((ديوان الشاعر فهد المهوس))

بسم الله الرحمن الرحيم

((ديوان الشاعر فهد المهوس))

فهد المهوس
من الشعراء القلائل على الساحه الشعبيه
الذين تتمتع قصائدهم بالاصاله ويملك مفردات رائعه
فهد المهوس
شاعر عذب ومتمكن من المفرده
وله اسلوب خاص يميزه عن غيره في الساحه
لنستمتع معا مع قصائد شاعرنا فهدالمهوس..

هي هنا .. قلبي وانا ..
انتظر منها كلام .. يافهد رد السلام ..
ياحبيبي وين ارضك .. انت قربك لي حياة ..
هي غزل ولا دلع ولا شموخ وانتصار ..
هي ولع قلبي وروحي او سبيلي فـ الحياة ؟

قربي مني حياتي ..
خلي عيني في عيونك..

ودي ارسم في عيونك شي من داخل عيوني ..
ايه اشوفك انتي اغلى من حياتي ياحبيبه ..
انتي عمري وانتي لجروحي طبيبه ..
يابعد روحي احبك .. احبك ,, أحبك ,,

قربي مني حياتي ..
خلي عيني في عيونك..

وش حلا الدنيا فـ بسمة من شفاتك يالحبيبه ..
ذي حدود الارض للعالم , , , وذا حدي بقلبك..
ايه احبك .. وانتي لي كلمة وحيده ..
منك احبك .. فيك احبك .. كلك بكلك احبك ,,
مسأله عاشق غريبه .. مايرددها الكثير ..
في حياتي شفتك انتي .. وفي وجودي ارضي انتي .. واحسبي النبضات مني ناظريها كم تساوي ..
ماتكفي قولتي لك يالحبيبه .. ولو دبلتي اضعافها ..
من وريده ليا وريدهـ ,, ايه احبك .. ايه احبك ..
قلتي ياحيي .. امانه .. ودي اسمع منك فصحى .. وودي اقرا لك حروف .. فيه من نبضك الوف ..
قلت في بالي وماله .. بأبدأ بخطوة صغير ..
تك .. تك .. تك .. تك
انظروا اني بصير ..
قد اجد في ما يُسمى انني اسعى اليها .. وقد اكون احب حُباً تمتلئ مِنهُ يدايا
وقد اهيم بوصفها .. وبرسمها .. ياذا الوجود .. اسعفيني .. انقذيني ..
ومن هنا تقضي السطور ..
هُنا سأكون بجوارها ..
هُنا سأكون بأحضانها ..
هُنا ,, كونوا معي ..
انني أجثوا على ركبتاي .. يآآآآآآهـ مابالي اهذو هكذا ؟؟ ..

ناظرتني وهي تِبسْم .. وارتميت بطوعه = واحتضنت حروف تكتب اسم هالدلوعه
جرجتني للقصايد .. من بعد ماعفته = قمت أطوّح بأعلي صوتي قلبي ومتبوعه
هي تِبسْم .. بس تكلم .. وماتعرف تعبر = ناظرتني .. وهي تتمتم .. بياملا بازوعه
يافهد .. لا لا تحاول .. قلبي ماهو قلبك = ولدّت فـ ( بسمه ) وقلبي هقوتي .. مشروعه
قلت ياروحي امانه ماأعرف شعورك = وودي اعرف وش خمالي او اعرف شنوعه؟
وودي اعرف من حبيبك كان عندك غالي = ودي اعرف عن حياتك وعن غرام اللوعه
قالت بهمسه ياغالي انت لي محبوبي = وقلت وشو؟؟ وش هرجتي ؟؟ شكلها مفجوعه
ماتِمنى تعيد قول(ن) قالته من لحظة = وماتِمنى غير شوقي .. تحسها مخضوعه
ياكبيره في دلالك .. ياعظيمة بأمرك = ناظري هذا حبيبك ..!! وش يسوي بكوعه ؟
هو يحبه او يقصه او ويش يسوي ؟؟ = الله يرحم حال حاله دام هو مشفوعه
بس قلتي انتي كلمة وهو يحسب المقصد = انك تحبين شاعر .. ياملا البازوعه

http://www.b3b7.com/vb/showthread.php?t=22426

, , ,

هُـنـــا ,,

تكفى ياخلي قم وقّف على الباب
.............. بتلقى هديه علّها بس ترضيك
بابدا انا

بإسمك ,,

وحسنك ,,

للأنساب

همن احول ,,

واشتقي فيك واحميك ,,

يالبا هالبسمة ,, ليل السهر طاب

يالبا هالنظرة

وبروحي ,,

أفديك




, , , ,

هُــنــاكـــ ,,

حيرة التساؤل


تقبل هديه من حبيبك حبيبي ؟
............تقبل هدية جابها لك وهو حي ؟
تقبل عيوني ولاقلبي ونصيبي ؟
............. تقبل جميع الورد ياقطرة المي ؟

, , ,


هدية حب



بأقدم لك هدية حب ,, تترجم كل إحساسي
أبيك ان قلت هذي هي ,, تقومي ثم تضميها
ابيك تشتتي نبضي ,, ابي اشتد بأنفاسي
ابي اتعب وانا ارسمك ,, وادقق في معانيها
ابي اهديك ذاك الشي ,, ابي اعطيك كراسي
ابي اعطيك كل الكون ,, ابي هالناس تحكيها
ابي اهديك شي وشي ,, ابي اهديك نبراسي
ابي اسكنك وارد احضنك ,, وحتى عيوني اعميها
ابي شي(ن) ماهوب اي شي ,, لالولو ولا الماسي
ابي اهديك حاجة وبس ,, دخيلك بس قبليها
ابي اهديك قلب إنسان .. خلي(ن) مابه اعماسي
تعلم من حروف الحب ,, حروف اسمك ويتليها
يردد اسمك بكثره ,, ونبضه زاد باقواسي
ابي اهديك روح انسان ,, ابي يمك اوديها
وانا ميت على حبك ,, وقدامك انا قاسي
واقول اواااااه ياقلبي ,,, ماهو لازم اداريها .!
واداري حبك بنبضي واحسه كنه لبااااسي
واتمتم ف الغزل كله ,, وانا قلبي يحاكيها
انا لك كلي بجسمي بعقلي وكل احساسي
هديه علها ترضيك وياليتك بس تهويها


, , , ,


علها تنال على الرضـــــــــــا ,,


ابتسموا لوهلة

, ,






,,

http://www.b3b7.com/vb/showthread.php?t=22301

مـلامـح ,, تبتدي .. ومـلامح تنتهي ونقطه من أول سطر ,,

نعذب حرف ,, ونموت بطرف .. ويجينا ظرف .. لكن مانتوب .. مانتوب

مانتوب وكيف نسلى ومانتوب = مايعذبنا سوى غِرٍ لعوب
ان وصفنا جرحنا ماغير نبكي = وإن تمادا واحدٍ قالوا كذوب
وإن تهادينا بملامح شبه صورة = مايميزها عن اخراها الذنوب

نتعب ونحكي .. وهذا الشوق فاضح ,, وشبه صورة أُعدمت في عين حالي .. ماأميز هالملامح .. فكري مشتت وحرفي يتبع افكاري وضايع ..

اشهد انه ضاع ,, ضايع ,, واشهد ان الكون واقف ,, ماتخالفه الظنون , ولا المواجع ,,

من وجع ..

وش وجع الا غلا ,, ساكن بدرب المحال = هيه لاتبقى هنا ,, والغلا مثل الجبال
ثابت وثابت وثابت مايهزه مودماني = دام هذا الحب احساس وازاهير وخيال
مايهزه مودماني اشبه بصورة غريب = آه منه كيف جاني وكيف راح وكيف طال
مالقيت بصورة اللي داخل اعماقي مثيل = غير خطوة تك تك وغير رسمه من جمال

الجمال وشهو الجمال ؟؟

درب يرسمك المحال .. درب يربطك لوصال .. ينبع بنبع الجنون .. يغرق بحزن وطعون ,,

قد يكون المرء يهذو ,, ينطق الكلمة فصيح = قد يكون المرء يبكي عند من حبه صحيح
آه وش كثر الجنون في حياتي يامـلاكـ = آه ياكثر الجنون ,, انظري إني جريح

إعلمي امراً وددت به رضاكِ يالحبيبه ,,

قلت لك ماقلت لك .. لاتقولي لي مصيبه .. نوب فصحى ونوب عامي والله مادري وش اقول ,,

وش اقول .. وحبك المرسوم فيني = يتضح حتى ينادي صاحبه آتي
وان سألتي وين ضاعت به سنيني = احسبي الدقات من قلبك حياتي

نقطه ومن اول سطر ,,,


لقلوبكم (باقة من الأزهار)

,,

http://www.b3b7.com/vb/showthread.php?t=22905

بسيطة علّها تنال على الرضـــا

يومي قضيته بين هكاّ وهكاّ = وان رحت عدت لنفس دربي ورديت
وارسم دروبن بالقصا ماتلكاّ = مابين تونس لـ مراكش ولا أمسيت
طبيت في ريم(ن) عليها تشكّا = له في ضلوعي مرتع(ن) كنه البيت
اومت بقلبي ماسكه ماتهكّأ = وارخت هدبها مقفيه ويش سويت
خــليت كل الناس بعدك تـبــكّأ = وخـــليت كل اللي يدورون خليت
ياقلب سلم للخفوق المركّا = وسلم غرام الروح ياروح شليت
وبلغ سلام الشاعر اللي مزكّا = زكاه منهو بالشعرميت في ميت
وارسل تحياتي ولاهي مسكّا = وكل ماطرالي معصيه قمت صليت
وقل للعنود الشامخه لاتدكّا = وقل للعرب يقفون لو قيل هجيت
وقل للجمال اللي يهيض ويفكّا = ان العمر لو راح ماجاك هالبيت
من شاعر(ن) مقفي وكنه تذكّأ = روّح وانا في دربه اليوم ونيت
ونيت من حسن(ن) يهز ويعكّا = له بالحنايا منزل(ن) منه جنيّت
بنت الحضر قلبي معه ماتنكّا = كل العلوم اللي ابيها وناديت
انا اشهد ان العز فيها مركّأ = وانا اشهد ان الذوق لأفعالها صيت
ياقلب عوّد للعرب لا تشكّا = وصور غرامك في حياتك وفلّيت
فلّيت رسم(ن) في السما مايحكاّ = ولو هو تحكّا ماتحكيت حكيت
سلمت امري والشعر مايفكّأ = وسلمت شعري وترني اليوم حليت
حليت رمزاً مايحل ويصكاّ = ولو عودت للشرع بالباب صكيت
يابنت شوفي شاعرك مايخكّّا = بس من جمال عيونك السود خقيت

http://www.b3b7.com/vb/showthread.php?t=23056

ليه تبكي الغيم المطر ؟؟

لإن وجه الأرض مرعب

المطر وشهو المطر؟ = غير دمع وإنتثر
أغرقتنا هالسحاب = من فعايل هالبشر
ناس تتركنا صحيح = مالقت فينا مديح
وناس تلعب بالقلوب = والعذر أكبر قهر
وناس تبكي بالجنون = وناس تهوى ثم تخون
وناس تتعب ثم تموت = آه من وين الصبر
وناس ماتظلم أحد = وناس ماتغلط أبد
وناس تتجاوز حدود = وللنهاية ياأمـر
آه ياعمري الصغير = وين انا ووين المصير
وكل منا في بلاد = وفي مقامي احتضر
هذي قصتها تحب = وهذي قصتها عجب
وهذي ميته في الجراح = غرّها صغر العمر
وهذا يمشي بكبرياء = عاجبه فن الرياء
عاجبه انه وسيم = ومافي قوله أي كسر
وهذا يتعب بالنهار = وهذا حس بإنهيار
لإنه يشوف الغباء = عاطفة للمقتدر
وهذا ياعيني عليه = كل زينه ترتجيه
وكل لحظة في حياته = يقتويها بالصبر
والصبر وشهو الصبر = إحتساب من العمر
وماقويته يالحليم = لإن قلبي منفطر

,

الشاعر الكبير / صالح السهلي [ عنكبوت الشعر ]
أعتز كثيراً بمعرفة هذا الشخص ,,
وهو يعلم بقدرهـ عندي ,,
ووجهت له هالأبيات البسيطة ,,

بديت بإسم اللي عطـى لعظامـي= جلد استره بالزيـن مـن هندامـي
الفـرد عّـلام الغيـوب الـواحـد= عساه يقدرنـي وأسـوق إلهامـي
ارحب هلا بشيخ السهـول ارحبّـه=اعداد من صلى وطـاف وصامـي
واعـداد بـرّاق الحيّـا ومزونـه= من فوق نجـدٍ ,,ألمحـة قدامـي
والشاهـد الله يابوسيـفٍ إنــي= أحشم جنابك حِشمة اللـي ظامـي
لو جاه ماء يشرب . جلس ثم سمى= لإن الحيـاة بغيـر مـاء تنظامـي
والشاهـد الله مانطقـت بحرفـي= الا شِعْر.. ينطق غلاه بـ( عامي )
والشاهـد الله شوفتـك تفرحنـي= كني مشجع قام يتبـع ( سامي )
لا هّـز شبـاك النصـر بالكـورة= ولا قـام يتفنـن وهـو قـدامـي
الحرف سقته ثـم صغتـه فكـرة=والناس تفعـل والرجـال اقرامـي

رد الشاعر صالح السهلي ,,
الله يعينك يافهد على شطحاتي !!
ويعلم الله انك اكبر من الشعر ..

( الشعر من مخلاب فكري دامـي )= قصيدي / وصيدي / وذوقي سامـي
والشعر ينبوعي.. لاوالله تـدري := ( لاوالله الا بحـرك المترامـي )!!
فهـد.. فهـد يامرحبـا يالغـالـي= ياصاحبـي / يامسنـدي وحزامـي
من حسن ذاتك .. وانت ذوق ووافي= وشاعر جزل من جد بحرك طامـي
قصيدتـك جتنـي وانـا متوهـق!!= صايـم وقلبـي تلـنـي لهيـامـي
حتى قبل يوميـن وسـط المسعـى=وانـا بمكـه قبـل افـك احرامـي
وانا مكلمها واقـول : ( آحبتـس )=ومعطي معاليهـا جميـع ارقامـي
يعني انا ( رايح وطـي ) وبكيفـي=( لو رحت تبوله وحمص شامي )..
الا على طاري.. ( وطي ) ماتلاحظ:= ( متقدم يعيش بكنف متنامـي )!!
الـوقـت هــذا الله ايخارجـنـا= جعل العوض فـي مقبـل الايامـي
شكلي بجيب العيد ياابـن مهـوس=واكبس عقالي لـو ثنـى مرزامـي
يمكن تمـر اللـي فبالـي صدفـه= ويصيـر تأميـن القلـوب إلزامـي
و ( الشعر من مخلاب فكري دامي )= قصيدي / وصيدي / وذوقي سامـي
والشعر ينبوعي.. لاوالله تـدري =( لاوالله الا بحـرك المترامـي )!!

, , , ,
وهذا ردي البسيط
, , , ,

يـاقـاف جمـلـنـي وشـــدّ عـظـامـي= وارسـل تحيـاتـي وشـوقـي حـامـي
وسلـم علـى ابوسيـف سَـلِـم سَـلِـم= وقله تـراي اليـوم عنـد الْقطامـي*
مـن يـوم ماكبّـر وانــا مــن خلـفـه= حتى البشر بين الصفـوف ترامـي
واذكـر تلاوتـه حتـى اذكـر شكـلـة= واذكر بكى اللـي مـن بكـى قدامـي
والشـاهـد الله يــوم هـــل الـدمـعـه=حسيـت بظلوعـي وجسمـي زامـي
واسَرع وانا حسيت يـوم(ن) سلـم= واذكــر وقـوفـي احـتـري حَـزّامـي
واقبـلـت للمـوتـر وفـيـنـي بـسـمـة= والزمت فـي فكـري كثيـر الزامـي
انـي علـى رد الجمـيـل اعـمـل بــه= وانـي علـى فعـل الـرجـال احـامـي
وانــي عـلـى قـافـك ياصـالـح والله= مااقدر اجـاور كـود تجـري ايامـي
واذكـر مقولـة شيـخ يــوم يـنـادي= يـومــه يـشــد بـهـالإخـوّة هــامــي
وأذكــر اغـانـي قــد ربطـنـا فـيـهـا= خصر(ن) وطبّل له صبـاح اللامـي
واذكـر غرامـي يـوم قـالـت ويـنـك= وانــا مـزهـب حوسـتـي وحـزامـي
يـقـال إنــي مـاأعــرف الـسـفـره!!= وانـــا مـقـطّـع هـالــدول بلـجـامـي
القـول قولـي والوصـوف اوصافـه= والنـاس تُبـهـر لاشعـلـت إلهـامـي
والشـعـر حركـتـه وانـــا ماهـمـتـه= ماغيـر اطـوف بـدرب آمــي آمــي
يابـنـت حـظـك دام صـالـح عـنــدك= ويابـنـت حـظـي دامـنـي مهـتـامـي
والـقــول لـلــي حـاكـمـن بـأقـوالـه= ومـن قـال قــول يتمـمـه ويحـامـي
والنـوم ماظنـي يـجـي لــو لحـظـة= لـو قيـل صـالـح ضايـقـن مانـامـي
الشـعـر حركـتـه وانـــا قـــد قـلـتـه= وابصم على بيض الورق بإبهامي
وإنـي علـى مدحـك ياصـالـح ودي=اوصل جـزاٍ لـي وغايتـن بأحلامـي
واذكـرك بالـلـي مـضـى قــد فـاتـك= إن كـان تذكـر مقصـدي بالضامـي
وانـي علـى شـوفـك ضـامـي جــداً= وانـك تشـرّفني مـثـل أعمـامـي
وامسـك ياصالـح سـر لك آقولـه= مـن يـوم ماراحـت وانــا بهيـامـي
حـتــى اتــذكــر قـولـهــا تـأبـرنــي= تقصـد تلاطفنـي بقـول(ن) شـامـي
واذكر طفولتها معـي فـ( الحـارة )= واذكــر جلّـدنـا جـدهـم وعـسـامـي
واذكـر متـى مارحـت يــم الـحـارة= فـي وسـط حـايـل بيتـهـا بزمـامـي
يـابـنـت ويـنــك ماعـرفـتـي خـلــك= اصـبـح بحـرفـه مُـبـدع وإجـرامـي

* القطامي = الشيخ ناصر القطامي إمام جامع القاضي فـ الرياض
لإرواحكم حدائق من الزهور

http://www.b3b7.com/vb/showthread.php?t=23841

بِعـبـق الـورد أُقدم هذا النص البسيط لأرواحكم



أحيان اشك إني ملك واني مُجرد من حروف
ماغير دفتر من شعر عليه شيّ(ن) كاتبه

..

يعني انا كنت اكتبك مانيب مُعجب فـ الوصوف
يعني انا ماني ملك او كنتي انتي حاجبه

..

ماغير انا وانتي هنا داخل خريطه فـ (الكفوف)
يعني انا وانتي هنا !! .. موجب و يتبع سالبه

..

وانا ماغير امشي ورا واحد وكني غير اطوف
يعني انا صرت اتبعه !! يعني عبارة سائبة

..

والمشكلة حياتنا فيها ركاكـة .. لو تشوف!!
عندك مثل يعني مثل !! قصة حياتي شائبة

..

بديتها بصرخه طفل يصرخ وهو لأمه يشوف
يعني انا بديتها .. بصرخة وهي متصاحبة

..

يعني على قولة سعد ( يادب وينك لاتخوف )
والدب ينحف ياسعد .. ولازم تجي مطالبه

..

مطالبه شي من ورق وحاجة تِعبر عن ألوف
يعني قلم.. شف ياذكي غيرك يفكر حاسبة

..

الا على طاري قلم وش صار فيهم ذا الضعوف
واقصد بهم بعض البشر يتبع خطا ويعاتبه

..

ويكمل الفصل الأخير .. يجلس يحاور بالصفوف
صف(ن) يرد بعض الكلام وصف(ن) هنا ! يراقبه

..

وارجع على محور حديثي ياوطن قصدي قطوف
قطوف من اجزاء من اشتات بنت(ن) تائبة

..

تتوب من قول الشعر ويقال شي(ن) من ظروف
وبعض الشعر يُكتب على بيض الورق ويخاطبه

..

والجاهل ان جالك عمى ابشر ترا علمه سفوف
يعني بلا بشكله .. يناهق فـ (الحكي) ويشاك به

..

والناس من مبطي خذوا علمه وحطوا له دفوف
اذا لفاهم شخص مثله .. رددوا له قاطبه

..

والعلم من شاعر ملك او قل مالك للوصوف
إحساس شعره يعجبك وان جاك حرفه جاك به


http://www.b3b7.com/vb/showthread.php?t=24099

,,

دنيا معك .. هي دنيتي
ياكل اوراق الجنون
يالهفة القلب الحنون
انتي وانا عشق(ن) يدوم
مابين نظرات العيون
احساس يعطيني أمل
وانا معك طول الأجل
مرسوم في قلبك رسم
وانتي وانا عشق(ن) يدوم




, ,

احس الدنيا فرحانه ,, وفيها بالفرح الوان = واحس ان السما رسمه تلوح لك بأيامك
واحس اني ابي اهواك وابي احس بالوجدان = واحس اني ابي الدنيا وابي ورد(ن) لأقدامك
ليامنك تقولي لي حبيبي وش بها ماتبان ؟؟ = وش ابيّن ووش اخفي ووش اقول لالهامك
تراك ليا وقفتي زين اشوف الكل هنا غلطان = واشوف انك اليا شختي تشيخي لو بهندامك
حبيبه لي ولو قلتي حبيبي كم انا ضميان = لإني من اشوفك بس احس بفرحة اعوامك

, ,


ياغاليه مشتاق لك
واتعب وانا احتاجلك
مابين طرفك يافتون
منك ولك مشتاقلك
يابسمة الدنيا بعيني
والحروف تواصلك
ياكل ايام العمر
فيك الوصوف تحاك لك
مشتاق لك

, ,

مشتاق والله والغلا فيك يشتاق = دامي معك ياشوق ميت من الشوق
مشتاق لك ياروح روحي بالاعماق = منك غفت عيني وانا اصير لك موق

, ,

حبيبتي منك انا
والروح تطلبني هنا
ودها بحكاية عن عشق
عن حلم واسطورة غِنا

, ,

بأضمك منك واردك لك و ابوسك ثم اضمك حيل
بأضمك ثم اشوفك بين ايديني ثم اردك منك
واجيبك لك وانا منك هنا قلبي معك يتليك
يحبك يعشقك يهواك يشوف العمر كله رضاك
لإني منك واشوفك عنك وكلك ياقمر يحويك
ابوس شفاك .. وانا القاك واحس اني معك اغليك
لإني فيك ماحسيت سوا إني ملك مملوك

,,

باضمك ضمة الطفل الرضيع اليا بكى عطشان = وبأضمك ضمة الضايع عن عياله بيوم الدين
باضمك ضمة التايه عن العالم وهو غفيان = يحس الكل من حوله وهو ماغمضت له عين
بأضمك ضمة التابوت اذا حطوا به الجثمان = بأضمك لين ماتوصل همايل عبرتي للصين
باضمك حيييييل ياقلبي باضمك ضمة الوجدان = واحس اني معك منك ولك في دربنا ماشين
باضمك حيل بشفاتي باضمك ضمة الولهان = بأضمك حيل بأطرافي باضمك ضمّة المقفين
باضمك لين ماأوصل معك حدي من الحرمان = معك محروم من حضنك واشوف اني معك الحين
احس بشي ياقلبي احسه او انا غلطان =احس اني وانا جنمبك ملك من أثرياء البين
ملك والله انا بعينك // ملك والله انا إنسان = ملك دامي أحبك موت وأحبك لو علي تقسين

بعد هذا انا ويني؟؟
معك والله مابيني
ابيك انتي معي يابنت
وابي ارتاح من حيني

, ,

http://www.b3b7.com/vb/showthread.php?t=24924

, ,

من عيوني ..
لعيوني ..
كل مابيها تجيك
ياسخافه حظي وينك
لاتبيني ولا تبيك
من هنا حد الثماله
ومن هنا حد الغرور
آهـ ياروحي وشوقي
ماتخيلت الشعور
ابتسمت وقلت وينك
وانهدمت قبال عينك

ياعيون الكون (غني)
ليه ماردك حنينك
ليه ياكل الكتابه
ليه ياكل الحروف
ماكتبت الا قلب
وماقريتك دون خوف
كود ياعمري بـ ـ ـ ـ لحظة
افتكرت اني اجيك


, ,


كتبتك حرف ياكل القصيـده
كتبتك شوق في كل المعاني
..
كتبتك نبض ياقلبي ووريده
كتبتك نظم ياحب(ن) لفاني
..
كتبتك همس ياأحلى نشيده
كتبتك روح ياغاية زمانـي
..
كتبتك نص لترنيمه فريـده
ترددها قوافي المودمانـي


, ,


وان كتبتك ماكتبت الا حياتي
ومن عرفتك ارتسم كل الوجود
وش اقول وماأقول ..
غير ياكل الفصول ,,
ترجمه إحساس مغرم ..
ترجمه إحساس مفعم
له من اشياءة كثير
هو يحب الناس فيها
والبطل دايم مثير
لإنه يردد كلام رواية
قد قراها لـ شكسبير
يآهـ ياعذب الصفات
آهـ ياكل الحياة
بك حياتي ابتديها
وانتهيها للمصير





, ,

الليله ناويها فرح ,, الليله إحساسي جميل
الليله اولها مرح ,, الليله أحلامي تِخيل

, ,



مسائك ذوق
وكلك شوق
مسائك نرجس وكادي
مسائك عطر من انفاس
مسائك روح من روحي
مساء معطر بإحساس
وعُودٍ قال : وشنوحي؟


مساء الخير ياروحه
مساء الخير ياروحه
مساء الخير ياروحه


, ,



ونامت عينها فيني
وزاد الشوق في قلبي
ونامت كل اطرافي
وزاد اوجاعها والياس
وكل الناس .. لها اجناس
وناس(ن) من عرفناهم
ونحلم دوم بلقياهم
نرددهم كثير كثير
واحس بعجز فـ التفكير
لإني من اقول ( الآآآآهـ )
احس برغبة التعبير
ورغبه في مسائاتي


مسائك ذوق ياعيني
مسائك حلم .. وانتي حلم
مساء مرتب بأنفاس
ولهفة مُبحر وغطاس
مسائك حلم .. ياروحي
وخيال لشاعر(ن) نايم
ويحلم فيك من عمره
من ايامك الى ايامه





, ,



أي والله احلامي تخيل بوسط عيني
.............. مالقيت لقلـب محبوبـي وسيلـة
غير امدد كف وارخي لـه يدينـي
.............. صالت حمولـي وعيّـت لاتشيلـة
من هذاك الوقت ماظنـي يجينـي
.............. وان لفاني .. مير ماباليـد حيلـه
من عرفته قلب واحساس(ن) دفيني
.............. ومن تركته دفتر اشعاري يسيلـه
وان لفيته شفـت بعيونـه حنينـي
.............. وان كتبته في سما حرفـي اخيلـه
وان رسمته للسما برسمة إيدينـي
.............. عوّدت فينـي دموعـي والغليلـه
وان رسخت بداخل افكاري ضنينـي
.............. فيه حسن الناس يآخذنـي بليلـه





, ,


بعد هذا .. ياكل الكون ..

مساء لايشبهه مساء ,,

http://www.b3b7.com/vb/showthread.php?t=25359

, ,


ماعشقت الا حروف .. وماهويت الا قصيد .. وماجمعت الا ألوف .. // كانت اعظم من رصيد //

بسمة من واحد ياعالم .. كانت تعادل // حيـاة // ومالمحت الا ضيـاه ..

ومن بعد قافي وقلته .. قام صفق // ثم راح .. //

وماعجبني غير قلبه .. ممتلي كله بياض // آهـ يالليل الريـاض // كني بحروفي وحيد

وش اقول اليوم عنه .. غير معجب من ألوف ..

وغير صورة من مجلة .. ضمها مابين ايديه ..

من كثر ماهي فـ شنطة .. صار بالصورة خطوط ..

خط داخل قلب عاشق .. وعيني اليسرى ملاذ ..

وكني بشفاتي اتمتم ... يآآآآآآآآآآهـ ياروح الجنون ..

وابتسمت وصرت صورة ... ورسمتني هالعيون ..

//

لتلك الروح التي وهبتني الحياة .. والدتي

,,




اشتاق وان كان الحكي قصّـر
........ اشتاق وإن كان الغـلا زهّـر
اشتاق يـاروح الشعـر كلـه
........ أشتاق وامطر ليـه ماأمطـر
اشتاق ياعـذب الحكـي كلـه
........ اشتاق وعيون المـلا تبّصـر
اشتاق لحروفـك مـن اولهـا
........ واشتاق لوصوفك وفي المظهر
اشتاق لـك ياقلـب محبوبـك
........ اشتاق حتـى فكـرك معطّـر
اشتاق واشتاقك مـع اشتاقـك
........ والشوق يفضح بس ماقصـر


, ,

بإبتسامة وروح

http://www.b3b7.com/vb/showthread.php?t=26960

.

إقبلوها كما هي .. لقلوبكم

.




ماأشوف الا ابتسامة مـن مصيـر الإرتحـال
قدني اوصل شطها لكن بها جفـن(ن) وعيـن
وماأشوف الا خجل في خوف داخـل إشتعـال
وتشتعل من لهفة الأشواق باحساسي اللعيـن
وكني اوصل حدهـا لكـن بهـا شـي محـال
ووافقت عيني بعينه ..والمطر صوته حزيـن
يامطر وقف امانه .. يامطـر وقـف تعـال..!
يامطر وينك دخيلك يامطر خذني وأعيـن ..!
وماأعينك يامطـر كـود الألـم هـد الجبـال
ومايهد جبـال قلبـي كـود إحساس(ن)يليـن
واستهانـت روحـي قبالـه ولا فيهـا مجـال
دامه اقفى والجوى يِصْدر من اعماقـي انيـن
ابتدينـا يامطـر بالحـس واغرانـا الهبـال
وانتهينا يامطـر بالمـوت واوجـاع الحنيـن
آه ياضيق(ن)بصـدري منهّـا طـاح العقـال
يوم دنقـت ارتكـي خايـف دّموعـي تبيـن
واستثـارت عاطفـة فينـي بإيحـاء الخيـال
كيف جالس وسط قلب قـال شريانـه again
وكنت اردد حب احبك حب يستهـوي الرجـال
وانت تضحك بي وتضحك والأقين اصبح هجين



.

.

.


ليلة الفرقـا حياتـي جـت تنـادي بإسفهـال
يافهد تدري وانا ادري ان حبـي لـك متيـن
وكنت واقف والمدى قـدام عينـي والوصـال
ماوصلت وصالها وفي خدها خـوخ(ن) وتيـن
وحتى اذكر مشيها في شوق والمعنـى جـدال
وصرت اشوف اني وانا بقبالها شيخ(ن) حزين


.

.


عايبته سنين روحه وشيب فـي راسـه يقـال
ان هذا الشيب اصـلاً مايجـي حتـى الجنيـن
والجنين ان شاف فعلك شاب في لفـظ المقـال
يكره ايام العمر والنـاس واحسـاس(ن) دفيـن
والمهم اني على كثر الحـزن شفـت الجمـال
واقف(ن) ينطر جمال اموات من حين(ن) لحين
واستفقت الحلم .. واثر الحلـم باقـي لايـزال
لإن كل اللي معي.. فـ(البيت ) قالوا لي again



.

بإبتسامة وروح .!

http://www.b3b7.com/vb/showthread.php?t=27027

للتحميل من هنا

إذكريني لالقيتي فـي عيونـك دمعتيـن=واذكريني ساعة الموعد في لحظة غيـاب
واذكريني كل مامرك شـذا هالياسميـن=واذكريني في عتابك من عتابك للعتـاب
واذكريني في مسا الإثنين وانتي تذرفيـن=واذكريني كل ماعانق شبابيكك ضباب
واذكريني لالمحتي في بيوت الناس طيـن=واذكريني لازعلتي ولاطرالك هالعـذاب
واذكريني ياحبيبه في مسائـات الأنيـن=واذكريني لالقيتي النور من ظلك يهـاب
واذكريني يابعد روح الشعر والعاشقيـن=ولالقيتي في سواليفك عبارة (مايًعـاب )
اذكريني واذكري وسْم القصايد كل حين=واذكري بس هيبته للناس والعالم تهـاب

http://www.b3b7.com/vb/showthread.php?t=29255

مدخل ..

إشتياقي ..

مايعبر عن عتابي ..

ليش ياكل الحكاية ..

انتهيبك وأبتديك ..

من هنا ابدا عتابك ومن هنا ابدا غلاك ..

من هنا روحي تحبك .. من هنا قلبي يبيك ..

من هنا عيني تودّك .. من هنا روحي تجيك ..

..

واجيك اكثر من اللي كان .. واجيك اشتاق ياروحي
واجيك إنسان في إنسان ... ثيابي ملّـت جروحي

من هنا تبدا حكاية .. من هنا بأبدا غـــلاك ..

من هنا قصة دموعي .. يادموعي والرحيل ..

أواه ياليل العنا ويش جابك = من قبل اعرفك حالتي مرضيّه
من قبلك اصلاً داله ماهابك = وإحساس قلبي ناقصه حنيّه
الفكر يمضي والحروف تدابك = والناس ماتت من طعون(ن) حيّه
القلب يحزن ماينال اعجابك = الرجل تاهت في دروب(ن) ضيّه
امطر قهر واسقي جفاف ترابك = وابكي على من ضيعته بنيّه
إحساس قلبي بالضلوع مشابك = والناس تتعب من خفا بالنيّه
القلب يملك فـ ( الديار احبابك ) = والعين فيها فتنة(ن) اهليه
ان كنت غاوي لاتطول بالك = وانت كنت هاوي غنّها طرقيّه
ياهيه خلك واقفن في بابك = والشعر يسري بك وقلبي زيّه
لكن تذكر ماإستوى يسوابك = واعلم بحاجة شاعرك للجيّه
الفين ساروا في ظلام(ن) حالك = واثنين منهم عدّهم عن ميّه
ان قلت شاعر زادك ولاعابك = والعلم وافي والمشاعر حيّه
إحذر تهاون .. لايضيع زهابك= مثل الذي يطوي الحساني بسيّه
هذي خلاصة شاعر(ن) يحيابك = لكن تذكر دمعة المرثيّه

مخرج ..

فيني مساء ..
يشبة خجل ..
عجّل وخله يستريح ..
مثل الطفل ..
يرجي أمل ..
والطير يبكي له يصيح ..

http://www.b3b7.com/vb/showthread.php?t=29791

صباحكم/ مسائكم
شِـعْـر

لكم بعد غياب

مدخل //

الحكاية .. في عيوني
ترجمة دنيا رحيل ..
والأمور اللي تداري بعضها
ماهي هنا
وش بقى الا التعب
والناس تبكي ياهديل
وش بقى ياجروح قلبي من بِعاد ومن عنى




وقتها قبل المغيب .. إحتوا الوقت بسكون ..
ناظرتني هالعيون ..
صورة الشخص الكئيب

مالقيتك .. لاااااااا لكني .. من عيوني خذيتك
والبدايه ماتكون الا كذا ..

ابتدينا وابتدا همي معك ..
انتهينا وابتدا فرحي معي
إهتوينا ومالقيت الا .. حروف
مرحلة إعجاب تتليها حقايق مدمعي



النواظر لاحت واعيّت هناك ..
والخواطر تلعب بقلب الصبّي
والمشاعر .. لما تتليني معاك
اضحت بقلبي وهزتني تبي

اواهـ يالقلب الطفولي .. آهـ يالقلب الهبّي
آهـ من صوتي
عسى ماضقت بانت بحّته

الضيقه اللي تعتريني ماتساوي لـ تعبّي

والقهر
يغلب طبايع قلب

بانت دكّته

الحكاية ماتعّبر
والقصص فيها خبي

والقلم ينزف .. ودفتر صاحبي له
شهقته

القهر لو كان في بُعد الديار اللي نبي؟؟

كان مافارقت حايل والمدا
في سكّته

ماشلع قلبي غزال
ولاتولعت بظبي

ولامشيت الا بدروب اللي تسرك حنكته

الظروف اللي لفتني فعلها جداً غبي
ماقول الا عسى ربي يفرّح مهجته

كنت اقول اني ابي
وجروح قلبي
هم تبي

مادرينا الا بكامل قلب يبرم صفقته

يستهين بلهفة العشاق ويسبينا سبي
والغرام اليا تحدّد .. ماإستباحت حكتّه
القهر واكبر قهر عيّأ يحقق
مطلبي

صارت الدمعه بعيوني وماقوته
وبكتّه

ارتحلت وابتعدت وصرت كالحُرّ الأبي
وانتهضت بكل شموخ
وصرت اجاري لكّته

من تركته صار يتبعني ويسلك مذهبي
حتى بالضحكة يقول
(( انها غرامي ضحكته ))

شينها لاجاك ضايق ..صار يحبي لك حبّي
والدموع اللي بخده تنتثر ماهمّته

مادرا بالموت لا أقبل يِقبّل منكبي
وبشموخ اصافحة
وماني مدور فرقته

وان تماديت بخطى .. هذا لإني مو نبي
واللي يستهون كلامه

لايتحرا سبّته

اواهـ ياقلبي وانا منك غرام الشرعبي
اختفى صوتي
وانا انطر دقايق
ضمّته

مخرج //

ابتديناها لقى .. ابتديناها كلام
وإنتهينا في دقى .. انتهينا في سلام

فهد بن صالح المهوس

http://www.b3b7.com/vb/showthread.php?t=30983