12-20-2011, 12:09 AM
|
#1
|
بيانات اضافيه [
+
]
|
رقم العضوية : 13214
|
تاريخ التسجيل : Mar 2009
|
أخر زيارة : 02-18-2016 (06:37 PM)
|
المشاركات :
5,760 [
+
] |
التقييم :
50
|
|
لوني المفضل : Cadetblue
|
|
مــن ويـن ,, ولـ/ويــن ..؟؟
الأمل .. ما عاد بعيوني جميل ..
.............. كل خطوة .. للخلاف تقوُدنا ..
الحزن بدروبنا ملّ الحصيل ..
............ هذا حنّا .. ! بس وين وعودنا ..
نرتحل ! مدري على وين الرحيل ..
................ كل ما نكبر .. تزيد قيودنا ..
كل سكة : " مالنا فيها دليل " ..
......... ذي حدود الأرض .. ولا حدودنا .. ؟
* *
من كثر شوقي لك سبقت لك الأيام
................ صرت الخميس وتوها الناس الأثنين
ياغمضة عيون المسا كل مانام
............... يبدا الفجر من ضحكة شفاهك يبين
وعيني من أشباهك لها أنفاس وأحلام
...................وتنبت لجفني كل ماشفتك يدين
ياكلمة ٍ ماجت على بال الأقلام
................. كن المحبه والوفا لك معي دين
أصبر علي بالله يافجر الإلهام
............... وأنا الله أعلم جيت من وين ول وين
أجيك وأنسى ظلي هناك ماقام
.............. وأترك نظر عيني معك وآخذ العين
ياسندريلا .. والعمر سبعة أقزام
............. وقلبي سفينه .. والمجاديف ضلعين
فيني وله ..فيني بكا.. فيني هيام
........... وفيني شعور أني لو أتعب تحسين
وياحفلة الدمع بعيوني .. والأوهام
............. ماطرّوا المسرى ضيوفك إلى الحين؟؟
أما أحسبيها ليله أطول من العام
.............. وإلا أكتبيها ساعه إلا أربع سنين
وأنتي تموت بوصفك حروف وأرقام
................ تكوين.. لكن.. مايشابهك تكوين
وأنتي عيونك شرك وأهدابك أصنام
............... وأبليس ثغرك .. بس شعرك شياطين
وأنتي بلونك غابنه كل رسام
................ وكن القمر صورتك من غير تلوين
وأنتي سحر ماحرمك دين الإسلام
............. دمك عطر وإلا الضيا لك... فساتين
إن قلت أحبك .. تلبس حروفيإحرام
............ وأن قلت أبيك .. أحس للقلب رجلين
والعام جيتك .. والصدر سجن الأيتام
.......... وقلتي لي أصبر .. ها صبرنا .. وبعدين
واليوم من شوقي طمرت أربع أيام
.......... وأمسيت سبت .. وأصبح الناس الأثنين
* *
كل ديرة تمرّك .. ! انت " معنى المكان " ..
وانت منفى الطواري كل ما انا سهيت ..
كيف ابطلق لساني يا طليق اللسان ..
ما تحسّ بشعوري غير لا من .. بكيت ..
قلّهم يتركونك ! للدفى .. والحنان ..
لك عيوني لحاف ولك ضلوعي مبيت ..
وان طلبت أختلي بك في فراغ الزمان ..
ما طلبت الليالي .. كثر ماني عطيت .. !
ماابحث عنه لامست احساسي حيـــــــــــل
اتمنى ان ترتقي لســــــــــمو ذائقتــكم
|
|
انــا الإحساس .. انــا كل المشاعر ,,
..
تخيّل كل عمري ابعثه في رساله ,,
..
وكل حرف أكتبه ,, يجـسّـد صورتي ,, يصـوّر حالتي ..
..
انا الإحـســاس ,,
..
لا يهمــك كـيـف عشـت ؟ ,, و كيـف كنت ..!!
..
المهـم إقــرا الرسـالـه ..
|