ياهيه ياسيدالبني المزايين=ياللي عليك من الجمال انسكابه
اسمح لي اكتب كلمةٍ بين قوسين={بينك وبين ام الغزيّل تشابه}
ليتك خويٍ لي على العسر واللين=ونروي عطشنا من دموع السحابه
في خايعن يطرق هواه المحبين=حيدٍ نفود وحيد روض ورحابه
ونبعد عن الحساد هم والشياطين=وايضا بعيدٍ عن عيون الرقابه
في روضة التنهات لو بس يومين=نمشي مع الروض الخضر والشعابه
ماحولنا كودالعصافير سالين=ترقص على عزف اللحن والربابه
وإن قالها الله نجتمع كل شهرين=من منتجع شرماء الى اطراف طابه
والى اللقا يامعذب القلب والعين=ياللي سكنت بخافقي واعتنابه
سكنت فيه بفلتينٍ ودورين=وضيعت مفتاحه عقب صك بابه
الله الله
صح لسان شاعرها ولا هنت يا بو طارق
ذكرتني بلي يقول ..
اعشقك لكن حط نفسك مكاني
طرد المقفي عيب ماهو بنوماس
هملتني وانا مهم .. وتراني
مثل الكلام الي يجي بين الاقواس
الله الله
صح لسان شاعرها ولا هنت يا بو طارق
ذكرتني بلي يقول ..
اعشقك لكن حط نفسك مكاني
طرد المقفي عيب ماهو بنوماس
هملتني وانا مهم .. وتراني
مثل الكلام الي يجي بين الاقواس
.. دمت بخير يا بو طارق لا عدمنا هالطرح
هلابك مرتاح وصح بدنك ولاهنت
ولك شكري وتقديري على حضورك الرااائع ومداخلتك الجميلة
دمت بصحة تامة ولاعـــــــــدمنا وجووودك.
العضو الأكثر نشاطاً هذا اليوم 
العرض العادي
