|
مرثيه بالشيخ\جلعود الجلعود (رحمه الله)
السلام عليكم ورحمة الله وبركاته:
فجعت مدينة سميراء يوم الخميس 3 / 3 / 1428 هــ
بوفاة الشيخ / جلعود بن سعود الجلعود الدهمشي العنزي
أثر حادث مروري شنيع تسبب في وفاته رحمه الله
القصيده منقوله للشاعر منصور الشمري
اتترككم
معها
جلعود عيني تبكي اليوم جلعـود
الشيخ أبو مطلق كريم السبالـي
أبكي كما يبكي صويبٍ ومضهـود
حزنن على اللي مدهلاً للرجالـي
أبكي على اللي سكته دايم صعود
الدهمشي جلعـود ذرب الفعالـي
أبكي على اللي لصعيبات عبـرود
اليا أدمست بالوقت سودَ الليالـي
الوايلي ياما ذبح كبـش وقعـود
ياما بذل للناس غالـي وغالـي
فوقي سميراء شامخٍ كنه الطـود
منصى الركاب ومزبنن ماينالـي
يوم القرى بالناس نادر ومعـدود
ياما ورد قصره ضيـوفٍ متالـي
مامات من ذكره مع الخلق موجود
مامات من عقب قـروم العيالـي
من يبذل الاحسان بالخير موعود
في موقفٍ عسرٍ صعيب المنالـي
جعله بظل العرش في يوم مشهود
وبجنة الفردوس يلقـى ظلالـي
اللهم اغفرله وارحمه
واجمعنا به في أعلى عليين
|
العضو الأكثر نشاطاً هذا اليوم 
العرض العادي
