مساء الخير

السلام عليكم ورحمة الله وبركاته
بسم الله الرحمن الرحيم
اتمنى ان تكون في احسن حال ....
انا عندي حلمين الاول حلمت اني ادور بيت بنت جارتنا ساكنه في الهدى وكانت اختي تدور معاي (اختي حامل في الشهر التاسع ) وفي الحلم كانت زي الحقيقه حامل في التاسع (هي خجوله جدا لدرجه ماتحب احد يشوفها)شفنا باب مقفول قلت لها دقيه يمكن يكون بيتهم وقبل لا ندق الباب مجرد ماوقفنا عنده ودفينه انفتح وفعلا طلع بيت الحرمه لما شافتنا فرحت كثير كان وجهها حلو بعدها قالت لي انه اخوها خالد رافض الزواج لانه يبي يتزوجك انتي (هو فعلا تقدملي وماحصل نصيب) . بعدها جات حرمه لابسه عبايه سوداء ومغطيه وجهها وضمتني وسلمت علي و مدحت ولدها خالد بعدها كشفت وجهها انا خفت قلت في قلبي هذى مو ماتت ...؟( طبعا هي ام خالد وهي ميته الله يرحمها ويرحم موتي المسلمين امين )كان شكلها حلو في الحلم ووجهها منور.
اما الحلم الثاني
كان في مدرستي الابتدائيه كنت اكل خبزه شبيه بالفطيره وكان طعمها لذيذة مسويتها مدرسه الفنيه صباح اللي درستني في الابتدائي وكنت اكلها وانا نازله من على الدرج لما خلصت رحت المغاسل اغسل فمي ويدي دخلت معى عبير صديقتي في العمل ونصحتني اني مااكلم نورة اللي هي الطالبه طبعا انا كنت مقتنعه بكلامها ميه في الميه بس في الحلم انا مو عارفة وضعي هل انا طالبه او مدرسه لانه رنا قالت صعب انه تجيبين الثالثه على المملكه وانتي ماجبتي مجموع في الثنويه العامه فقررت اعيد اختبارات الثنويه العامة وانا رايحة من المغاسل لغرفة المعلمات مريت على فصل كان فيه نورة و وحده مااعرفها وهي كانت تنظرني من تحت لتحت لكن انا ماكلمتها لان الكل مايبيني اكلمها (حتى في الحقيقة مااحد يبيني اكلمها )
بعدها دخلت غرفت المدرسات وجلست عادي بعدين جات ابله صباح وقالت وينك ليش ماحظرتي الحصة قلت الحين اجي قالت طيب جيبي ملفاتك اللي سويتيها واسبقيني على الفصل رحت يوم دخلت الفصل وسلمت سلمو علي البنات وكانو هم صديقاتي اللي بالثنوي لما شفتهم حسيت اني طالبه بعد السلام قامت وحده قالت انا ياابله اجاوب قلت طيب وين وصلتو في الدرس ولما طالعت في السبوره لقيت فيها مخطط اول مرة بحياتي اشوفه.
اسفة على الاطاله ......