أحبك .. يا ندى فجر الجروح وصحوة العبرات

كذا يعني .. كذا فجأه .. تغير كل شيً فات = كـذا زالـت مواثيـق الغـلا والحـب مـن ذاتـك
كذا كنتي .. كذا صرتي .. كذا خيبتي الهقوات = كذا .. والا كذا .. ضيعتي دروبـي وخطواتـي
انا مل الامل فيني .. يدور للشفاه اصوات = عجز صوتي ينادي لك .. قضى قلبي مـن سواتـك
نصيتك والوفا زادي .. رحلتي والقلوب اشتات = مصايب والرجا خايب .. تقود خطاك رغباتـك
كبيره طعنتك هذي .. تعودتي على الطعنات = غريبه حيل ذا المـره .. ولاهـي مثـل طعناتـك
سألتك بالذي خلى عيونك تـذرف الدمعـات = تكـف الدمـع لاتجنـي علـى خديـك دمعاتـك
انا ما قد خبرت اني تعمدت اجرحك بالذات = وانا ماهمني غيرك اعيـش مـن اجـل مرضاتـك
سرقتك بالزمن لحظه وعشتك بالفراق اوقات = ولا ادري وش بقى لي بالعمر مـن دون لحظاتـك
أحبك .. رحت ادور في قواميس البشر كلمات = عجزت القى حروفٍ تستريـح بصـدر كلماتـك
أحبك .. يا ندى فجر الجروح وصحوة العبرات =أحبك .. كلمةٍ تبكـي معانيهـا علـى شفاتـك
تظنين الوفا كلمه عجب واصل الوفا وقفات = صغير الشي فـي ظنـك يصيـر اكبـر معاناتـك
تردين الخطا يمي .. تزيدين الالم شرهات = وانا صمت الشقا فيني حكـى مـن كثـر شرهاتـك
توالت كلها فجأه .. تعاظم بالحشا صدمات = يجي يوم وتـواري شمسنـا مـن ليـل صدماتـك
ذكرتك .. والدروب اللي تعانق خطوتك بالسكات = وانا ما زلت اسافر بين نظراتـك وضحكاتـك
ذكرتك .. وانطفى جمر الكلام وذابت الشمعات = سهرتك واستفزيـت النجـوم بليـل خصلاتـك
تعالي .. واذرفي دمعك على قلبٍ كثيره مات = تعالي .. واخذي الباقـي يفيـد لوقـت عزواتـك
تعالي .. لاتخلين السنين المقبلـه تقتـات = مـن افراحـي ولحظاتـي وطرباتـي .. وسبحاتـك
تعالي .. وواعديني .. لاشقا .. لاكذب .. لاغلطات = ترى ما للصبر باقي على كذبك .. وغلطاتك
تغيرت ولا ادري وش جرى .. وش غير النيات = سألتك واعتكف برد الجواب فـمعطف آهاتك
تقولين انت في راحه .. واقول من القهر هيهات = انا لا جيـت للراحـه .. تطاردنـي مسافاتـك