(( ديوان الشاعر : مشعل التريبآني ))

((هلابك يابو متعب ))
http://www.b3b7.com/vb/showthread.php?t=88728

هلابك يابومتعب مانهمروبل السحاب وهــل (1) =
هلابك كل شعب المملكه رحب وهلاّبـــــك
هلا ماهل همّال السحاب وعد نجمن طــــــل (2)=
هلا يامرحبا والشعب رحّبك وحيّابــــــــك
هلابك عد ذرّات الرمال وعد شهرن هــــــل (3) =
هلابك والبلاد استبشرت فيك وفرحنابــــك
هلابك والبلاد استبشرت بــك واكتست بالزل (4) =
هلابك واحمد الي رجّعك لابناك واحبابــك
هلا ياخادم البيتين يادرع الوطن والظــــــــل (5) =
هلا يافرحة المحتاج يامنّه تعزوابـــــــــــك
هلابك عد مــــــــن سبّح ومن كبّر ومن هلل (6) =
هلابك عد من خطة قوافيـــــه وتغـّـنابـــــك
هلابك واحمد الـــي في شفاهـ لشخصكم كلل (7) =
هلابك جعل يكتب لك طهورن كل ماصابك
هلابك عمّة الفرحه بشوفك فـــي بلدنا الكــل (8) =
هلابك عمّة الفرحـــــه بلدنا واحتفلنابــــــــك
هلابك والقلم لونكتب اكــــــثرمن كذا مامــل (9)=
هلابك ماتمل اقلامنــــا مهمـــــــا كتبنابـــــك
هلابك لويسيل الطـــــرس بالاقلام ويسجـــل (10) =
هلابك والله انـــــه يفرح الاقلام ترحابــــك
هلا بالي بخيراته علــــى كل الوطن يشمـــل (11) =
هلابك يابو متعب يرحم الله شايبـــن جابــك
هلابك يابو متعب وانت لك بقلوبنا مــــــنزل (12) =
هلابك في بلدك الطاهرهـ وابناك واصحابك
هلا في نورنا الي بعد مده فـي بلادهـ طــــل (13) =
هلافي طلتك نوّربلدنــــــــــا واستنرنابــــــك
هلا بالي فرحنا فــي شفاهـ وعــــودته يكمـل (14)=
هلا واستبشرت فيك القوافـــي يانظمنابــــــك
هلا حييت مسكانك بقلبي فـــــي بطينه حـــل (15) =
هلا حبّك سكن في مهجتــــي والقلب حيّابــك
هلابك والله انا دايمن عــــــــن مقدمك نساْل (16) =
هلابك يوم ربي بعد ماطال المـــــدى جابــــك
هلابك كل شعبك رحّـــــــبوبك ياحبيب الكل (17) =
هلابك مرحبابـــــك ياهــــــلا مليارحيّابـــــك
هلابك يابومتعب عد ماهل المطــــــرواهمل (18) =
هلابك والله انا نفتخربــــــك وانتباها بـــــــك
هلابك قايدن مقــــدام يعقد حبلنا وايحــــــــل (19) =
هلابك قايدن مقدام كلـــــن يحسب احسابـــك
هلابك قايدن لقلوب شعبك بالـــــــغلا تحــتل (20)=
هلا في طلّتك والدار تزهاهــــا وتزهابــــــك

رد على فريح الحسن
http://www.b3b7.com/vb/showthread.php?t=89962

هذه القصيده جتني من الشاعر \ فريح حسن بن مسمار الشمري

(يقول)

سلمولي على مشعل كثير الســــلام (1) =
وبلغولي جنابه بالتحيـــه كثيــــــر

قولتن من ثمان اسنين وازود بعــام (2)=
مانظمت القصيد ولا لقيت الشويـر

شحة المفردات ولا قويت الكـــــلام (3)=
المصيبه جلل والله بحالي بصيــــر

ماقويت ارثي المرحوم والله حــرام (4) =
والسبب عبرتن بالصدرعية تسيـر

واخره طالبك يارب محي العظـــام (5) =
ترحمه يالطيفن في عبادك خبيــــر

وترحم الخال ابو مشعل وكل الانام (6) =
من عبادك على التوحيد مالك خشير

وهذا رد الشاعر / مشعل عسام التريباني الشمري

خطك اللي وصلني زاد حالي هيام (1) =
حشرج الصدر مني بالعباير كثيــر

يابو ماجد عقب فرقا الحشام الكرام (2) =
كل يوم العباير تزدحم بالظميــــــر

راحو اهل الرجوله والكرم ياحـرام (3) =
اطلب الله لهم ياخوك حسن المصير

ياعساهم بجنة عدن دارالســـــــــلام (4) =
تحت ظلن ظليل وفوق نهروغديــر

ياذكرت الثلاثه عفت حلو المنــــــام (5)=
ووجس الصدرمني كن به طق زير

اطلب الله لهم ياخوك حسن الختـــام (6) =
يالله انك تحرمهم علــــــــى زمهرير

ابو نواف والوالد لذيـــــذ الكــــــلام (7)=
وابو مشحن صخي الكف عزالقصير

كل ليله يزورن طيفهم بالظــــــــلام (8) =
واطلب المغفره منذو سميعن بصيـــر

يالله انــــــي طلبتك يامنشّ الغمــــام (9) =
تمسح الذنب عنهم يالسميــع القديـــــر

اتذكرسوالفهم ســـــوات الحـــــــلام (10) =
وكيف كنا لهم بالمعضلـــــه نستشيـر

ويوم راحوعلينا الجو عتّم كتـــــــام (11)=
لو بغينا نشاور مالقينـــــا مشيـــــــــر

كن وسط الحشا يركزشديد السهــام (12) =
والدموع الذوارف غرّقــن النظيـــــــر

قولو لقايد جعيثن يمنع الرخصة عليه في 19\8\1432هـ

http://www.b3b7.com/vb/showthread.php?t=94835

قولولقايدجعيثن يمنع الـــــــرخصة عليه(1) =
كم خميسن راح ماذقنا ولا لقمة فطـــــــور
لين زل الشهـــــركله وحنا نحـــــــتريه (2) =
بس انا والعودجاره كننا وجــيه الطـــــيور
كل يومــــن عندبابه ونتلــــــدد بالوجيه (3)=
الشهـــرهذاعلينا صــارعن خمسة شهــــور
ايه ابو تركــــــي عسا مايفقدونه والديه (4)=
تاجـــــــرالطـــولات لعل التجاره ماتــــبور
علموقايد جعيثن يرحم امه هــــــي وابيه (5)=
علمــــــــــوه انه توثم وحصـــــل زود زور
كيف ترخصله وحـــنا ترانا نرتجــــــيه (6) =
كل يومــن عـــندبابه كننا وصف الســـبور
اشهــــدان القايد اخـــــطا وذنبناكله عليه (7)=
وايتحمــــل ذنبنا في يوم حشـرجة الصـــدور
واشهــــد ان القايداخطا وايتحمل مايجيه(8) =
والله انا مانبيحه لين بعــــــــثرت القـــــبور
مايشاورنا قبل من شان للصح نهـــــــديه (9) =
لين نعطيه السماح ونمنحه رخصة عـــبور
ليه ماشاورقبل مايعطي الرخصه وليه (10)=
من سمحله يوم يرخصله كذا من دون شور

((اشهدان الزين في مبسم شهد ))
http://www.b3b7.com/vb/showthread.php?t=94575

اشهد ان الزين في مبسم شهـــد(1) =
واشهـــــدانه بالعــيون الناعسات
من يشوف الزين في غيره زهد(2) =
مايناظـــــــــــرغيرها للمـترفات
ضامرالسرجوف مركوزالنهــــد(3) =
والشفايف بينهن سكـــــــــرنبات
الثنايا كـــــــنهــــــــــن لون البرد (4) =
بين مثل الجمر صفن مـــرهفات
واشقرن مــــن فوق ردفينه ورد (5) =
كنه اذيال المهار المســــــرجات
لو يشوفه جاهلن وسط المهـــــد (6)=
كان قال ابغا معه وســـط العبات
ولويشوفه فاجرن خر وسجـــــد (7) =
يــبتهل لله ويذ ن بالصـــــــــلات
ولو يشــــــــوفه تايبن قام وقصد (8) =
واجتهـــــد له بالجمل والمفردات
ولو يشوفه طاغي النظـــره هجد (9) =
واعتزل كل البنــــــــــي الغاويات
من بلاد الرافدين احسن بلـــــــد (10) =
مشربه مــــن نهـر دجله والفرات

((انا سعودي))
http://www.b3b7.com/vb/showthread.php?t=95043

انا سعودي وافتخر وارفع الــــراس (1) =
في كلمة التوحيد يرفع علمنـــــــاء
دار السعود اللي لهم تخضع النــاس (2) =
في ضلهم كل الدول تحترمنـــــــاء
نسل الزعيم الفيصلي طيّـب الساس (3) =
اللي بتطبيق الشريعه حكمنـــــــــاء
بيّن معالمها على قــــــــب الافراس (4) =
وعم الامان الدار يوم استلمنــــــاء
من بعد ماكنا حزابات واجنـــــــاس (5)=
شتّا قلوبٍ والجهل يقتحمنـــــــــــاء
لملم شتات المملكه عقب الايـــــاس (6)=
وعلى التسامح قادنا واستقمنـــــــاء
اسس لنا دوله توثـّق علـــــــى ساس (7) =
جمع القلوب ولاتفرّق حزمنـــــــاء
صليب راسٍ بالمهمات مقبــــــــاس (8) =
اناشهد ان الله بحكمه رحمنـــــــــاء
عم الامان بدارنا وارتفــــــــع راس (9)=
وفي ضل عبدالله وسلطان نمنــــاء
نرقد بضل اخوان نوره بلا بــــاس (10) =
في ضلهم نرتع وكلٍ حشمنـــــــاء
نرقد هيت في ضل لبّاست الطــاس (11) =
والى زما العايل على طول زمناء
من فضل ربٍ خالقٍ كل الاجنـــاس (12)=
لعل رب البيت يحفظ نعمنــــــــاء
حنّا جسد واحد وابو متعب الـــراس (13) =
ونفخر بخدمة راسنا يازهمنـــــاء
مانطاوع الحاسد ولا نطيع بــــلاّس (14) =
وفي سوق معهم مانبيّع ذممنـــــاء
مانستمع لهل التطرف والانجــــاس (15) =
والغدر ماهو من مبادي شيمنــــاء
نبقا لحكام الوطن دوم حــــــــــراس (16) =
والمعتدي ناطاعليه بقدمنـــــــــاء
ياللي تبيع النفس في سوق الافــلاس (17) =
كم عايلاً قبلك لخشمه خزمنــــاء
لا للتطرّف ياعديمين الاحســــــــاس (18) =
لوتدفعون اموالكم مانقسمنــــــاء
خدمتو العدوان في شيل الاكبــــــاس (19) =
يامحرقين الروح حنا فهمنـــــــاء
انتم مساكينٍ تبنّوكـــــم اخســـــــــاس (20) =
وحنا لموضوع المعادي حسمناء
اصحو من الكابوس يذنـــاب الادناس (21) =
تبون عدوان العرب تلتهمنــــــاء
ياهل العقول اللي بالادران غطــــاس (22) =
تخسى يديكم ماتنجّس حرمنــــاء
اشبال حنّا ماتخوّفنا الابســــــــــــاس (23) =
ماتنثني وقت اللوازم هممنـــــــاء

(احب المراجل)

http://www.b3b7.com/vb/showthread.php?t=96836

احب المراجل وارغب الطيب يا سلطان (1) =
واكره قليل المرجله واكره اقرانـــــــه
واحب الرجال اللي لهم بالرجولــه شان (2)=
ونفسي على شوف المشا كيل شفقانته
واقول النشاما شوفهم يطــــرد الاحزان (3) =
يطرد هموم القلــــــب ويبعد احزانـــــه
عسا مجلسن ماجـــوه يسكنبه الشيطان (4) =
لعلـــــه يجيه الهدم ويقل سكانـــــــــــه
تهدم مبانيّه مــــن السقف للسيســــــان (5) =
تحطــــــم ركونه ثــــم تنهد جدرانــــــه
وش عاد لو زخرف ولوشيــد البنيــــان (6)=
ماجملـــه يابـــــــوك شكلــــه وبنيانــــه
بيت بليا رجال مهجورمـــــه ماكـــــــان (7)=
وش عاد لو زخرف ولو رفعة اركانـه
ياصار مايدهل مــــــــن الربع والجيران (8)=
ويفــــــز راعيّـــــــه بربعه وجيرانــــه
تراه يشبه شجرةٍ ميتــــــت الاغصــــان (9) =
تحتحت ورقها الحي وانحتت اغصانــه
كساها الغبار وراح فيّــــه وعوده بـــان (10) =
والآرمه تبني علــــى كــــل عيدانـــه
شتان بين الطيب هو والـــردا شتــــــان (11)=
راع الردا ماتسكن الـــــدار من شانه
والطيب سندا ماتعلــــــو بــــــه الرديان (12)=
يصعب على اللـي هس خاله وعمانه
يشرط لراع الطيب ياتي وسيع بطــــان (13)=
ويشيل ماشـــال البليهي علــى امتانه
يشيل الجمل ضعفين ماشالة القعـــــدان (14)=
ويبرك وني الحيل يازادة اوزانـــــــه
وانا اوصيك ياسلطان بمرافق الشجعـان (15) =
مع اللي رجح بالجود وزنه بميزانـه
وابوصيك انا يابوك في طاعة الرحمــن (16)=
تمتع بعزّه كـل ماحـــــزت رضوانــــه
هواللي خلقك من العد م واحدٍ منــــــــان (17)=
مذلٍ معـــــزٍ قـــــادرٍعالـــــيٍ شانـــه
كفيلٍ برزقك محصي الا نس هووالجا ن (18)=
اللي رزق فــــي غبّــــة البحر حيتانه
وابوك وامك دونهم لاتحــــــــــط انسان (19)=
فيهم تفـــــوز بعفو ربـــــك وغفرانـه
وتمّة وصلى الله علـــــــى خاتم الاديان (20)=
نبيٍ به الله كمــــــّل الدين سبحانــــــه

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]

[TABLE1="width:95%;background-color:black;"]