يابعد نسيانه عـن البـال بعـداه

لج الخفوق و جر صوته من اقصاه
........................ و لجت معه حدب الحنايا تنوحـي


عليك ياللي كـل ماقلـت بنسـاه
........................ عيـّـا خياله عن خيالـي يروحـي


انا احسب اني لاترحلـت بسـلاه
........................ واثر التبعد زاد جرحي جروحـي


يابعد نسيانه عـن البـال بعـداه
........................ هو غايتي هو راحتي هو طموحي


ياكيف ابنسى شف قلبي وسلـواه
........................ دامه على شوفي شفوقن لحوحـي


خلن يطاوعني على كيف مابغـاه
........................ مايسمع العـذال فينـي ويوحـي


والله مانسى مهجـه القلـب والله
........................ وشلون ابقوى نزع روحي بروحي



الامير خالد بن سعود الكبير