جرحي خطا الأقدار بشيوخ برزان // في رثاء الأمير /طلال الرشيد _ يرحمه الله

جرحي خطا الأقدار بشيوخ برزان=وآخر أمل ذكراي دمعٍ غذى الياس

وغبني سقاه الوجد حيرة وحرمان=والهم عيا يعتق القلب بنعاس
ألبوح جاير والضنى سُم واحسان=والسلم مِشْرب والمعاميل يباس
والدار تنعى باب الازمان تحنان=والراي عاري والقهر برد ولباس
أقفى طلال وشف الامجاد ضميان=عين الرشيد وروح شمر هل الطاس
ما للحضور بغيبته سرج وعنان=وما للعزى دربٍ على الراس والساس
وما للحقيقة في سما الظلم برهان=غابت وهي مثل القمر شوف واحساس
أضحى الضمير ومنبع العيب سيان=راع النفاق لهدم الايمان لباس
ولّى انت سيد يابو نواف لك شان=وهموم قلبك مطلب الشرع والناس
وقتك نفى مبداك والحظ ما زان=حساد صيتك قصّــر فعول وانجاس
جازوك بالحسنا تجني ونكران=واشقاك حقك والبسك ثوب الاتعاس
يامن رويت من الوفا وانت عطشان=مجناك صلب اللي للامجاد نبراس
عساك تلقى من رضى الرب رضوان=في ظل ظله عن لظى الشمس جلاس
باح الصديق ولا سلى الود كتمان=واغدى الجلاده والوفى دق الاجراس
يبقى الرجا نواف جرحٍ وسلوان=وعبدالعزيز اليا انتهض يقتل الياس