سقى ربي ليال العيد من غيث السماء هملول

سـقـى ربـي لـيـال الـعـيد مـن غـيـث السماء هـملول=بـها شـفـت الغـلا سـاعه سرقته بالخفى سـرقا
وصارت هـي كرم خـلي قـبل يبخـل بهـا الـمـجـمـول=قـبل يرحـل ويرسل لـي رماحـن نـارهـا زرقـا
الا لاعــدت يـايـومــن فـقــدنـا بـك ظـريـف الـزول=رحـل عـن خـافـقـن دلا يلـوعـه لايـع الـفـرقـا
رمـاني في طـريق الهـجـر دربـن دايـمـن مـجــهــول=ومـوجـن مـن دخل قبلي تروح ارواحـهـم غـرقا
نـهـاري مـشـغـلـن روحـي بـقـافـن بالـعـتـب مـسلول=ولـيـلي ساهـرن جـفـنـي اجـاوب نـايح الـورقا
الا يـاعـزوتـي جـرحـك بـقـلـبـي صار هـول الـهـول=غـدى يكـوي مـعـاليـق الضمير ويطرقه طـرقا
الا لـيـت الحـشـى سـالـي مـثـل ربعي على الـمحـمول=او اني مع شيوخ الطـيب واهـل الجـود من بـرقا
اجـاذبـهـم جـزيـل الـقـاف واطـرب مـع لـذيـذ الـقـول=ولاذقـت الـغرام الـلـي حـرقـنـي لاهـبـه حـرقا
سـلام الله عـلـى ريـمـن رمـانـي رمـشـه الـمـكـحـول=جـبـر قـلـبـي على ظـلـعن عسيرالدرب والمـرقا
وكـل الـشـكـر يـوم انـه تـركـنـي طـايـحـن مـشـلـول=وفـوقـه في مـسامـيـر الـفـراق بخـافـقـي عـرقا
وسـلام الله عـلى قـلـبـن لـعـب بـه ضافـي الـمجـدول=خـطـاي انـي هـويـت اللي درقـني بالـهـوى درقا
وداعـة خـيـر يـاقـصـرن بـغـيـتـه حـلـمـي الـمـامـول=وقـع وقـعـة زعـيـمـن حاز غرب الـكون والشرقا