خاطريات ***السمحان ***

اوسمتي · 08-08-2009, 05:16 PM

بوح تألق جمالا وفجر لآح من بعيد..!!
وعاد يعانق ظلمة الليل مستنيرا بلمعة
النجوم الهامسة...!
طهر أنفاسك وقوة حرفك ....
توحي بضرورة الغوص....!
حيث وجدت المتعة متدفقة....وفاحت انفاس حرفك فلفحت بعبير عطرها
فوجدت جميل العبارات وصدق الاحاسيس ونبل المشاعر
بحروفك رسمت لوحة لعشق صادق
وامام هذه الكلمات يضعف حرفي..
سنقف لحظات جميلة مع خاطريات السمحان

اوسمتي · 08-08-2009, 05:25 PM

مساء الحب يا حبي

مساء اشواق تلعبي

مساء الورد وعطر الورد

ومساء الشامتين اللي على الشفه

وفوق الخد

مساء اشواق مابه كذب

مسائك يا (..........) مساءن عذب

تجي فيه النجوم وتراقص به

ويجي فيه القمر مقهور

وخاطره مكسور

لاني في حضورك يا (........) انساه

واخليه بسماه

يا مبتدا حبي ومنتهاه

ولانك في حضورك يا (........)

ما للحضور حضور

حبيبتي ....

تعالي نكتب القصه

تعالي نفك عن ازارير حلوقنا الغصه

ونبني للمحبة جسر

في آخره احلى قصر

والباب مفتاحه صبر

اية صبر وين الصبر

خلاص ما بقى بالروح روح

ياخي ملينا جروح

هاك الدفا هاك الوفا

بس عطني من ايامك طموح

حبيبتي ....

يلومونك من اول الليل لين آخره

تجلس معاي .. !! ؟؟

هم ما دروا انك هواي .. ! ! ؟ ؟

او ما دروا انك يا بعد روحي

زادي وماي ...

ياليتهم بعيوني يشوفونك

وبأقصى ضلوعي جالس ن دونك

قلبي ومعاليقه

وكل ما التفت اتنهد بتشهيقه

اواااااااااااااااه يا حب مصعب طريقه

اما اعاني من الغلا

وإلا يحيابك غلاي

قولي لهم يا (.......) تكفين

حبيبي ما بعد للحين

ما مل مني وانا مليت

منكم ومن سوالفكم

خلوني انا واياه

تلامس شفاتي شفاه

ويغرد بالحكي عصفور

ونطيّر حمام الدور

والدنيا تدور

ولا تغيرنا

لو هي تبدل ملامحنا

تبقى في داخل الروح

تحيا محبتنا

بعدها من اول الليل لين آخره

وانت جالس معاي

تبغاهم يلومونك .. ! ! ؟ ؟

الله لو ما لليل آخر

كان ما انتظر باكر

واغني لك الاماكن

ومن فيروز فاكر

مساء الورد يا عطر الورد

وكل ليله اقوله جد

احبك يا (......)

وحبك يا بعد روحي

يكبر وماله حد

اوسمتي · 08-08-2009, 05:30 PM

سافر الى البندقية مدينة الماء ليدرس هناك مدة اقصاها ثلاثة اشهر وكانت شرفته تطل على محل لبيع الزهور
امام المحل يجلس الرجل المسن على كرسية الخشبي وفي بابه فتاة تُهدي كل من يدخل المحل وردة ....
اعجبته الفكرة قبل ان تُعجبه الفتاة فنزل وحصل على الوردة الاولى لتتوالى بعدها كل يوم يقطف من يد الفتاة وردة
ليجمعها في غرفته وفجأة تنتهي الدراسة ووجبت عليه العودة الى الوطن ولكنه تعلق ببائعة الورد جمع كل ما عنده
من ورد ونزل لها واهداها ايها رغم انه ذبلان ولكن اول ما سلمه لها تفتح الورد بعدها اخذته الغيرة من الورد
وادرك ان الورد كان اكثر شوقاً منه للفتاة .... وكانت هذه الخاطرة
[ القصة المختصرة خيالية ربما لو اسهبت بكتابتها لكانت رواية من روايات الحب ]

نسيت واهديت لك وردة
نسيت انه تعب يلقاك
نسيت وكانت النية
اجيلك شايل الصورة
وانا اللي محتفظ فيها
وكانت تشبه الغالي
وامتّع ناظري بشوفه
وانسى الخوف وسيوفه
خذلت الورد يالغالي
جيت وكنت في بالي
وصرت ابهى من حضوره
يا ورد اسمع كلامي زين
ترى لو كنت متعشم
تكون اجمل
وبالجمال اكمل
بتعيش الحلم عشر سنين
وإلا بختصرها لك
بتعيش الحلم لي نيموت الزين
تصدق والله العالم
رغم فرحي نزف جرحي
يذكرني ليالي البعد
واخاف من باكر .... وبعد باكر
وتصبح الدنيا تذاكر
واسافر وابتعد عنك
واشوف الحزن بعيونك
وتنادي يوم ميلادي
وتقول وش كانت الدنيا
واقول بكل اتجاهاتي
للاسف تلقا اجاباتي
حزين بكل حالاتي
ويذوب الشمع من حزني
تصدق والله العالم
يحار الدمع بعيونك
ويبكي لانه بيبكي
يفارق منزلِ عالي
وتطيح الدمعه مكسورة
وتلعن ساعة الفرقا
تمنى لو انها ترقا
وتموت الدمعه مجبورة
حرام الوقت يقتلها
ولو ماله بعد مقتول
لقول الظلم للدمعه
ولكن انتحر فيها
سكون الليل والجمعه
تصدق والله العالم
رغم اني تعبت القاك
احبك حيل يا ظالم

اوسمتي · 08-08-2009, 05:31 PM

في آخر الجلسة

وفي آخر كلام الليل

نطوي حديث احباب

كنه جليد وذاب

ويبكي علينا سهيل

------------------^^^^^^-------------------

تآقف على صوتٍ حزين

الروح والذكرى

على باب المشاعر طارقه

بين الحناجر شارقه

فيها دموع اكثار

فيها حديث اسفار

وتسابق دموعٍ غارقه

------------------^^^^^^-------------------

وعلى جمر الوداع

ماتت احلامٍ كثيرة

تطعنه كلمة عسيرة

محدٍ قوى يقولها ..!!

حبيبتي مفارقه

------------------^^^^^^-------------------

تعلّقت لحظة حزينة

هذي اللحظة حرام

تزهق الروح الكلام

ولا قوة فينا الجوارح

تنطق الكلمة وتصارح

غير التلذذ بالعذاب

وآآآآآآآآآآآآه يا جرووح الجوارح

------------------^^^^^^-------------------

حبيبتي تذكري

أبقي على ذكرى الحمام

تذكري ياما ....... وياما ضحكنا

ياما ملينا هالدنيا ورود

ياليت هالذكرى تعود

ونبني احلامٍ جديدة

فوق جسر الغرام

بس ياليت هالذكرى تعود

------------------^^^^^^-------------------

آآآآآآآه يا مرّ الوداع

آآآآآآه واوجاعه وساع

أول محطات الضياع

ونتوه بالدنيا الوسيعه

------------------^^^^^^-------------------
وفي آخر الجلسة

وفي آخر كلام الليل

نامت على روح المشاعر

احلام طفلة وشاعر

اوسمتي · 08-08-2009, 05:33 PM

انت وينك .... دايم وانا اشكي سنينك
انت وينك ما تشوف العين تبكي حنينك
ياخي اسأل ...
من سأل يلقى جوابه
عن سبب غربة احبابه
ماهو جفى
ولا شمعة الشوق في صدري طفت
ولا دمعة المحروم في عيني وقفت
شفني بكيت من القهر
وشفني اتعبني السهر
مخترت انا بنفسي طريقي
والحزن اصبح رفيقي
دنيا تهديك الكدر
وانت تهديها الزهر
ياخي تعبت ...
اعيش بالغربة ولكن
لونها اسود وداكن
وكل ما تناسيت الشوارع
جت تذكرني المساكن
واكتب رسالة حب
حبرها دمي
وقرطاسها همي
ومظروفها ظروفي
ومختومه يا خوفي
وتوصل لمنهو سكن جوفي
محتواها الامل يقطعه سيف الالم
اقر الرسالة كلها
تلقى جواب الاسئلة
(ما قريت الهم بدموعي
او ما يهمك رجوعي ... ؟؟ )
^
^
^
^
^
ابنكسر ... وابنتحر
وابقتل الهم بيدينك
وابتركك مع نفسك تسلى
وتشوف خلك تخلى
بس والله ثم والله
ما تشوف مني خضوعي

اوسمتي · 08-08-2009, 08:29 PM

تاهت الخطوة مثل ما ضاعت الدنيا بعيني

لا صوت واسمع به وصالك

ولا رسالة واعرف اللي جرالك

ضايع وعندي أجابة

كيف وانا اتذكر سؤالك

يوم اقفيتي تقولي

هل بعد هذل اشوفك ....؟؟

تدرين من وين ألاجابة ...؟؟

من ثلاثة قريته

الزمن ... والنعش ... ودموع السحابة

بس وينك خلاص

ماعاد له داعي سؤالك

وليتني ما سمعت ألاجابة

آآآآه منك يا زمن

والله مالك ثمن

لو شريت السعادة محترق فيك النكد

ليه يا وجه التعس

ياحظ نايم ما درس

ما تعلم من زمانه

كيف يآخذ مكانه

لنت نافع دراسة

ولنت نافع تختلس

ياشيخ موتك حلال

بس ولّ لبعد ظلال

روح نام ولا تجي

منك العطايا مرتجي

وإلا تدري تعال

بالسيف قصّاب الارقاب

انحرك يالحظ الردي

أم انت تابوت الوداع

آخر محطات الضياع

ارفق على من فيك بشويش

مستعجل بدفنه على ويش

ماهو خلاص رايحٍ رايح

ماعاد تنفع النوايح

تكفين يدموع السحايب

هلي على قبر الحبايب

ولو ما بكيتي نغطيك

بدموعنا وريح الحبايب

بدموعنا وريح الهبايب