يعني غصب اشتري جيب جي اكس ار بالرياض؟

السلام عليكم ورحمة الله وبركاته ؟ نحن ببلد ينعم بالخيرات والثروات تبارك الله ونعلم ان سيدي خادم الحرمين غير مقصر ابد ولكن الا حان الاواان ان تكون الرياض العاصمه التي نفتخر بها من كل النواحي ! اليوم فجأة زارني احد الاخوان من دول الخليج وطلعت انا وهو بسيارتي الجديده اخذتها قبل شهرين من الوكاله 2012 لله الحمد المهم ونحن طالعين وبعد توقف المطر والشوارع ممتليه بالمياه والحفريات الشكوا لله ثم لخادم الحرمين ! المهم وحنا ماشين سرعة 60 فقط ماشعرنا الا ونحن بحفره والممياه متساويه مع الرصيف والطين مختلط تبارك الله بالشوارع طلع صوت بالسياره بعد الحفره دب دب طاح دف؟ ظربه قويه! ليش كذا يعني اشتري تركتر مثلا؟ طبعا محد منكم يعرف التركتر الا قليل ؟ تعرفون وين هذي الحفره وانا بدخل طريق الملك عبدالله من جيهة الشرق؟ طبعا صاحبي قال اف اف رافع شو هاذا ياريااال؟ طبعا قصده يارجال ! قلت لا هذا بس يعدل ميزانية السياره طبعا عقاله طاح قدامه وعقالي كان مايل الحمد لله ؟ ماطاح ! سؤالي والله تعبنا يااخواني شوارعنا تعبانه وسيارتنا تشتكي لنا وكأن الصناعيه والورشات لهم دعاء مستجاب ! او انهم شركاء مع وزارة النقل ؟؟؟ طبعا انا اتحمل كل كلامي هذا هذي الرياض اذكركم هذي الرياض ماهي حفر الباطن ماهي حايل ماهي الخرج ماهي رفحا ماهي المدن الاخرى والله العاصمه ؟
المشكله ان اكثر سفرياتي انا عن طريق البر حتى الى خارج المملكه بسيارتي يعني على قولتنا ابخنكم وخابركم نفسي تريحون سياراتنا الثمينه لكي نسمع وششششششششش فقط؟ وليس دف طب طاح !!! واترك لكم الخيار
مثل ماقال الشاعر لاحكو بالحق حيين الظمير؟!