مدخل
يا كثر ما جيتك ، و يا كثر ما رحت
على طريق يشرق الحلم منه
لو قلت لي ما ابيك يمكني ارتحت
ترى السكوت اقسى من اللي تظنه
عمق
ابتسامك صبح يا صبح ابتسامك
الـتـفـاتــك لـيـل تـطـويه بـيـديـك
انـــت مـاخـلـيـت للـنـجـمـه ظــلامــك
لـيــش تـقـطـع درب يـاخـذهـا الــيــك
كـل حــرفٍ ينحـنـي شــوق لغـرامـك
وكــل خـطـوه تسـبـق الخـطـوه تـبـيـك
والنهـار اللـي سبقـنـي فــي احتـرامـك
مـا صبـر لحـظـه قـبـل يـدخـل علـيـك
لوتصـيـر الـشـمـس مـحـور فـي كـلامــك
تلتـهـي الدنـيـا وصــار الـكـون فـيــك
مـد كفـك للسمـاء عطـهـا وسـامـك
خـــل هالنـجـمـات والـقـمـرا شــريــك
مــن مـتـى واللـيـل يـنـعـم فـــي مـنـامـك
هـي عيونـك تـطـرد الوحـشـه تجـيـك
مـن تعلمتـك وانـا بعـض اهتمـامـك
لــيـت عـلـمـي قـــادراً بــــي يـبـتـلـيــك
هــو مقـامـك مـــا يـلـيـق الا بمـقـامـك
دام قـلـبــي قـــــال ابـجــلــس احـتــريــك
بـارسـمـك صـــوره وابـادلـهــا ســلامــك
يـمـكــن اقــــدر فــــي خـيـالــي احـتـويــك
مخرج
انت اخر حلم واخر من بقا
لاتعيّشني رهين الاشتياق
اجمل اللحظات لحظات اللقا
واصعب اللحظات لحظات الفراق
لاأرواحكم النقيه
العرض الشجري
