حبر يا قلمي وعلى الورق تحبر

القصيده بعنوان ( خروف الضحيه )

حبر يا قلمي وعلى الورق تحبر = وأكتب عن زمانن علني معلوله
أشوف الرجل عوج ولا يتعدل = الناس تكبر وهو تكبر خبوله
يا شين رجلن تحت المحزم طعونه = ويا شين رجلن مثل الحريم فعوله
لو يظهر طيبته دقايقن معدوده = عيوبه تظهر ويبان بسرعه مفعوله
لو غسّل وإغتسل وتهيّا وإستقبل = يديه عن جادّة مراجل ربعه مغلوله
وجهه أسود كما القار ماطي عليه = ومج عليه من ريقك تنقى معسوله
تبطي عليه المراجل وتقصر حبالها = دونها سياجن عليها ورجليه معقوله
يسمع بها وقام ينابح على الخبلان = وجاوبوا أهل الأقوال والقوله
اللي لهم بهرجة القفا عنوان = يلبسون شماغ وشواربهم مفتوله
خلف الله عليهم عسى ما تجيب غيره = بعض الحريم تذكر عن مية بطوله
تضرب بالوجه ولا تطعن بالظهر = وتاقف بساحة الميدان وتدق طبوله
ولو كان عندها سمسار مع نفوذها = تبطش بيمناها دام مهي بمشلوله
هذي وهي حرمه يا خروف الضحيه = وحريمنا فعايلهن ما هي مجهوله
لا صرت عاشق وصار حولك عشاشيق = أصبر ولا تكثّر علينا المهوله
من يشوف الناس ما يشوف الا بعينه = والبعير ما يشوف رقبته من طوله
لا تقول إني أطرد صفر العراقيب = هذولن خواتي دون تحليل محلوله
أصرخ بها لا من طحت بينهم كسير = ويجاوبن بالصهيل وغبار خيوله
صحيح إني أسج مع الهوى بعصير = وأنتعش بطاريه يا مرحبا بزوله
هلا بك والله يا ريحة الغالين = يا سعدي يوم يبلل ريقي هملوله
أدخل مع الباب والرجال يفزون = ما أجيهن بالدسوس وظلام ليوله
حسبي الله عليه يوم إنه طعني = ما ينفع لرقبته غير سيوفن مصقوله

وسلامتكم // طلال الشمري