رقت من المنشأ خشومه مشانيف=تقل نشت سلمى الجبل بمعلمها
دلمٍ مثل صفرٍ تبارا مواليف=عقب الربيع ويوم كمّل شحمها
من الشحم تقل عليها مراديف=ومن طول ردّومه تسانا نسمها
عسى على النقرة ترزّم معاطيف=سيله يدربي بالوعر من رضمها
ديرة هل الهدلا كبار المعاريف=يوم إن بقعاء تهلكك في وحمها
صيارم الصم الطوال المشاريف=فهقٍ تهاوز للهدد في قممها
عنها حدوا جمع الاجانيب بالصيف=واقفت بعز القيظ شهبٍ أعّلمها
يوم إن ابوفارس يكز المظاريف=ورَدّة لمنصوب الملك واستلمها
محمد كعام الي براسه زعانيف=سبعٍ سباع الغاب زار ولطمها
وقبله حموها فوق قب مزاغيف=حرِد المهار الي يزلزل عدمها
يتلون اخو صلفة من الجوف للسيف=ومن الزبير بسمر حايل ختمها
عسى تدلّىٰ في هللها المقانيف=وتسقى قبور اهل الفعول ورحمها
(شعر متعب الفارس بن طواله)
العضو الأكثر نشاطاً هذا اليوم 
العرض المتطور
