بقلمي المتواضع
سالت دموعي يوم هي ودعتني=
=وقالت تطمّن واحتفظ في عهودي
بكره أجيك وفرحتي غامرتني=
=واملا حياتك يالحبيب الودودي
اقفت وانا كل الغرابيل جتني=
=طوّل غيابه وانبرى حال عودي
ابكي عليها ودمعتي حارقتني=
=وادعيلها بالخير حتى بسجودي
يابنت ياللي بالغلا مالكتني=
=خوفي من الله وارحميني وعودي
متجاهلتني !! ليه؟ متجاهلتني =
=أسأل عليك ولاتحسّي بجودي
شوفي عناي وعبرتي خانقتني=
=والعين عيّت تهتني بالرقودي
وينك حياتي حان موتي وحتني=
=وشفت الظلام بكل دربٍ يسودي
وين العهود اللي بها حاكمتني=
=وين المودّه يامبيّح سدودي
حسيت أنا دنياي عقبك جفتني=
=ضاقت على آفاقها والحدودي
كنت بوجودك فرحتي ساكنتني=
=واخشى على نفسي عيون الحسودي
لاواعذابي كانها ناسيتني=
=وقامت تبادلني الغلا بالصدودي
وياشيب عيني كانها كارهتني=
=أهون عليّه موتتي من وجودي
بلعونها عن كل شي اشغلتني=
=واصبح غلاها بالضماير يزودي
الاطرق بن بدر الهذال
العضو الأكثر نشاطاً هذا اليوم 
العرض الشجري
