الجرح

[read]
رغم الذي قد صار واللي يبي يصير
رغم الجحود ورغم كل الذي صار

كلي على كلــي يَبي منك تفسير
وشلون بيدك تحرق القلب بالنار

منك الخيانه مـالها اي تــبرير
ازريت اقلبها علي حبل الافكار

غدرك لمسته ياالغـلاَ وشفت تقصير
والــجرح مايشفيه تبرير الاعذار

لو الجروح تفيد فيها المعاذير
ماكان شفتي طاغي الشوق محتار

اللي وصلنا منك فااق التفاكير
ليتك بقيتي مثل ماانتي باالانظار

ليتك ذكرتي طاغي الشوق باالخير
ليتك قريتي وش كتب لك من اشعار

تسرقني النسمه على تالي اعصير
فيهــا بقــايامــن وفاء حب منهار

ابلا شعور اطلق خطى الرجل وتسير
والقى معي شوقي على دربها سار

سالت على خدي دموعي محادير
من موق عيني حول الدمع نثار

في شوفها تنبت ورود ونواوير
وتزهر نواوير النفل بين الازهار

حبي لهــا حب البــدو للــمغاتير
وشوقى لها شوق العطاشا للامطار

في ذمتي تسوى جميع الغنادير
في قـربها جنه وفي بــعــدهـــا نــار

اقفت بها سود الليالي المدابير
وتقطعت من دونها كل الاخبار

طال المطال ودمر الحال تدمير
الله ياصرح الوفــاء كــيف تنهار

هاض الغرام وخافقي وده ا يطير
لج الحنايا وامنعه كل ماطار

لابــنــج نــافع بــه ولا فــاد تـخـدير
ياخاين العشره ترى الوقت دوار

مع السلامه سافري موفقه خير
دربك خضر وا للي مضى صارتذكار

اشعار
طاغي الشوق
...

[/read]