(رحلتي لشمال مملكتنا بصحبة ابن عمي)

بسم الله الرحمن الرحيم
السلام عليكم ورحمة الله وبركاته
هذه الصور لربيع(اعويج لينه؛وام عشر؛والدبدبه)اتمنا تنال رضاكم

[align=right]
وعليكم السلام ورحمة الله وبركاتووو ،،

ما شاء الله حلووووين الصور ،،
الخضره تشرح الصدر !!
هد صورتك ؟؟ وإلا ظل المصور ؟؟
الصورة الـ 6 و 7 ،،
رووووعة مره عجبوني ،،
العطيب ،،
تسلم آيدينك ع الصور الجميلة ،،
مغسي بوكو ،،
[/align]

يسلمو ايديك اختي هااايدي ربي يسعدك على المساعده وليس غريب على خيتو بس برد الساعه ثلاث درجات الحراره بجد وكان قصدك اللي عند النار انا مو ضل

[align=right]

الله يسلمك يا رب ،،
وآنا في الخدمة بآي وئـت

لا آنا آقصد الصورة الـ 5
مو في شب جالس ،، وبطرف الصورة عل يسار في ظل المصور
انا أقصد آنت ،، آني واحد اللي بالصورة ؟؟



[/align]

هذا ابن عمي صديق الروح بجد بخليها ذكرى بالمنتدى لايدري بس هع صحيح انا اللي اصوره اصلا حنا اثنين والله ياااهايدي نمنا في مكان موحش ياليتك تزورينه هع ابي يطلع لك قرون وتشكرين على المساعده

ماشاءالله عليكم
العطيب حائل
تسلم يدينكـ
والله يعطيكـ العافية

أقول لأهلي رميثات عبار مابه ربيع
خلونا نروح حوالين لينه أكيد في ربيع يقولون لا
|> قهروني وربي وصورك ياعطيب قهرني زيااااااده
بس كسبت شوفة القاع اللي حول الرميثات
تجنن بنفسجية من الخزامي وهع وأنقذنا طلي
الوكاد اللي ماعقبه وكاااااااااااااااااد
كان بيوم طلعتنا العجاااااااج اللي على هالقاع بالذاااات يخرع
وعفناه ورجعنا لأم عصافيـر
|> قالت قصة حياته بس على الأقل بردت تسبدي


تسلم أخوي
على المناظر اللي ترد الروح
والكبسـه عذااااااب


،

تسلم الايادي اللي صورة هذي المناظر ..
بس سؤال حدود الفقع من وين الى وين,,,
شكلي هذي السنة بروح ادور الربيع ..
ماتدري عن حفر الباطن ..جاه ربيع ولا لا ..
ورفحا..وابن طواله ..الله ..كنت زمان اشتغل في الشمال واعرف تلك الاراضي ..
يما كشتنا انا وربعي وقت الربيع ..مش عارف ممكن عااام1417هـ
بس ناوي هذي السنة اسافر واستمتع بالربيع والازهار وصوت الطير اللي يسمونة ام سااالم..
دمت مبدعاً

ماشالله تبارك الله
الصور حلوه ورائعه
حمستنا يالعطيب للطلعه
باذن الله الاربعاء طالع هناك
يعافيك ربي عالصور الاكثر من رائعه
تحياتي

مناهي سرني مرورك لاعدمتك يابعدي

غيد سرني مرورك يابعدي وانتي صادقه هذه الفياض فياض اعيوج لينه وطلعنا قطوع حتى وصلنا ابن هباس ثم الى الحفر وعلى طريق الدمام 90كيلو ثم الدبدبه ربيع يطرب بجد لاكن يبي عليه بعد شوي ويظهر الفقع يلقون 2او ثلاث ويبعون وقت الظهر عند المحطه 000تري رجعت مره ثانيه لانك قلتي الكبسه اف ياسلام وشطه كريستال لايزود الهرج تخليني ارجع وبعده كاسه شاهي بجنب النار وسوالف يوه يقولون لاتشرب مايصلح مادري يقولن الحديد وزي هالخربطه قلت يالله ابعدو من عرفتي للدنيا وهذي شغلتي ماشفنا الا الخير ههههههه والله صرت خرخر كل شي اقوله ماعليه نبي نفله ودمتي سالمه

هلا وغلا اخوي طراودا هذه الفياض فياض اعويج لينه بجد تطرب وطلعنا شمال حتى وصلنا ابن هباس ومسكنا الطريق ماوقفنا الابالدبدبه قريبه من الكويت كله ماشاء الله ربيع ثم رجعنا الى ام عشر لوتشوف اللي وانا اركب السياره هذي ام عشر والصوره اللي غروب الشمش في ام عشر كل الارض تطرب بجد والفقع ممكن من الوقت هذا وطالع يظهر لان الارض ارض فقع والجريد واجد تعرف الجريد او ماتعرفه اما ام سالم ماشفته والظاهر توه برد لاكن الضب طالع بسم الله علي مادري وش اطلعه شفته قبل ابن هباس لاننا مسينا في ذيك الارض وضبط الذيب ولد عمي الكبسه والا انا مامن ظبط له لاكن يتعبني جب هذا وود هذا يعني مرسال وش اعمل ادلعه والى شبعت قلت يالله بس وخر عني فاضي لك لاتعلمه عاد تصير خرخر عاد كنا انا واياه على خط نزوى بعمان وحنا راجعين من صلاله لاكن ماودي اتذكرها لانه توفى ولد عمي نايف قبل شهر وهو كان معنى الله يرحمه ويغفر له الحاصل فقع معنا الكفر ومسرعين وجيب شاص اف لاكن الحمدالله الكفر اللي وراء وسلمنا والحمدالله هذا الولد غريب خوته تنشراء بجد ماهو انه ولد عمي لاكن الحق حق وتراء توه جاي من استراليا حاصل على الماجستير هو وخشته وابلشني بعض المرات يشطف يهرج انقلش خخخخخخخ ادري تحب السوالف ولذلك جبت لك موجز ودمت سالم وغانم و اي خدمه مستعدين وحياك عندنا بحايل باي وقت 0

هلا وغلا السمي بجد لاتفوتكم ولايبي له شي لاجيت القريه اطلعو شمال طرق ترابيه مايبي له شي وتجيك ذيك الفياض اللي تطرب بجد ودي نرجع لاكن بروسنا الصمان ودنا نشوفه يذكرون ارضه زينه بعد ترنا مانجلس كان عندك خوه يشرفنا تراء ودمت سالم يابعدي

يسلااام يالعطيب صور تفتح النفس

الله يسلم ها اليدين لاعدمناك يالغالي

هلا النوفي ومن قال سلم يالقرم وبجد تطرب وتفتح النفس لاعدمناك