تبسي مفطح بعدين احد ياكل ملوخية بالعصر شيبوب يحسب انه اذا شراها الحين لازم ياكلها على طول ثم جمعنا الغلة وخذنا لنا من هالخضرة والفاكهة وبسطنا بها الا جنبنا عجوز قالت وجع يوجعكم مالقيت الا تبسطون جنبي فارقو لا اعلم عليكم البلدية قلت السوق موب حلال ابوتس ياقطمة الرز قالت انا قطمة الرز يالشابورة ونتهاوش معه والا وتطب البلدية علينا لإن مامعنا ترخيص والنحشة ياولد خلينا شقى عمرنا وصادروه لابارك الله فيهم صدق من وين نطقها عوجا وقال شيبوب عندي شغلة يا شووق ووله وش رايك نشتغل راعي غنم قلت اقول اقلب وجهك عني من عرفتك وانا من جرف لدحديرة وراح شيبوب وصار راعي وانا صرت اغسل سيارات والحمدلله تيسرت امورنا واخر شي بقولكم (( من يقول الشغل عيب )) <<== لاطشها من قناة المجد ودي ابربر عليكم اكثر بس مشاعر قايله حدكم الساعة 12 الله يهديها محجره لنا ماامدانا نطلع مواهبنا |
|
|
|
|
08-05-2007, 05:45 PM
|
#3 | |
|
اداري
|
هههههههههههههههه
ههههههههههههه شووق ووله موضوع ظريف نتمنى يكون فيه عبره لتماسيح بعد حيي  يعطيك العافيه وبانتظار جديدك سهر |
|
ربيّ لآاعلَمْ مَاتحمِلهٌ الايّامٌ ليّ لَكنْ( ثِقتيّ ) بِانكَ معّي تكفَينيْ 
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 0
|
|
| لا يوجد اسماء لعرضها |
العرض العادي
|
|
الساعة الآن 12:35 AM.