صوتك مطر .. وأحساس قلبك : جداول ..
من عطر / تجري في دهاليز روحـي !!
ما أوعدك أنسـاك .. لكـن : بحـاول !!
كانـك بعـد بطّلـت ترسـم جروحـي !!
هـذا وأنـا للحيـن جالـس : أزاول ..
حبّـك / وأحدّدبـك ملامـح طموحـي !!
رغـم الألـم واليـاس شفنـي أطـاول :
غيمة أمل فيها مـن أحسـاس بوحـي !!
مـن عـام الأوّل وأنـت جالـس تفـاول
على الخفوق اللي وضوحه وضوحـي !!
البُـعـد مايحـتـاج جلـسـة تــداول
وشلي بحـبٍ عـذّب اليـوم روحـي ؟؟
و
لو البَرَد لامس يدينك وجـرّب ..
طعم الدفا , ماعاش في يوم بارد !!
ولو البخت حسّ بوجودي وقـرّب
ماعشت بالدنيا وحيـدٍ وشـارد !!
ناديتلك والوصـل شيـخٍ معـرّب
موحش غيابك حيل والبُعد مارد !!
أخاف حتى الشوق فينـا يتغـرّب
إلى متى مثل السنين انتطـارد ؟؟
حبّك بداخل خافقـي قـد تسـرّب
يبقى ولو أني بكوكب عطـارد !!
هذا وأنا ماغبـت لجـل آتهـرّب
لكن على ماقيل : كل شي وارد !!
و
البارحـه واللـيـل مثـلـك أنـانـي
خيّم علي مثـل الوجـع والغبينـه !!
البارحـه كنـت الوحـيـد بزمـانـي
حتـى تثاقلـت المسـا والمدينـه !!
البارحـه بالضبـط هـذا مكـانـي :
وسط الصخب وأحتاج بعض السكينه !!
جلسـت أدوّر عـن بقايـا أمـانـي
عن قلب محتـاج لدفـاه وحنينـه !!
عن وجه يامـا جـا يـزفّ التهانـي
عن ذكرياتٍ وسط صـدري دفينـه !!
عـن حضـن أفكّـر أنتميلـه ثوانـي
عن حـب ماتتـرك يدينـي يدينـه !!
في عـزّ وحشـة هالمسـا والمحانـي
مرّت على بـال الحزيـن الحزينـه !!
عصفـورةٍ جتنـي تغيـض الأغانـي
جت تقهر الفـل بشـذا الياسمينـه !!
كانـت هـي أوّل مـن تغـذّا حنانـي
كانت هي آخر من بقتبـي سجينـه !!
كانت هي أجمل وأعذب اللـي قرانـي
وأكرم من أهدا الصبح طلّة جبينـه !!
كانت سفينه .. يـوم كنـت الموانـي
واليـوم لا مينـا ولابـه سفيـنـه !!
راحـت وباقـي طيفهـا مانسـانـي
للحين بقـاي شـيّ بينـي وبينـه !!
سألـت عنهـا كـل هـمّ أعتـرانـي
بس هي : تسأل عنّي اليوم وينـه ؟!!
نهايه
أصعب وداع موادع الـروح للـروح
لحظه نبيع العمر فيهـا ونشريـه !!
لحظه بهـا نذبـل ولايذبـل البـوح
يبقى مثل طعم العتب والمشاريـه !!
لحظة ضياع وحزن ودموع وجـروح
لابـارك الله بالمـوادع وطاريـه !!
تبقـى تفاصيلـه ولايمكـن تـروح
مثل الأمـل لاطـال لازم نجاريـه !!
للحزن صوت وصوت الأحزان مبحوح
هذي مواويلـه وهـذي مواريـه !!
ماهو مثل حزن الحمامه على الـدوح
حزنٍ نمـوت ولاقدرنـا نداريـه !!
للعذب ( فلاح العماش )
لكمـ 
العضو الأكثر نشاطاً هذا اليوم 
العرض الشجري
