اللي يسليني

اللي يسليني عن الهم والظيق=الجندَل الي مِزنته مِستِهِلّه
إليا أرزمتْ دَلما المزون المدانيق=وهلّت مقاديم العطوف المظِلّه
والنار تصلا مثل صَف الغرانيق=تشدى عرانينه لثاني الأهِلّه
علاج هاجوسٍ يبت المعاليق=النازح الخالي دواء كل علّه
على سناء ناري تهيض الطواريق=نوادرٍ مثل النجوم المطِلّه
بعدي عن الغوغا وعوجا المخاليق=أخير من ردي على كل زَلّه
مكثر بنادقها وقِل التفافيق=والرمي يبغاله من الغوش ثِلّه
هذا يغرّبها وهذا تشاريق=متجيبله تلبس ثياب الجِبِلّه
اطيق نوب ونوب يالربع ماطيق=ومن يستمِلّنك هروجه تِملّه

أبن طواله

ونعم فيك الطواله
ويسلم لسانك على القصيده ننتظر جديدك دووم

عشت ويسلم راسك يالبناخي صح فكرك وبوحك لاعدمناك

تقييمي

الشاعر الكبير
متعب الطواله

أبيات من ذهب


كلمات تنساب إلى القلب كنسياب جداول المياه


أبدعت يالقرم في كل مانضمت


سلمت وسلم لنا عزفك ونزفك


ودام قلمك يطرح أجمل الدرر في سماء هذه الخيمه

صح لسانك ولاهنت على هذه التحفه الجميله

تسلم يابوفارس وصح لسانك بحجم الكووون ولله درك
عوايدك الإبــــــداااع لاعــــــــــدمنا وجووودك.

تم التنســــــــــيق

صح السانك مليوووًن ولا يسدون

يسلّم قلبك وَ روحك شاعرنا
عوافي قد السماء على ابداعاتك
الهي يسعدك وَ يديمك

تسلم يابن طواله وصح لسانك مليار

صح لسانك وعلا شانك

صح لسانك ابيات جميله شكرا

صح لسانك مليون
قصيده رائعة بروعة صاحبها
جزلة من جزل كما عهدناك دائماً
لك مني كل التقدير

بسم الله الرحمن الرحيم
كل الشكرك لكم اخواني وخواتي على هذه الردود المشجعه والعبارت الجميلة والرائعة
أرجو ان تكونون في تمام الصحة والسرور والله يسعدكم جميعاً
كل التقدير لكم اخواني خواتي